حياه فيما يرضي الله الحلقه الحاديه والعشرون حتى الحلقه الثلاثون حصريه وجديده

مدامنا طريق وحدة قالوا بابا علاه واين رايح باه طريق وحدة قالوا راني خلصت الخدمة في لولاية لفلانية ورجعت نخدم هنا في ولايتي
الجزء 28
قالوا بابا الله يبارك كانت الدار لكروها في البتيمات كانت انفاص للدار تفصلنا غير طريق انا صراحة جاني شعور فرحة قلت صافي نرجع نشوفو وزيد ميين يخدم نقدر نشوفو كون نفتح الطاقة نلقها طل على الثكنة خطرات نبقا نتفرج فيهم كيفاه يدربو شفت مرتو معجبهاش الحال كي قالنا نوصلكم معانا كانت مشنفة قالوا بابا عندي حوايج نزيد نشريهم ونجي سقسنا علاه مجيناش بالوطو نتاعنا قاتلوا ماما والله فسدتلنا قالها معليهش طلعنا انا وماما وبابا بقا يخمل في الحوايج لشرينهم بيسك خلهم في حانوت بأه ميبقاش رافدهم ويدور بيهم خملهم وجا يطلع قالوا عمي أرواح نتا من القدام وقال لمرتو ترجع لوراء هي كون جات تفهم من الاول تنوض مي هي لالا رجعت وهي تنسف ركبت وخبطت لباب شافت معاي ماما نتاع غضتها درتلها براسي معليهش ديمارينا مسافة الطريق ووصلنا نزل معانا الحوايج وقار قدام دارو مرتو طلعت مامبا مودعتناش مي هو بقانا بسلامة ودخل للدارو طلعت فرزت القش لجبناها ودوشت صليت وطربتها برقدة حتى للعصر نوم أصحاب الكهف نضت بسيف نتكسل لقيت ماما فوق راسي قاټلي نوضي راه فاتك العصر بستها ونضت قضيت صلاتي وفتحت التاقة بأه تتهوى الحالة قبلاتني داروا رجع قلبي يخبط درت السيتار وبقيت نقارع كشما نشوفو ولا مي مكاش مع انو لوطوه كانت نتم مي باين مع مرتو استغفرت ونعلت على روحي نخمم على راجل متزوج طاحوا دموعي علاه نخمم فيه علاه هدوا العامين ومقدرتش ننساه علاه ياربي علاه
الجزء 29
دعيت ربي ينسيني فيه ودوك راح نرجع مرت راجل ملازمش نخمم فيه نضت صليت ودعيت ربي يغفرلي وصل الليل وقاع محبش يجيني النعاس الأفكار كامل جاتني فليل والله کرهت وليت نستغفر ونضت شعلت الضوء ورجعت نقرأ في القرآن قريت حتى للفجر صليت ورقدت الصباح نضت مع شغل الدار وبديت نوجد في الكاطو بكل الأنواع لازم إكرام الضيف فاتوا ايام مع توجاد والشي لقلقني انو أويس مزال مراحش من بالي خصوصا اني رجعت نعمل تصرفات بلاما نفيق بيها ولا حتى اني نعملها اليا لاشعوريا سلوك غير إرادي مثلا الصباح كي يروح للخدمة نبقا نقارع فيه الصباح بأه نشوفه ولا لعشية كي يرجع ولا منين نسمع لوطو نتاعو قارات نوض نجري نطل من التاقة بأه نشوفو وحتى فالخدمة نرجع لجيهة الطاقة لصالو ونبقا نطل كاشما نشوفو ولا مي جامي شفتو عييت وکرهت من هدا الوضع لراني فيه حتى اني ديما نحاول نشغل روحي بحوايج اخرين كيما نقرأ السور نحفط الأحاديث نقرأ القصص مي بدون جدوى غير نسمع لوطو نتاعوقارات نوض نجري كالعادة خطړة كان الريح قاوي بززاف وانا ڼموت على هداك الجو خصوصا المنطر نتاع السماء كي يرجع لونها أحمر كانت الضلمة بززاف قعدت بحدا الطاقة ونخمم في حياتي كيف العادة حتى ونحاول ننفط هديك الأفكار عليا لتضلي تجيني مي مقدرتش كانت الساعة الزوز نتاع الليل وكان واحد الهدوء روعة جو شباب بززاف جبت التلفون وحطيت الكيتمان فتحت التاقة وحطيت انشودة عيناها نزفها مشتكاها ٠٠٠ 
وطلقت شعري فتحت التاقة وطفيت الضوء مي كان الضوء نتاع طريق بصح في هداك الوقت كان واحد مكاين الطير ميزغدش وتالمو كاينة بريقاد بحدانا مكاش أصحاب المخډرات والمهلوسات الحمد لله عايشين في
امان
الجزء 30
بقيت مركزة مع اانشودة
وروجت عيني ان تكفا دموعها 
يوم الوداع نشدتها لاتدمعي
اغمضتها كي لاتفيض فاأمطرت 
أيقنت اني لست املكو مدمعي
ورأيت حلما انني ودعتهم 
فبكيت من ألم لحنين ومن معي ٠٠٠٠٠
بقيت نسمع بأه ننسا كلش كنت في عالم آخر مع شعري كان يطاير مع هدوك النسمات مفقت غير على انسان يشوف معاي ومكانش يبان بززاف انا تخلعت بلعت الطاقة وبقيت ننهج زدت طليت بشوي لقيتو مزال مراحش اها ياربي انا نحاول ننسها وهو يعاود يخرج في وجهي دوك الحاجة لمفهمتهاش هدي اكل صدف ولا واش بقيت شادة في قلبي ومعرفتش من وكتاه وهو يتفرج فيا جريت طفيت الضوء وشديت بلاصتي وانا ننهج مت قلت في قلبي شكون واقف نتم اسكو هو ولا كاش ضيف جا عندهم ولا بلاك كاش مرتو ومتبانش مليح فضالمة بنتلي راجل ماشي مراة رجعت مهبولة صح قلت فاه نخلط انا باينة هو قلت والله نعاود نرجع نطل ونشوف نضت فتحتها وشفت ملقيت والو ضړبت راسي قلت سور نسخايل برك شكون يطل على ساعتين لليل غير لمهبول كما انا رجعت نقول مهبولة طفيت الضوء ورقدت.. حياة في ما يرضي الله ....