رواية أول مره أحب الحلقه السادسه بقلم الكاتبه شيماء صبحي حصريه وجديده

وشايفه اللي هناك دا..شاورلي علي خيل ابيض بعضلات دا طبعا خيل عربي اصيل مش موجود منه دلوقت غير عدد قليل!
حركت راسي بابتسامه وانا بحاول مبينش اني خاېفه او متوتره وبصراحه كان ماجد خفيف يعني بيشرحلي كل حاجه بسلاسه وبعدما لفينيا نص المزرعه جات خفاشا تاني وبلغته ان بابا مستعجل وعاوز ياخد كل العجول ويمشي وعاوز يقابل ماجد علشان يدفع الحساب !
حرك ماجد راسه وبصلي وطلب مني استناه مكاني ومتحركش لحدما هو يرجع وانا طبعا وعدته اني هفضل مكاني واول ما مشي قررت استكشف الباقي بنفسي ! 
عصام كان تايهه في البلد اللي ډخلها بعدما لف علي رجليه علشان يدور علي اروي ملقهاش بس لقي واحد من اهل القريه دي بيقرب منه لما لاحظ انه بقاله كتير بيلف في البلد فقرب من عصام واتكلم بتساؤل بتدور علي حاجه يا اخينا 
عصام بخضه بصله وحرك راسه ايوا بقولك ايه مشوفتش البنت دي هنا في البلد
طلع عصام صوره لأروي علي التيلفون ولما الشاب شافها قال باعجاب بسم الله ماشاء الله دي مين الجشطة البلدي دي يا واد عمي!
عصام پصدمه قشطة بلدي ايه بقولك شوفتها
الشاب وهو بيضغط علي شفايفه باعجاب ودي انا لو شوفتها تفتكر هيسبهالك!
عصام اتعصب من كلامه وقال پغضب متتكلم عدل يا جدع انت واحترم نفسك انت ازاي تتكلم علي اروي كده
الشاب ابتسم وكمان اروي دي احلوت قوي..قولي يا اخينا هيا متجوزة
عصام بضيق والله لو ما احترمت نفسك لهغلط فيك و..
الشاب وهوا ماسك عصام من هدومه بتقول ايه ياض انت تغلط في مين ها انت متعرفش انا ابق مين ولا ايه
عصام بتوتر يا استاذهو انا اسمك ايه
الشاب مرزوق
عصام پخوف يا استاذ مرزوق البنت دي تايهه وانا بدور عليها وطبعا حضرتك مطمنتيش خالص دا انت خوفتني اكتر منك وعليها!
مرزوق وهو بينزله وبيعدله هدومه اللي بوظهاله قال ما كنت قولت كده من بدري!! كمل بدهشه بتقول انها تايهه!
عصام حرك راسه والشاب دا بصله وقال تقربلك ايه القشطة دي معقوله تكون خطيبتك
عصام برفض لا ابدا دي بنت خالة مراتي
الشاب ابتسم وقال يعني القشطة مش مرتبطه
عصام پخوف من هيئته لا مش مرتبطه
الشاب بابتسامه واسعه حلو اوي ياعني انت بتدور عليها هنا ولحد دلوقت مش لاقيها
عصام بموافقه ايوا فعلا دانا رجلي ورمت من اللف وانا لو مالقتهاش وانا لو رجعت من غيرها رقبتي هتطير وانا لسا عريس والله وفرحي كان اول امبارح
الشاب رفع حاجبه بتفكير..ممكن اساعدك بس عندي طبعا شرط ولازم تنفذه
عصام سأله بلهفه ايه.. شرط ايه دا
الشاب هدور معاك علي القشطة ولو لقيتها هتجوزها قولت ايه
عصام باستغراب وهو بيرفع شفته الاعلي تتجوزها!! دا ايه السلاسة اللي بتتكلم بيها دي انت متعرفش دي عامله ازاي ولا اهلها مين
الشاب بسخريه وهيكونوا مين ياعني ابوها يبق عمدة مثلا!
ضحك عصام بقوه وقال بسخريه كبيرة علي كلام مرزوق عمدة هههه لا يا عسل دا جزار وممكن يطير رقبتي انا وانت!
الشاب اتوتر وقال بتقول جزار
عصام حرك راسه ومش اي جزار دا معلم كبير وبنته دي مدلعه اخر دلع بس بصراحه دي عملت معايا حركة رجوله فقدر اقولك انها دلوعه بس جدعه وب١٠٠راجل !
الشاب فكر في كلام عصام وقال بس برضوا دي دخلت نفوخي وهساعدك تلاقيها ..اهم حاجه انت متاكد انها في البلد دي
عصام برفض بصراحه مش عارف هيا ممكن تكون هنا او في القريه اللي قبالكم هناك
الشاب حرك راسه بسيطة متقلقش اهم