رواية شيطان في بيتي الفصل السابع والثلاثون والأخير بقلم الكاتبه زهرة الربيع حصريه وجديده
رواية شيطان في بيتي الفصل السابع والثلاثون والأخير بقلم الكاتبه زهرة الربيع حصريه وجديده
ماسك ايدها ومقربها ليه وبيضحكو سوا قدام الصحافه والاسوء كانت الدبل اللي في اديهم
اتسعت عنيها وهيه بتبص لاديهم پصدمه مختلطه بدموع عينيها وڠصب عنها ما تقدرش تواجه جريت بسرعه على زاويه مفيهاش حد بتحاول تاخد نفسها ودموعها بتنزل بدون ارادتها
اكمل شافها واتنهد بحزن وكمل الحوار بسرعه وقعد البنت اللي معاه على طاوله ولسه هيروح ورى اسيا وقف قدامه لؤي وحضنه بقوه وقال ....عامل ايه يا مچنون كل ده يا اخي حرام عليك ما توقعناش نشوفك تاني
اكمل حضنو و ضحك بخفه وقال.....مشاغل الحياه بقى يا دكتور... انت عامل ايه
لؤي قال بسعاده ....انا بخير واتجوزت كمان و
بس قاطعهم منتصر اما قرب حضنو بسعاده وقال..حمد الله على السلامه يا فنان
وسهيله وفرحه بقى يسلموا عليه كلهم بسعاده ومبسوطين جدا انهم شافوه حتى عدي سلم عليه وحضنه من ضمنهم
اكمل ابتسم على استقبالهم ليه كانوا مبسوطين جدا وبيرحبوا بيه بحراره عمره ما اتوقع انو ممكن يجي يوم و يبقى محبوب منهم او من اي حد
عدي قال بسرعه قاصد يوصله رساله.... ما باركتلناش مش انا خطبت نيره اخت منتصر
اكمل ابتسم بخفه وقال.... عارف
بصوا له باستغراب ولؤي قال... عارف ...عارف منين
اكمل قال .... انا عارف كل اخباركم من ساعه ما مشيت وكأني عايش معاكوا كمان ...مش معنى اني غبت اني مش هسال عنكم ...انتوا عيله لقيتها بعد ٢٧ سنه مش بالسهل هفرط فيها
وبص لفرحه وقال.... مبروك عليكم... النونو اللي جاي في الطريق
وبص لمنتصر وقال...وانت يا حضرة الظابط مبروك الترقيه والجواز...واميرتك الصغيره...وانت كمان يا عدي عقبال الجواز مبروك لكم كلكم بجد عرفتو تبنو حياتكم صح
لؤي ابتسم وحط ايده على كتفه بسعاده وقال.... احنا كنا نتمنى نعرف اخبارك زي كده ودورنا عليك كثير والله انا و منتصر بس ما قدرناش نعرف لك مكان
اكمل ابتسم وقال.... كنت محتاج افضل مع نفسي شويه
فرحه قالت بحماس.... بس على الاقل نعرف اخبارك الفنيه مبروك فيلمك الجديد ده مكسر الدنيا
اكمل ابتسم وقال....الله يبارك فيكي ...اخيرا عملت فيلم يستاهل تشوفه يا لؤي هعزمكم كلكم ونشوفه سوا
سهيله بصت للبنت اللي جابها معاه من بعيد وقالت بضيق....مع ان كان المفروض فيه حد هنا اولى يروح معاك تشوفوه ولا ايه يا ابن عمي
اكمل فهم قصدها وضحك بخفه وبص على اسيا من بعيد كانت بتغلي ورايحه جايه پغضب واضح وقالت.....والله ما اعتقدش لان الفيلم رومانسي.... ممكن لو عملت حاجه اكشن ولا چريمه... عن اذنكم
بقلم...زهرة الربيع
ولسه هيتحرك ناحيه اسيا لفت انتباهه عصران اللي كان قاعد على كرسي بعجل على جنب وبيبصلو بغيظ شديد
اكمل اتسعت ابتسامته بخبث شديد وقرب منه ونزل على الارض قعد في مستواه وقال.... ازيك يا عمو ....صحيح نسيتك مش تقول حاجه تنبهني انك هنا
لؤي حمحم وقال.... هو عنده مشكله في الكلام من وقت ما عرف موضوع رجليه جات له جلطه خفيفه و
قاطعو اكمل وقال ...اخرس يعني ...مش كفايه مشلۏل كمان بقيت مجلوط يا حول الله يا رب
لؤي اتسعت عينيه وقال.... اكمل الراجل مريض
اكمل قال .... يا ابني وانا بقول له ايه انا بواسيه هو انا معقوله هفرح فيه يعني .. ده انا فرحان قوي اني شوفته
عصران كان بيبص له بغيظ شديد ونفسو ينطق ويهزأه
واكمل بصلو وقال.... انت زعلان ليه يا عمو ...شكل الحفله مش على هواك معاك حق والله تحسها ناشفه رجالي كده
