حياه فيما يرضي الله الحلقه الحاديه والثلاثون حتى الحلقه الاربعون حصريه وجديده
عليه القضيان قالي شكون هنا قتلوا قالي معليهش ملا نحبك تحمرلي وجهي اليوم قتلو ايه دخلت لكوزينة رتببت الطابلة كما ينبغي كلش مستف عيطتلهم دخلو بابا قعد مقابل ماما وانا قعدت بين ماما وبابا وهو ومرتو قعدو بحدا بعض رجع هو مقابلني قالنا بابا بسم الله وبدينا ناكلو انا ملي بدينا ناكلو مطلعت راسي كي خلصت قلتلهم بصحتكم وخرجت نغسل ايدي اصلا حشمت مقدرتش مامبا ناكل حسيتهم قاع يشوفو معاي حتى سمعتو قال لبابا باغي نغسل يدي قالو الدوش في راس لكروار على يدك الايمنى والا معرفتيهش اوتلقا اية قلها تنعتهولك انا كي سمعتو ناض هربت نجري للدوش اي نسيت خلاص بلي هو جاي يغسل يديه هنا بغيت نرجع مي كان ديجا وصل قلت بلاك يغسل في لفابو برك وميدخلش درت الباب شوي وشعلت العين بأه يعرف بلي اني هنا بقيت مهبطت راسي ونغسل حتى سمعت الباب تفتحت كي درت لقيتو هو واقف من وراي كي الحيط رحت نخرج شدني من يدي
الجزء 40
شفت معاه بمعنى اطلقني قالي باغي نحكي معاك حتى سمعت ماما تعيطلي خرجت وخليتو رحت عندها قاټلي احنا خلصنا وجدي حوايج لسهرة قټلها ايه هوما راحو لصلو وانا درت بسبوسة حطيتها طيب وغسلت الماعن لتعشينا فيهم كي خلصت جات سوسوة زدت حطيت الاتاي يوجد وكاوكاو في الصحن كي وجد لتاي حطيتهم في البلا وديتهملهم حطيت قدمهم وزدت توضيت صليت العشاء مع انو مهما نطول مراحش يفوت وقتو مي بغيت نهرب منو بأه منشوفش ليه اصلا معلابليش واش كان راح يقلي ولا يسقسيني كي خلصت صلاتي رحت قعدت معاهم بابا كان خرج يصلي العشاء واويس منعرف لاه لسق هنا صلى في دروا ورجع ومرتو قالت عندي عدر شرعي بدأت مرتو تسقسي فيا عليها قاټلي كيفاه كان معاك قټلها انسان مشاء الله وهو شفتو كان مركز مع كل كلمة نهدرها قالتلي ربي يعوضك قاتلها ونتي تاني ربي يحققلك متتمناي قاټلي نشاله زادو شوي ورا٠حو انا كي راحو رحت نجري طليت عليهم من التاقة شفتهم دخلو وبلعوا لباب عودت رجعت فرزت الحالة توضيت قريت ادكار النوم ورقدت الصباح نضت كالعادة قضيت صلاتي وبديت مع الشغل فاتوا ايامات روتينية الصباح مع الشغل لعشية نراجع القرأن وفليل نحفط الأحاديث ولا خطرات بابا يقدملنا موعض أويس كنت كل نهار نستناها كي يخرج ولا فلقايلة وفاليل تاني كي يكون داخل للدر حتى خطرات كي نسمع لطوه قارات نوض نجري نطل عليه الحاجة لندمت عليها هي كون غير سمعتو واش كان راح يقلي ديما نخمم فيها بصح ملقيتلهاش جواب
يتبع
