حياه فيما يرضي الله الحلقه الحاديه والثلاثون حتى الحلقه الاربعون حصريه وجديده

حياه فيما يرضي الله الحلقه الحاديه والثلاثون حتى الحلقه الاربعون حصريه وجديده 
أصبحنا وأصبح الملك لله رب العالمين 
نضت الصباح نشيطة لقيت ماما مع الشغل وبابا مشا للخدمة صبحت مع ماما وبديت مع الشغل اناتاني خصوصا هدواك ليامات نشغلت مع توجاد ونسيت أويس خلاص مع الخدمة مبقاليش الوقت بأه نخمم فيه ووصل نهار خطبتي لأي طفلة تحلم بيه مااام انا كنت فرحانة مي نحس في قلبي ناقصتو حاجة بصح واش الله أعلم صراحة في الصباح صليت وقريت الادكار وسورة الفتح مبغيتش نرجع نرقد كي خلصت رحت لكوزينة لقيتهم مجمعين قالي بابا وجدي روحك بأه تروحي عند الحفافة فالأول مبغيتش قلت بلاما نزيد المصروف عليه وهو معندوش قالي والو اليوم خطبتك والفاتحه نتاعك يلزم تروحي قتلوا معليهش قالي ملا على ثمنية ونص نروحو قتلوا ايه كي وصل الوقت عيطلي لبست قشي وهبطت وصلني مدلي دراهم قالي كي تخلصي عيطيلي طبطبت ودخلت ملقيت حتى واحد رديت السلام قاټلي تفضلي قټلها اليوم خطبتي باغية نمشط قاټلي عندك موعد عملتلها براسي لالا قاټلي ملا مدام واحد مكاين نتي اول وحدة راح نخدملك بيسك احنا نخدمو بالرنديفو تشديها لازم قدام قاټلي مدامك جيتي بكري تفضلي تبسمت معاها وتشكرتها وقعدت فالكرسي قاټلي واش باغية تمشطي قټلها والله منعرف لتشوفيه مناسب تبسمت معاي قاټلي اصلا نتي شابة بلا مكياج مي مدامك قصدتيني انا والله نخرجك عروس وعليها لكلام تبسمت معاها رجعتلي الابتسامة وبدات تخدملي
الجزء 32
فرق كبير بين أن تحبها لأنها جميلة وأن تكون جميلة لأنك تحبها
شدت بلاك فيا زوز سويع كانت تخدم بشوي وتتفنن قاټلي شوي يأجمل عروس شفت روحي فالمراية قلت بسم الله وقلت الله يبارك خفت نعين روحي رجعتني نهبل حتى نضت عنقتها من الفرحة تشكرتها قاټلي اصلا نتي شابة بلا مكياج قټلها ماام هكداك مي متوقعتش ترجعيني هكدا قاټلي نتي جامي حطيتي مكياج ياك قټلها ايه قاټلي عرفتك طلعت عليك الحطة قټلها بشحال قاټلي ٥٠٠ ميتلف خلاصتها وعيطت لبابا قالي والله لاحسابلي كاشما صرالك راكي طولتي قالي راني في الطريق جاي قريب نوصل مامبا ثلاث دقايق صونا تلفوني كان هو درت الخمار على وجهي بأه ميفسدليش المكياج ودرت الكبوسة عل راسي بأه منبانش رجعت منبانش خلاص طلعت فالوطو شاف فيا بابا قالي منعرف واش مخبي تحت الحجاب وضحك قتلو غول قالي والله باينة فوتنا الطريق وهو يزعق بيا وصلنا دخلت لقيت جداتي وخالتي ومرت اويس نحيت لخمار وشافو فيا جداتي قالو بسم الله مشاء الله وبدو يزغرتو حتى سمعنا بابل يقل واحد اتفضل الدار دارك ومن اليوم نت هو وليدي درت نشوف
عالجزء 33
ربما أن الحب الذي يدوم حب الروح للروح

كي درت نلقاه أويس بقيت نشوف معاه وهو تاني طلع راسو جات عينه في عيني بقا مفيكسي عينيه فيا ويشوف معاي وهو باهت اول مرة يشوفني بلا خمار واول راجل يشوفني بلا خمار فقت مع روحي رجعت لخمار عليا كي درت لقيت مرتو تشوف معاه وتتخنزر اما لاخرين كانوا ممتولهينش بينا كانوا لهيين مع الفرحة والزغاريت قټلهم انا نروح نوجد روحي قاټلي ماما خلي تروح المرأة هي تعرف وموالفة بالاعراس قصدها على مرت أويس دخلت ودخلت من وراي قاټلي جيتي شابة ونيفها طالع لفوق منعرف لاه ديما تعاكسني بلاك مرتحتليش ولا منعرف قعدت فسرير وقاټلي واش باغية تلبسي جبدتلها لاروب قاټلي امم مليحة كانت فالون