حياه فيما يرضي الله الحلقه الحاديه والخمسون حتى الحلقه الستون حصريه وجديده

ويجعل مثواه الجنةادعوالو برحمة حطيتها فالارض وفتحتها لقيت فيها غواب صواري تهبل في اللون الازرق الملكي وانا هدا اللون ڼموت عليه احب لون إلى قلبي زدت لقيت اكسسورات كريستيال كانوا فلون نتاعو سبحان الله كي يبغي يرزقك ربي عندي مڼهار خبيتهم مزدت فتحتها زدت شفت لقيت كوسميتيك وسندال طالو تهبل مت بالفرحة وحمدت ربي نضت صليت ركعتين حمدا وشكرا لله ورقدت. حياة في ما يرضي الله .....
الحلقات_60
الجزء
أصبحنا وأصبح الملك لله رب العالمين قضيت صلاتي وقريت سورة ياسين دعيت ربي يسهلي امواري ودخلت لكوزينة لقيت بابا نتم وماما معاه توجد في الفطور كانت ريحة لمسمن تشهي فطرنا وكي بان الضوء بابا خرج يشري الفواكه والجي وماما بقات توجد في لغداء لينا لاعمامي ونساهم جوايه لعشرة خلصت كلش وجدت الطوابل وحطيت القاطو لسرفيس الفواكه وكل واحد قرعة ماء وقرعة جي سواء لنساء ولا لرجال كلش كان يهبل كي خلصت عطرت الصالو ولاشومبر لي حطيت فيه وبلعتهم علبالي يجو ولاد عمومي صغار ويفسدوا الدنيا انا رحت للدوش نقيت روحي مخليت ليماسك والمرطبات و الروايح تقول عروس ماشي خطبتي ريحتي رجعت تهبل كي شفت شعري فالمراية لقيتو مسبسب اصلا كلما نغسله يرجع هكا ماام منديلوش ب ليسور عادي سمعت الحس باينة عمومي جاوو خرجت سلمت عليهم وعنقت بنت عمي توحشتها زمان ملقيتها هي مزوجة وكي جات هنا عرضها بابا عارفني نحبها هي حفافة كي حبست لقراية نتاعها رجعت تخدم وتعاون عمي وكانت يدها خفيفة تعلمت بالخف وكي تخطبت مقبلش خطيبها حبست مي بقات تخدم لافامي وليها في الاعراس قاټلي يااا كفاه هادي اليوم خطبتك ومدرتي والو قاټلي هيا معاي اليوم نخرجك اميرة كي يشوفك يدوخ هههه تبسمت معاها رحت لشمبرتي جابتلي كرسي قاټلي دوك لعليك اتصنتيلي كما نقلك ديريي والباقي عليا قټلها تأمري ابنت عمي قاټلي بديتي ديجا خليك فالجزاءر واش مصر عليك
الجزء 57
إنني العاشق الذي لا يجيد شيئا إلا أن ينظم كلمات حب. وأنتي بجنانبي برائحة الزنبق والياسمين أقول لك يأجمل ولدت يا صغيرتي في هذا اليوم الجميل 
بدات تخدملي وهي الله يبارك تخدم بلخف ليه ليه خلصتلي قاټلي نوضي ياملاك وأجمل ملاك كان عمامي يعيطولي كما هكا قالولي الاسم هدا يليق بيك على خاطر نتي تشبهي لملاك الصغير ووجهك فيه البرأة وبسيطة في كلش في لبستي في هدرتي خطرات نكونو مجمعين هو ما يحكو 10كلمات وانا نرد بكلمة وحدة وكي نحكي انا كامل يسمعولي وواش نهدر و انا أقول الحمدلله دائما و أبدا على نعمة القبول و محبة الناس و الحمدلله على نعمة النجاح و الحمدلله على صدق النوايا و صفاء القلب ومحبة الاهل بصح ابي ميقبلش على الاسم هدا يقلنا حرام لأن ملاك بمعنى ملك وقد عاب الله على المشركين تسميتهم الملائكة بأسماء الإناث فقال تعالى إن الذين لا يؤمنون بالآخرة ليسمون الملائكة تسمية الأنثى ولأن في هذه التسمية تزكية النفس
الجزء 58
والله أعلم بقيت نشوف في روحي متبدلتش بززاف مي بينتلي ملامحي قاټلي شعرك شباب ومايل للون لاصفر تقول مصبوغ خليه مطلوق قټله ايه دراتلي تاج وخلتلي سلبات من ومن الجيهة لخرا قاټلي ربي يحفطك من العين حتى كي خرجت وشافوني كامل قالوا مشاء الله وزغرتو كان بابا رقلي فالماء شربت العين حق وممكن واحد تعجبو يعينك بلاما تفيقي ملا انا نتخد الاسباب طيبتلي ماما كاس حليب وكليت 7 تمرات بغيت