رواية مريم الحلقه الحاديه والعشرون حتى الحلقه الحاديه والثلاثون حصريه وجديده

في بالو بلي خدعتو فهمتي صحا نوضي
رحنا لماما خبرناها قاتلنا روح معاكم
زربت نضت غسلت و لبست سروال جين مزيييير و تريكو قصير نواغ و مونتو كاشمير نواغ و طلڨت شعري قلت بلاك يشوفني هكذا يغير و يسامحني مالڨري مغلطتش معاه
و خرجت رحنا درنا كامل على البزارات تاعو بسك هو عندو شحال من بزار ملقيناهش
بقالنا بزار واحد تع الخطړة لي فاتت مرحناش ليه قټلهم روحو ليه قاتلنا ماما اوك شوفو ماما سابقتنا و انا و جيهان وراها كنت متاكدة هو يكون ثم بسك هداك حانوت يريح فيه بزاف رحت و ياريت مرحتش متوقعتش لقائي بيه يكون هكذا...
حلقة
مع دخلت للبازار جات عيني ديركت عليه قاعد وين لاكاس لابس سورفات بيضة و كسكيطة بيضة ياعمري يهبل
واقفة معاه الخدامة هذيك إنصاف اذا تشفاولها تهدر و تضحك
دخلت ماما و جيهان و انا وراهم كي شاف ماما عرفها عينو تحوس عليا غير شافني عقد حواجبو دخلنا داخل قاټلو ماما سلام رجعلها انا غير شافني تخنزر فيا و دور وجهو يا مريم ختي هذا وين طليتي فيه يڨعر يجدك
قولي لله يبارك بصح رجلة يبان لله يسهل عليك ديني ضرة و لا زوجيني بخوه شفتيه خزرة و مشافش فيا
نرمال مقلق ضرك نبعث عمتي داخل و روحي ليه اوك شفنا حوايج سلعة تهبل دخلت ماما تقيس روحي ليه اجري
مانيش حابة هو غالط مشي انا يااا مالا علاش شقينا روحي نرمال رحت نمشي ليه نهدر معاه مع وصلت ليه رفد راسو شافني عيط انصاف انصاف جات تجري
انعم سي أنيس شوفي طفلة وش تحتاج ياااالبنات شوكاني متوقعتهاش منو تفضلي نقدر نعاونك لااا صحيتي راني نشوف وقفت درت روحي زعما نشوف في ليشورت قعدت واقفة عند راسي ختي تقدري تروحي اذا كاش محتجت نعيطلك تخنزرت فيا وراحت رحت نجري ليه أنيس انيس جدك خليني نفهمك تعيش ساكت محبش كامل يشوف فيا شوف عندي والله فهمت كلش غالط قودي من وجهي مريم اسمعني برك خليني نبرر روحي ليك و دير وش حبيت قټلك قودي من وجهي مزيديش دوري بيا والله ضرك وليت انا لي درت بيك مشي نتا لي جريت ورايا ربك واه انا وندمتيني
قودي محياتي مسمعتنيش و مخليتنيش حتى نبررلك منسمعش سمعت كلش واش هدرتو تعيش خليني نفهمك والله راك غالط فيا واه عندك لحق غالط فيك حطيتك بنت فاميليا
قادر روحك وش راك تهدر قودي من وجهي بيني و بينك مكاش هدرة آخر كلام عندك مهدرش كامل معايا سكت اوك صحيت انا غالطة جيت ليك حتى لهنا رحت و خليتو جاتني دمعة هبطت من قيمتي و رحت ليه فتالي يقولي قودي وشبيك هدرتي معاه قاعد يطيحلي انا نهدر معاه وهو يقولي قودي
مخلانيش كامل نهدر خلاص بلعي بلاكي تبكي قدامو هو غالط مدرتي حتى عفسة عيانة شوفي كيفاش يضحك و يهدر معاها هذيك بلعاني راهو يدير في سكارة
شفت ليه عيط انصاف و قاعد يحكي معاها كشغل مانيش كامل لهنا ياربي وعلاش زهري كون غير سمعني برك ندمت لي جيت
مريم خلاص بلعي رح تفضحي روحك يقلك تبكي عليا راني نبكي على روحي مشي عليه غاضتني جيت لعندو و هو يحاوز فيا قالي قودي من حياتي
خلاص هو لي يقود و انا ضرك نقودو مليح روحي تشوفي عسيلي عمتي تخرج روح ليه هبلتي متروحيش خليك منو روحي و بلعي انا بقيت واقفة و المهبولة تع جيهان