رواية شيطان في بيتي الفصل الثاني والثلاثون بقلم الكاتبه زهرة الربيع حصريه وجديده

مش على النكته لانها قديمه جدا بالنسبالو اتنهد وقال ..سهيله يا حببتي خليكي في العياط احسن
سهيله ضحكت وقالت..ليه بس والله حلوه
ابتسم وسند جبينه على جبينها وقال...والنبي انتي اللي حلوه وقمر كده...اسمعي انتي دي ..بيقولك واحده ليلة دخلتها ...
سهيله قاطعتو وقالت..بس بقى..ايه مفيش في دماغك غير الحاجات دي متكملش
منتصر ضحك وقال..انتي تعرفيها اصلا ...اسمعيها مش يمكن تعجبك
سهيله قال بسرعه...لا لا ..من اولها كده باينه مش هتعجبني
ضحك بخفه وقال ..يابت مش احنا اولى من القرود
سهيله قالت بضحك ..قولتلك ده برنامج علمي 
منتصر اتنهد وقال...طب افتحي الفيلم بقى خلينا نشوف القرد عمل ايه... ونطمن عليه اهو على الاقل حد بينجز في البيت ده
سهيله ضحكت على كلامه وهو ضمھا لحضنه وبقم يسمعو سوا
بره البيت كان علي لسه واقف هو وصاحبه 
علي نفخ بزهق وقال... اسمع انا تعبت من القعده هنا .....انت هتفضل مراقبهم ...وانا هكون قريب من المكان اول ما الظابط يخرج من البيت تديني خبر على طول بس عايزها تكون لوحدها في البيت فهمت
صاحبه قال... من عنيا انت مجربني
علي قال بسخريه...ما هي المصېبه اني مجربك
ومشي وسابو يراقب المكان
بعد ساعات عند اسيا قدرت اخيرا هيه وعدي يرجعوا لؤي على البيت بالعافيه... بعد ما اقنعوه انهم هيجو مره تانيه يطمنو عليها لانه مش هينفع يقعد في القسم اكتر من كده
اول ما دخلوا عصران قال پغضب.... اتأخرتو كده ليه... بذمتكم مش مكسوفين من نفسكم لما كلكم رايحين القسم لواحده مجرمه ....مش كفايه انها اتقبضت في بيتنا ..افرض حد من الصحافه صوركم او
بس قطع كلامه لما لؤي قال بجمود.... عايز اتكلم معاك لوحدنا اتفضل قدامي على المكتب لو سمحت
اسيا وعدي استغربوا طريقته خصوصا لما عصران هز راسه بتوتر وطلع قدامه فورا
لؤي راح وراه واسيا اتنهدت وقالت..... وبعدين في المصاېب دي ولا مصېبه شكل اختها حتى
عدي قرب منها وقال....اسيا انتي..احم انتي لسه زعلانه مني مش كفايه كده بقى.... انا مش عارف انت ليه مش عايزه تطلقي منه الوقت ده كفايه قوي
عدي قرب منها وقال ...احم...اسيا انتي لسه زعلانه مني ....مش كفايه كده بقى.... انا مش عارف انتي ليه مش عايزه تطلقي منه ..اظن الوقت ده كفايه قوي
اسيا التفتتله بدهشه وقالت... انت لسه بتفكر في الموضوع ده يا عدي ...من كل عقلك
عدي قال بسرعه.. . اه طبعا يا اسيا انتي عارفه ان انا بحبك و 
قاطعته بسرعه وقالت.... اسمع يا عدي انا طول عمري صريحه وواضحه وخط مستقيم ما فيهوش اي اعوجاك وهتكلم معاك بصراحه يعني يا عدي انا ما بقتش احبك 
لسه هيتكلم قاطعته وقالت بسرعه..... مش زعلانه منك ..ركذ في جملتي...انا ما بقتش احبك يعني معنديش مشاعر ليك و انا مسامحاك ومش زعلانه من اي حركه عملتها ومقدره طيشك اللي لحد دلوقتي لسه غرقان فيه وبتمنى انك تبطله علشان نفسك وعلشان تلاقي شريكتك المناسبه اللي هي طبعا مش انا ...انا منكرش في وقت من الاوقات كنت انت حلمي والشخص المناسب ليا يمكن كنت بحبك او لا...واكيد لو كنت اتجوزتك كنت هحبك اكتر انما حاليا لا ....يا رب يكون كلامي مفهوم بالنسبه لك وتشيلني خالص من دماغك علشان تفضيها لحد يستاهل
ولسه هتمشي مسك ايدها پغضب وقال... حبيتيه يا اسيا حبيتي ابن الرقاصه
بقلم...زهرة الربيع
اسيا دفعت ايده پغضب وقالت... انت بتخرف تقول ايه احب مين.. اكيد لا ...انا بقول لك سواء كنت معاه او مش معاه حبي ليك انتهى موضوعنا خلص حل عني بقى
قالت
كده وطلعت على اوضتها بسرعه وهو بيزعق و بيقول ...لا يا اسيا بتضحكي على نفسك ...لولا ان الباشا عاجبك ما كنتيش تكلميني بالطريقه دي انا كنت متأكد انه هيلحس عقلك اشبعوا ببعض 
وضړب الطاوله قدامه پغضب شديد
اسيا مردتش عليه وطلعت على الاوضه وقفلت الباب وكلامه بيتردد في ودنها ..ومخنوقه جدا بس مش من كلامه ...نظرة 
اكمل ليها في القسم ولما مشي فورا اول ما دخلت مأثر فيها جدا مسكت التليفون وكانت نفسها ترن عليه وتطمن لانه من وقتها مجاش القسم ولا على البيت 
بس ابتسمت لنفسها بسخريه لان حتى رقمه مش معاها قعدت على السرير بيأس وقالت.... طب ارجع على البيت طيب.. يعني ايه شغل العيال بتاعك ده 
و انا متضايقه ليه اصلا..في 60 داهيه 
و جذبت شعرها بتوتر شديد وقالت ...ايه اللي بيحصل لي بس
ولسه هتقوم جات لها رساله على الفون واټصدمت بشده من محتواها لانها كانت من معمل الدكتور صديق لؤي ..وبعت لها نتيجه تحليل اكمل 
مرفق برساله....مدام اسيا ..دكتور لؤي طلب مني ابعت النتيجه لحضرتك
عند سهيله كتبت ورقه بطلبات كتيره لمنتصر وقالت ...وانبي يا منتصر ركذ وجيب كل الحجات لان معندناش حاجه في البيت...واه اوعى تنسى المسبحه من وقت ما جيت هنا وانا مش معايا واحده
منتصر ابتسم وقال.... من عيوني مش عايز حاجه تاني
سهيله هزت راسها بالرفض وقالت بابتسامه ... لا كده تمام
منتصر قرب منها قوي وقال..بقولك ايه... في حاجات كده ..ها بتتباع عارفاها الحاجات القصيره الناعمه دي
سهيله نزلت راسها في الارض بكسوف وقالت....احم لا مش عارفه بتتكلم عن ايه
منتصر رفع وشها ليه وقال.... لو جبت لك حته ..تلبسيها
سهيله بعدت عيونها عنه بكسوفه شديد وقالت.... جيبها ونشوف
اتسعت ابتسامته بسعاده شديده وقال.... طب قولي والله كده 
سهيله ضړبته في صدره بخفه وقالت ....كفايه بقى بتكسفني يلا روح..يلااا
منتصر جري بسرعه واخذ الجاكيت وقال ....دقايق وهتلاقيني قدامك هطير طير ..علشان تلحقي تقيسي 
حدفته بمخده من الانتريه وقالت.... امشي بقى
منتصر ضحك جامد وطلع وهو مبسوط جدا وساق عربيته بارتياح وهو ما يعرفش ايه اللي مستنيه
في الوقت ده صاحب علي رنله قلو ان منتصر مشي
علي كان قريب من المكان وما فيش دقايق ووصل
سهيله كانت بترتب الانتريه وسمعت خبط على الباب ابتسمت وهزت راسها بيأس وقالت.... وبعدين في المچنون ده رجع تاني ليه بس
و لبست النقاب بتاعها بسرعه وراحت فتحت الباب بس اټصدمت بشده لما لقيت علي قدامها وكانت هتقع من طولها حاولت تقفل الباب تاني بس علي دفعوا بقوه ودخل وقفلوا وراه وقال.... ليه كده يا بونبونايتي مفيش اتفضل وووو
اجماع اجماع اجماأاااااااع يلا يا جميلات تفاعل حار علشان اكمل بسرعه اللي جاي دمااار قولو توقعاتكم للقادم وادعمو البوست جامد علشان نخلصها بسرعه