رواية مريم الحلقه الاولى حتى الحلقه العاشره حصريه وجديده

رواية مريم الحلقه الاولى حتى الحلقه العاشره حصريه وجديده 
حلقة 1
لكل بداية نهاية وانا كان عمبالي هذي نهاية قصتي مكانش علابالي القدر وش راهو مخبيلي 
نبدالكم حكايتي لي رح تعيشو فيها كل انواع المشاعر الخايبة و الزينة الضيق و الڤرج وووووو
انا مريم البنت الكبيرة في العائلة حكايتي بدات كي كان عمري 19 سنة جاية قصيرة شوي يعني بينازة كيما يعيطولي بصح لاطاي بومبة عريضة و عندي صدري بارز و كبير ربي عطاني وحد زين و هذا لي رح يجيبلي مشاكل في حياتي نوصفلكم روحي انا بيضة عينيا نوازات اجمل حاجة فيا هي عينيا لي نضرب فيه خزرة يضرب فيا عشقة شعري ملون بني و طويل يوصل تحت ضهري و عندي زوج غمازات ليفوسات يبانو مليح و خانة في خدي صفحتي رسمية The Best Family 
عائلتي متكونة من ماما و papa وختي ياسمين و خويا امين papa شهريتو طالعة مليحة يعني عايشين حمدلله ميخصنا والو ناكلو نلبسو نخرجو بحكم انو papa منفتح يعني عادي نخرجو وحدنا و ندورو ماما شوي مزيرتنا 
حكايتي بدات نهار قررت نخرج ندور نشري حوايج 
نضت صباح درت دوش و رحت للكوزينة 
صباح لخير ماما نخرج ليوم كيما تفاهمنا لبارح _روحي و مطوليش وختك معاك _اوكي مامي 
رحت قلت الياسمين ختي ووجدنا رواحنا لبست سروال مزير دوجين و ليكات طويلة نواغ و باسكات بيضة و خيمار نواغ بيزو بيزو درت شوي مكياج غيسيل و لاينار و ڨلوس وخرجنا حكمنا لبيس ورحنا بدينا ندورو _مريم نروحو للبازار جديد _ ايه رواحي قالولي لي يبيع ثما شباب_ رواحي نكحلو شوي _ رحنا وصلنا دخلنا واااو بزار هذا فيه حيحابات و ربات و حوايج نساء كلش غالي_ ياسمين شوفي هذي لاروب اعععق تشبه لعهد جدات ماني العانس_هههه بلعي يسمعك مولاه_مع سكتنا سمعت واحد يسعل مورانا درنا في زوج_ يالبنات اجرو ليا نطيح يا ماما شديني وشنو هذا زين نوصفهولكم طويل و سمر سمارو شباب ېقتل يبان سبورتيف لحية نواغ و عينين نواغ مجبودين و شعرو كبير و مطلعو لور لابس سروال جين نواغ و تريكو بيض و نواضر فوق شعرو و باسكات بيضة_نغزتني ختي باش فطنت من احلامي_ طلعت راسي جات عيني مع عينو مكانش علابالي بلي هذا لي رح يقلبلي حياتي و معرفتو رح تبدلني بصح في رايكم رح تبدلني من ناحية ايجابية و لا سلبية... 
عجوزتي
مريم 
حلقة 2 3.4
الحلقة __2
لبنات طلعولنا بارطاج وتعليقات من فضلكم رايحة نحطهم في زوج قصص متبخلوش مطولوش راهم قصص في زوج روعة .. ...طلعت راسي شفت معاه شاف معايا تع راني سمعتك واش _يخزر عندي و يحكي مع ختي_ كاش متحتاجي_لالا رانا نشوفو برك _ مرحبا بيكم اذا معجبوكمش تع العانس كاين منهيه تع بنات لي لسانهم طويل وشاف معايا _ انا ذبت في حوايجي شحال شباب يا لبنات كشغل مشي هذاك زين زين بصح عندو حضور طاغي هيبة مشي طبيعية كي تشوفيه متقدريش متركزيش معاه و مع صوتو رجولي و خشين و فيه بحة راجل كيما لي نحوس_راح يمشي وانا و ياسمين نشوفو طاحت عيني على وحد لاروب تع عراس روب نواغ طويلة وفيها شلقة عند الفخض و كتافها واحد كاين واحد مكاش هبلت عليها شفت مع ياسمين اسمعي نتي راني رايحة نقيس هذي بلاكي تبعدي باش جي تمديلي رايك _اوكي راني هنا_ رحت ليه نمشي و حشمانة صفخة رسمية