حياه فيما يرضي الله الحلقه الحاديه والخمسون حتى الحلقه الستون حصريه وجديده

حياه فيما يرضي الله الحلقه الحاديه والخمسون حتى الحلقه الستون حصريه وجديده 
فاتوا ايامات على الحداثة واحد ماجا طلب السماح ني هو ني مرته بابا كان زعف مي كي طلب اويس منه السماح راحلو هداك الزعاف ماما كانت اكثر مني مزعفة مجاتش حتى تطلب السماح منا وهي الغالطة كون فهمت ومبعد ياك راجلها لبغا يخطبني ميش انا لرحت عنده وقټله فات هداك النهار هدا وانا وماما على ڼار نستناو فيه تجي تطلب السماح مي والو في واحد النهار كنت ندير في الغداء سمعت دقديق في الباب خرجت ماما تفتح سمعت اويس ومرتو طليت عليهم من واحد الثقبة في الباب سقسا اويس على بابا قالتوا ماما راح يخدم قالها عيطيلوا والله محتاجو جات عندي قاټلي عيطي لباباك عيطتلو كي رفد مد لماما تلفون هدرت معاها قالها نص ساعة ونكون نتم عاودت رجعت ماما لعندهم وانا بقيت نطل هو كان عادي مي مرتو مشنفة تمص في القارص يالطيف هادي هي لشفتها لخطړة الاولى ملاك جامي يغرك المطهر نتاع الانسان ديما قلبو ونيته هوما الصح دخلتهم ماما لصالو وانا وجدتلهم الضيافة جا بابا دخل ديراكث عندهم شوي هكدا وعيطلي بابا عدلت خماري ورفدت البلا لفيها ضيافة ودخلت عليهم رديت السلام وحطيت البلا في الطاولة وقعدت بحدا بابا نحنح اويس احم قالو عمي راك تعرف الشي لصرا وحضرت فيه قالو ونعرف بنتك راهي مضلومة ومرتي الضالمة الحقيقة تقال واحنا جينا لهنا باه نطلبوا السماح منها انا ومرتي ونشاله تسمحلنا انا طلعت راسي وشفت معاها لقيتو هو تاني يشوف معاي
الجزء 52
شاف مع مرته وقالها اطلبي السماح شافت فيا وباين معجبهاش الحال نتاع انسان سيفوه قاټلي اسمحيلي وسلمت عليا زاد قلها اطلبي منهم هوما تاني طلبت من ماما وبابا فوق خاطرها وخرجت هو مدهاش فيها قاع هو تاني طلب السماح مني ومن ماما وقالها انشاء الله متزيدش تتعاود قالوا الموضوع الثاني لي جيت على جالو راكم عرفينو ومدابيا نسمع الجواب قالوا بابا انا هدرتي ومنبدلهاش كي تقبل الطفلة انا راني قابل وماما تاني نفس الهدرة لقال بابا صافي بقيت غير انا طلعت راسي لقيتهم كامل يشوفوا معاي قټلهم لتشوفوه نتوما قالي مبروك علينا والا عندك شروط قالنا بابا نخليكم وشاف مع اويس وقاله راني داير ثقة فيك وخرج وتبعته ماما كي خرجو شاف معايا اويس وتبسم قالي باباك واعر خاف عليك ويضحك قالي اهيه واش هي شروطك 
طلعت راسي وقتلوا داري وحدي وتعدل بيناتنا قالي كون تحبي منعدلش خلاص وضحك مقټلو مفهمتكش قالي ندي بنتي للداري ونفهمها وشفت معاها لقيتو فاسخ باضحك انا كي قالي بنتي رجع قلبي يرفرف اه ياقلبي شعرة ونرجع نطير قدامو قالي اهيه قتلوا دا مكان والا عندك شروط نت قالي مع لوقت تعرفيهم و جبد من جيبو دراهم وحطهملي في حجري وخرج انا بقيت شادة هدواك الدراهم ونشوف معاه هو خارج الله يبارك يهوبل
الجزء 53
سقساوني اسكو تفهمتيو ولالا قټلهم ايه قلولي مبروك عليك كي ضلامت الحالة صليت وشديت بلاصتي وانا نتفكر في كل حاجة فيه كلامو كيفاه كان يتبسم شحال شباب كانت ملامحو تبان قاسېة مي في هدرتو يبان حنين كي كان يهدر كنت نتأمل فيه ونثبب مع تفاصيل وجهو كان كل كلمة نطقها نحفطها عندي حتى مشيتو لي كل خطړة تزيد تعجبني كون مجات حرام في هديك الدقيقة نوض نعنقو ههه