حياه فيما يرضي الله الحلقه الحاديه والعشرون حتى الحلقه الثلاثون حصريه وجديده

اهلي ونجي نفتح قالو نشاله سقسها قالوا شحال المهر قالوا بابا سقسيها ايقدامك قالي واش تشرطي قتلوا اول حاجة نشرط الهناء ومصحف قالي ايه وهبط راسو كان يحشم بززاف نوصفلكم محمد جاي ابيض وطويل وعندو اللحية انا اصلامن الاول قاصدة اني ندي ملتحي وفي رواية مسلم من حديث أبي هريرة عن النبي ﷺ أنه قال جزوا الشوارب وأرخوا اللحى خالفوا المجوس تفاهمنا على كلش عجبني وعجبتو انا نضت وهو زاد شوي مع بابا وخرج وصلوا ورجع سقساني واش رايك سكت قالي نفهم السكوت علامة الرضا قتلو ايه قالي ملا غدوة انشاء الله ادا كنا من الأحياء وجدي روحك نتي ويماك تروحي تشري حوايج للخطبة قتلوا ايه رحت لبيتي رقدت شوي وفي الثلث الأخير من الليل وعلى العادة نضت قمت الليل وصليت صلات الاستخارة ورجعت نرقد فصباح نضت فطرت ووجدت روحي حتى ماما وجدت روحها قالنا بابا اشروا ميخص بأه متقلوليش مبعد نسينا ضحكنا معاه ومشينا. كانت فسدتلوا لوطو خلاصت علينا على رجلينا ههه وصلنا وبدينا نختاروا كي وصلنا لمحل لملابس نسائية مدتلي ماما دراهم قالتلي روحي اشري واحنا رانا هنا فالمحل لمقابلك نتاع الأعشاب قټلها ايه طلعت كانوا زوج طوابق طلعت لطابق الثاني وبديت نخير الحمد لله كانوا نساء ليبيعوا خيرت واش نحتاج ورحت نخلص ونتم شفت انسان متوقعتش نشوفو ايه شحال شيان فرق شاسع بين ماشفتو اول خطړة ودوك ماام شعرو رجع مكشرد كان هو ومرتو باينة جات تشري يخلصوا رحت نزلت واش شريت ومديتلها الدراهم على خاطر كنت عارفة شحال كلش كاتبينه بشحال لبري قاټلي جاوك قدقد تبسمتت معاها هوما دروا ليا هو شكيتو تخلع وهي بقات ثبث فيا قاټلي نتي واين شيفتك مهدرتش حتى انا راحلي لكلام كي نوقف قدامه يتلفلي كلش ياربي بعد عامين واش فكرني فيه وعلاه لقيتو قاټلي متقليش نتي قټلها ايه شافت معاه لقتوا يشوف معاي قالي لباس قتلوا ايه قالتلي واش ديري هنا راكي عروس قټلها ايه نشاله شفت معاها لقيتو يشوف معاي بنظرة عتاب
الجزء 27
بالنسبة للمحل لكنا فيه فيه غير حوايج نتاع مرأة متزوجة قصدي هدوك البيجامات والحوايج للغاليين ومنتحت كاين قفاطن وسواري وماشابه لاعراس والمناسبات قالتلي واكتاه تزوجي قټلها منعرف مي قريب خير البر عاجله قاټلي ايه وكتاه درتي الخطبة مسمعناش قټلها لالا درت رؤية شرعية والخطبة مزال حتى لسمانة الجاية قاټلي زعما رؤية وضحكت فهمت قصدها يعني زعما راكي كنتي في علاقة معاه من قبل وشايفك تبسمت معاها برك وهبطت راسي شفت التلفون يعيط لقيتو بابا كي صونا شفت أويس يشوف معاي قټلهم هكا نخليكم في أمان الله قاټلي ههههه نورمال كامل فتنا على المرحلة هادي خليه يستنا شوي ماشي اوبليجي كي يعيطلك تكوني معاه قدقد نصيحة ليا متولفيهش منعرف لاه اي هدرة نقصد بيها حاجة وهي تقرها بمنطور اخر وانا كيف العادة نكتفي بابتسامة فقط منبغيش نجادل الناس خصوصا كي يكون الجدال معاهم عقيم وميوصلك حتى لنتيجة انا هبطت وهوما زادوا هبطوا من وراي خرجت عندهم قالي بابا علاه توخرتي قتلوا قالي ملا مدام لقيناه ومدة مشفناه خلي نستنوه نسلم عليه قاتلوا ماما والله صح من العرس مزدت شفتوا ستناوه حتى شفناهم رايحيين يركبو في لوطو كي شافنا جا لنحاتنا سلم على بابا وماما وزاد عيط لمرتو زادت سلمت على ماما قالنا الا خلصتوا خلي نوصلكم في طريقي