رواية مريم الحلقه الاولى حتى الحلقه العاشره حصريه وجديده

_ وشبيك فرحتي و عينيك يتشاعلو_ والو کرهت مدار برك _ هذا وين جيتي کرهتي روحو بدلو ورواحو تفطرو_ دخلنا بدلت حوايجي و رحت فطرت و رجعت شمبرتي و عقلي يخمم غير في مول البزارات بلا منعرف اسمو راني غير نخمم فيه كيفاش شافني بلاغوب رفدت يديا و دعيت ربي يارب واحد كيما هذاك و منزيدش نطلب والو هههكانت لحظة استجابة علابالي تقولو مهبولة بصح لله غالب نحب زين و سورتو كي يكون زين و الحطة و دراهم انا من البنات لي نحب المظاهر و نحب نعيش فات نهار عادي فليل جا papa تلمينا نتعشاو مع زعاقة و ڨصرة papa يحبنا بزاف و مدللنا سورتو انا يعيطلي بكرة تاعي يعني مدللني درجة نكون ظالمة يرجعني مظلومة وهذا شي لي رجعلي ثقتي في نفسي عالية بزاف صفحة ثانية اجمل قصص وحكايات بقلم ليليا 
صباح جديد نضنا شربنا قهوة و خملنا حالة و ريحنا كنت قاعدة في شمبرتي دخلت ماما_ اسمعي مريم ياك عرس وليد عمتك ياسر مبقالوش لازم نشرو حوايج تعرفي بنات عمتك شحال زواخين نحبكم تدوهالهم فزين و لبسة و الحطة وجدي روحك نخرجو نشريو و ديني لهذاك بزار جديد _ اوكي مامي وفي قلبي مېتة بسعادة خرجت ماما زربت نضت غسلت وجهي دخلت شمبرتي لبست حيجاب باج و خيمار باج و صندالة بيضة و ساك بيض درت شوي مكياج و خرجت شوفو لبنات انا مانيش متحجبة حيجابات منلبسهمش بزاف بصح لبارح فليل قررت بيني و بين نفسي اني لازم نطيح مول البزارات و قررت نلعبلو على الوتر الحساس لي هو السترة سورتو مين شفتو بلي قاعد غير يستغفر و يشوف مع شواربي المهم قتلكم لبست و خرجت شافتني ماما شهقت _ بنتي راهي شابة ليوم و مستورة وش مل حمار ماټ _ قلتلها ياسمين حمار مول البزارات _ بلعي ههه خرجنا غير انا و ماما و ياسمين وصلنا بزار دخلنا مع دخلنا تشوكيت لقيت زوج بنات جدد يخدو ثم و طفل جون يبان 25 سنة دخلنا ماما عجبوها و قاعدة تخير و انا عيني تحوس غير على مول البزارات و كشغل بديت نغير ياك لبارح كان يبيع وحدو علاش دار لبنات معاه علابالي تقولو مهبولة بصح لله غالب انا هكذا بلخف نغير قعدنا نشوفو خزرت علا لاروب تع لبارح مكاشها باين جات مولاتها داتها قعدت في قلبي_ياسمين وين راه سيد تع لبارح_ وانا وين علابالي بصح شوفي لبنات لي يخدمو باين ميجيش داير خدامين_ حنا نهدرو مع ندور و نشوفو داخل قلبي ولا يخبط في الف لابس قميص نواغ و باسكات نواغ و فاست كوير فوق القميص داير نواضر فوق شعرو يعمري حابة نمسلو شعرو مع دخل يبان مقلق و زابط وجهو عاقد حواجبو يمشي بكل ثقة كي نشوف فيه هكذا يبان دايها في روحو دار جات عيني في عينو درت روحي مانيش نشوف فيه بسك قررت لبارح نطبق عليه مبدا تع انا عاقلة و صعيبة و حطة و كلاس في نفس الوقت.
الحلقة
كي شفتو درت روحي نقلب الحوايج و ماما راحت تقيس دارت عندي ياسمين _ مريم راهو جاي لينا _ بلعي ديري روحك ماكيش تشوفي فيه فهمتي _ كيفاش مانيش نشوف فيه وانا شفتو_ بلعي بهدلتيني متخزريش فيه بزاف_ رنكي انا حمارة لي قتلك_ اسمعي روحي خليني معاه