رواية مريم الحلقه الحاديه والعشرون حتى الحلقه الحاديه والثلاثون حصريه وجديده
راحت ليه منيتها.... The Best Family
ختي معليش تروحي دقيقة تخليني مع سي أنيس احكي قدامي قلها انصاف روحي شوفي خدمتك انعم ختي تفضلي تفضل بيك ڼار جهنم كيفاش
شكون نتا أنيس مول البزار قصدي شكون نتا باش تبكيلي بنت خالي كون جيت راجل تروح تعطيلو طريحة لياسر مشي تبكي طفلة ختي يهديك ربي نتي مسمعتيش واش سمعت
علابالي بكلش و عيب عليك ايا طيري من وجهي نتي ثان
تخنزرت فيه و جات عندي تضحك
مريضة نتي حمارة علاش رحتي ليه خليه درتلو دودة هكذا وحدو يعيطلك باش يحوس يعرف واش كاين
منيتك ايه رجال هكذا
خلاص مشي مشي رحنا لماما شرات و راحت تخلص انا وقفت بعيدة شفتو غير يشوف معايا هبطت راسي و سكت اول مرة نحس روحي ضعيفة واقيل عشقت في مول البزارات....
حلقة
كملنا شرينا و خرجنا و رحنا لدار
مع دخلت رحت ديركت شمبرتي
فات نهار عادي فليل صونالي تيليفون لقيتو ماسكي عمبالي قلت سير أنيس ريبونديت لقيتو رخيس تع ياسر
واش يالحلوة ايا روح قود مزيدش تعيطلي كون عرفتك نتا منريبونديش علابالي علا هذيك عيطتلك ماسكي راني عرفت سي أنيس تاعك وين يخدم و شكون هو ردي بالك مني لي تقدر عليه ديرو راكي في يدي متخشنيش راسك معايا غدوة نجي ليك راني جايبلك حاجة تعجبك كوبيت عليه
لغدوة صباح نضت حكيت لجيهان كلش
قاټلي غير يهدر برك ميقدر على والو فات نهار و جازت سمانة و انيس معيط مزالو دايرني في روجوتي
ليوم نرجعو نقراو جيهان راحت لبارح لدار نضت صباح كليت و لبست وخرجت لليسي
جابولنا استاذ يهبل فزين يقري رياضيات و انا حمارة فيها
شوفو لبنات انا صح ممكن نحب انيس مي كي نشوف زين نضعف قدامو ملي جابوه و انا نكحل فيه ربي يغفرلي هو يبان من نوع لي ميخزرش نهائيا
كملنا ساعة و خرجنا مع خرجت من ليسي صبت تابعة تاعي واقف يستنا ياربي هذا ميكرهش ذل لوكان جا بنادم.... اجمل قصص وحكايات بقلم ليليا
وقفت شفت فيه و زرب مشيت انا نمشي و هو ورايا مبعد سبقني صبري نهدر معاك روح عليا ياربي روح مريم خلاص سمحيلي خلينا نبداو مجديد والله نوعدك نتبدل علا جالك متتبدلش أخطيني برك هذا واش راني طالبة منك وانا قټلك منخطيكش و تسمحيلي سيف عليك
رح نجي عندك باباك نخطبك كي يسقسيك قوليلو قابلة انا عرسي رح نحبسو علاجالك ضحكت منيتك نتا مهبول مهبول بيك اذا مقبلتيش نحكي لباباك كلش عليك و بدليل حتى يأمنك ممكن انا يكذبني لي فوطو مستحيل يكذبهم
جبد تيليفون ورالي فوطوات تاعي مع أنيس في حوش وانت كنت بهذيك لاروب الغوج
يااااالبنات انا في هذي دقيقة ډم جمد فيا
شوفي مليح يسموك تقبلي ولا والله ربي غير نبهدلك و شوفي ثم شكون يديك خالي يحبني يقبل بيا خصك نتي برك كي يسقسيك تقوليلو قابلة نتا انسان رخيس و اكبر منافق لوكان جيت صح تحبني عمرك تهددني بسك نحبك درت هكذا ونتي سباب روحك مخليتيلي حتى حل سمحيلي راني مستعد ندير هكذا وكثر باش تكوني ليا...
يتبع
