حياه فيما يرضي الله الحلقه الحاديه والخمسون حتى الحلقه الستون حصريه وجديده

منعرف وكتاه حبيتو كامل هكا مي كي تفكرت مرتو قلقت علبالي راح نعاني معاها بززاف مي انا والله مضلمتها الشرع حلل ربعة وانا اويس تمنيتو ومستحيل نسمح فيه انا مصدقت خطبني صح منبيلهش بلي نحبو وبلي راهو عاجبني من زمان مي في قلبي راني هابلة عليه هديك الليلة مرقدش وانا نحلم بيه نضت فتحت التاقة قلت بلاك نشوفه ولا مي مكاشو عاودت غلقتها ورقدت 
صباح جديد
نضت فرحانة حتى ماما لاحضت عليا هدا الشي خدمت الشغل وانا طايرة كي جا بابا قالنا بلي بالجمعة راح يجي يخطب ويفتح والعقد بعدها بسمانة وحتى في الزواج ممطولش انا فرحت اصلا علاه نطول مدام تخطبت مع لي كنت حابتو عجبني الحال قالتو ماما معليهش راح نوجدو كلش انا توضيت ودخلت لبيتي صليت ودعيت ربي زدت صليت صلاة الاستخارة 
اللهم ان كان خير لي في ديني ودنياي ف يسره لي وان كان شړا لي فجعله خيرا لي كنت حابتو في حياتي على بيها دعيت هكدا
الجزء 54
جازوا الايامواحنا مع التوجاد درت الميناج للدار رجعتها تشعل كنت متحمسة ماشي كيما في خطبتي لولة وجدنا القاطو من كل شكل علبالي بلي دارهم زوخاين قلت لازم ندير حاجة مليحة وحتى بابا قال هكدا هو في الصح نوىمالمو نمشوا على حساب دراهمنا مي بابا مبغاش يطيح روحه قدمهم كي قاټلي ماما روحي مع باباك اشري واش تلبسي قټلها لالا اني عندي صواري لشريتها في الاول مكلاه نخسر روحي قاټلي كما تحبي بقا نهار للخطبة كان هدا النهار لخميس وجدت كلش في الصحون وحطيتهم في شومبرا فارغة زدت فرشت وديكوريت الصالو شرالي بابا شوي بلون عارفة راح يقوالو وعلاه مكراتش الديكور مي انا انسانة بسيطة بززاف كلمة تحزز نني ووردة تفرحني هادي هي آية كان الصالو نتاعنا ستيل مغربي ستيلوا قديم شوي مي احنا الحمد لله قانعين
يقول صلى الله عليه وسلم ليس الغنى عن كثرة العرض ولكن الغنى غنى النفس فكم من إنسان عنده الأموال الكثيرة وهو فقير القلب فالغنى غنى النفس غنى القلب وليس كثرة الأموال من أغنى الله قلبه فهو الغني فينبغي للمؤمن أن يكون قنوعا غني القلب لا ينظر إلى ما في أيدي الناس بل يتسبب ويطلب الرزق من عند الله ويرضى بالقليل ويقتنع وفي الاخير الحمد لله كلمة تعبر على انك قانع ومهما تكون معندكش متمدش يدك للناس قال الرسول صلى الله عليه وسلماليد العليا خير من اليد السفلى وأبدء بمن تعول وخير من الصدقة ماكان عن ظهر غني ومن يستعفف يعفه الله ومن يستغن يغنه الله
الجزء 55
ويقصد صلى الله عليه وسلم بأن يد المعطي أفضل من يد الاخد وانه يجب ان يستعفف يطلب العفاف اي لايسأل الناس ولا يمد يده لاحد حتى انسان فقير حتى وان بقا يطلب كل مرة مراح يستغن والله المستعان ديما ألجأ لربي سبحانه وقوله وقال ربكم ادعوني أستجب لكم وربي يشوف فيك من فوق سماوات وعالم بحوالك نت معليك غير بدعاء والانسان الدي يعتبر فقير هو لملقاش واين يسكن واش يأكل لي فطرق معندو واين يروح هدا هو الفقير واحنا الحمد لله لاقيين قوت يومنا واكثر ودافيين في دارنا 
مرقدش حتى ل ساعتين شي من الفرحة والباقي نوجد في الحالة تاني بابا جاب المدح الدف رحت لبيتي فتحت خزانتي باه نوجد القش لراح نلبسه طاحت عيني على الفاليزا لجابلي خطيبي ربي يرحمو