حياه فيما يرضي الله الحلقه الحاديه والسبعون حتى الحلقه الثمانون حصريه وجديده

حياه فيما يرضي الله الحلقه الحاديه والسبعون حتى الحلقه الثمانون حصريه وجديده 
أتعلمين أنكي تسكنين في قلبي وأن عندما تقتربين مني أشعر بأن قلبي يرتجف
إذا كان حبك ذنبا فلا أود أن أتوب عنه فأنا أتوب عن كل الذنوب إلا حبك
في الصباح كي العادة قضيت صلاتي رحت نفطر لقيت بابا خرج سلمت على ماما قاټلي وجدي روحك باه كي يجي باباك تروحي اوراح يشري من سوبيرات لي فالكارتي برك حوايج خاصينا الخزانة شا نلبس شفت القش لجبولي فيه حجاب فضفاض واسدال ونقاب باج عجبوني لبستهم زدت لبست صاك في الباج وباسكات في الابيض تقول راح نعقد اليوم ههه تحمست زيادة منعرف لاه حتى وسمعت بلي راح يتزوجني على جال لولاد مزالني فرحانة صح في الول زعفت و تمنيت ڼموت ولا هداك لخبر مي كي بقا يبعتلي لمساج والشعر هداك فرحت وكل يوم نبات نقرا فيه نرجع نبتسم وحدي كي جا بابا توكلنا على ربي وخرجنا متجهين لبريقاد مكانتش بعيدة اصلا زوز خطوات واحنا وصلنا ستقبلنا واحد فالباب كي قالو بابا جينا لونكاث عيطتولنا البارح ونعتلو الورقة هديك لمدوهالنا دخلنا ريحنا شوي في كراسة لبرا ودومندو من لكارث نسيونال زدنا ستنينا خمس دقايق عيطوا لبابا دخل واحد نص ساعة خرج وزدوا دخلوني انا 
الجزء 72
طبطبت فالباب قالي تفضل مكانش صوت غريب عليا بززاف غير دخلت قابلني اويس متكي في الكرسي ورجليه فوق المكتب انا بقيت واقفة متصمرة قدام الباب قالي اتفضلي وبلعي الباب من وراك بلعتها وقدمت قعدت فالكرسي لكان مقابلو بأمر منو هو ناض وبقا يدور ويديه من وراء ضهرو انا والله ياخوتي قريب نتغاشا نتم قدامو مقدرت مامبا نتنفس ملامحو كانت متوحيش بالخير نطق بنبرة حادة وصوت مبحوح اهيه واش قصتك نتي طلعت عيني باه نشوف معاه اصلا ملقيت منجاوبو قالي هبطي عينيك وتخنزر فيا قالي مدلي سبب واحد مبلعة تلفون نبعتلك ميساج متردش عليا نعيط مترفديش واش ندير فيك دوك قدم ليا ورجع وجهو انا مقدرتش نتحرك قالي مراكي خارجة من هنا حتى تجاوبيني وبقا يدور رايح جاي انا باقية ندعي في ربي نتفك منو عيط عليا انطقيي قتلوا كنت مدير ونجية شاف فيا بنص عين قالي مدرونجية ضلي فتاقة مريحة ياا واين شافني حتى تولهت لتاقة نتاع البيرو نتاعو كانت متصوبة مع الشمبرا نتاعي اكزاكث والفيمي يعكس الضوء فليل يعني يشوفوك للبرا قالي اني نحكي معاك واين تشوفي قتلوا بابا ميقبلش قالي ميهمنيش في باباك فهمتي قتلوا منحكيش قالي احلفي تشوفي وقدم ليا نضت من الكرسي وكانوا عينيه تخرج منهم 
الجزء 73
حتى سمعت الباب يدقدق بعد عليا ورجع لبلاص تودرالي براسو باه نعاود نرجع ونهبط السيتار على وجهي لخاطر