حياه فيما يرضي الله الحلقه الحاديه والسبعون حتى الحلقه الثمانون حصريه وجديده
حاساتو يوجع قدمو لطارط قدامنا انا مبغيتش نقسمها معاه ميش شرط قتلوا لالا شفتو شاف ليا نتاع واحد يتحلف مي مدار والو ممكن انا بالغت شوي في التصرف نتاعي
الجزء
وحين قدمت شكوتي أمام قاضي العشق أجل جلسة الحكم إلى يوم يبعثون
قاتلوا مرتو معليهش حبيبي نقسموها انا وياك وصح قسمها معاها مي نشوف فيه مقلق كملنا العادات نتاعهم وروحنا بعدما مدلي هدية وصلت للدار مېتة بالتعب رقدت اول حاجة فتحت تلفون لقيت ميساج من عندو
وبغزل قانوني لأن حبك حق والحق لايسقط
بالتقادم ولأن هواك مبدأ والمبدأ يجب القيام به
ولأن عشقك عقد والعقد ملزم لأطرافه
ولأن وجودك ركن والركن لا يقوم الشيء الإ به وبعت الايموجي هدا بعد ولكل ما تقدم فإنني أحبك حب مبرم مكتسب الدرجة القطعية غير قابل للطعن بأي شكل من أشكال القانون
الجزء
بقيت نقرى فيه ونعاود قداش خطړة بلاك شي عشرين مرة ايه عندو مدة من زمان مزاد بعتلي ميساج كما هكا مرديتش عليه ونضت من بلاصتي غسلت وجهي لقيت ماما فالكوزينة تخمم جيت من وراءها وغمضتلها عينها قاتلوا هاوو بطل اللعب نتاع الدر راك كبير قريب ضحكت في وجهها قټلها صار هكا تشوفي في يدي يد نتاع راجل اه ياماما قلبي الصغير لايتحمل قاټلي والله لاحسابلي باباك يزعق كيف موالف قعدنا مقصرين قاټلي مدام جابولنا العشا راه عليك اليوم انا عيانة نروح نريح شوي قټلها خطاتك ياست الكل ورفدت الطابلية لبستها وبديت نتفنن كيف العادة هادي الخطړة قلت ندير عشاء سبيسيال قررت ندير بوراك وشربة ومسيتوان والله يبارك جابووو اللح مزاف وحتى الدجاج وجابوو خصوصا اللحم كانت نتاع لخروف ومعروفة لحم لخروف تجي الله يبارك بنينة ربي يزيدهم في رزقهم ان شاء الله خملت الكوزينة شوي وغسلت الماعن نتاع باه نعرف نخدم بيسك كي تكون الكوزينة ممفروزاش والله منعرف حتى نبدا بديت بالخضرا غسلتها وبديت بالبرم ورجعت لحوايج لخرين قررت ندير سلات فروي خصوصا كي لقيتهم جابوو الديسار الله يبارك وكترو
لجزء
كي دخل بابا قال الله يبارك الريحة تشهي نغسل يدي ونجي سقساني على ماما قتلوا عيانة راح ترقد دارلي براسو وخرج حاسة حاجة ميش نورمال تعيا وتبان هداك النهار شحال قصرنا وقعدنا مجمعين لصبح تقول عرفنا بلي اخر مرة راح نتجمعو فيها فاتوا يومين على هداك النهار وعيط اويس لبابا وخبرو بلي العرس على خمسة عشر يوما وقالو منحتاج تجيب والو غير قشها كلش راه عندي والو ميخص فلول مقبلتش بصح بابا قالي ياك راكي تعرفي بلي خير البر عاجله قتلو ايه قالي ملا اتوكلي على ربي من نهار هداك كنت خطړة على خطړة نخرج نجهز ونشري قش خفيف ليا تاني شريت حوايج للدار مي مبزافش اصلا حالتنا في هديك الفترة
شوي صعيبة وبابا مكانش يخلص بززاف وانا تاني ميش راح نفلسو نعيش انا وهو نخليه ماام في كرشو ميلقاش واش ياكل وكان احسن قرار لي جا فيه يوم ومندمتش عليه....
يتبع
