حياه فيما يرضي الله الحلقه المائه وواحد حتى الحلقه المائه وعشره حصريه وجديده

تغاشيت وشحال فات الوقت كي نضت شفت من هنا وهنا لقيت كلشي أبيض ولقيت في يدي السيروم عرفت روحي في تغاشيت ودوني لوبتال حليت عيني قابلني أويس متكي على الكرسي ومدير يديه على عينو كي تحركت فطن وناض مخطۏف قالي لباس قتلو بخير حتى تفكرت واش صرا نضت مڤزوعة حتى نضر يدي وسالي الډم جا يجري ليا قالي استغفري اطفلة وريحي اني نشوف فيك ماكيش لباس وعيط لفرملية كانت جايزة من نتم قتلوا ميش خدمتي دوك نبعتلك
الجزء 104
دوك نبعتلك فرمليات على الاغلب كانت هديك دكتورة شوي هكدا دخل فرملي رد السلام قالي لبلس مدموزال نطق اويس قالو مدام قالو ااا اسمحلي خويا قالو سماح قالي طلعي الحجاب نرقليلك السيروم مزالتي فابل قالوا اويس شوا شوا عندك تزيد تعاود هادي الهدرة احفر قپرك بيديك وشدو من تريكوه انا رجعت نبكي زهري ديما مقود قالوا الفرملي اليوم نباصي عليك جامي تجرء واحد وهاني هكدا قالوا ملا تباصيني وضړبو بوكس زاد لوخر ضړبو كي سمعوا صوتهم تعلات دخلوا ليزجو يتجاروو وكانوا زوز دركيين نتم تاني دخلو انا خفت كي شافهم اويس دخلو طلق السيد وقدم ليا وغطاني باه ميشوفونيش نطق واحد من هدوك الدركيين ودرالهو تحية قالوا لباس درالو براسو شدني اويس من وجهي وخرجني طلعني فالوطو قالي متحركيش من هنا حتى نرجع بقيت نتم فاتت ساعة زوج ومزال مبانش نندب على زهري ولا واششوي هكا شفتو جاي وباين منرفي خلاص طلع وخبط شاف معاي لقاني نبكي تكاكا شوي وعاود هبط بقا يكمي في الدخان وانا نتفرج فيه عاود طلع وسقساني لباس ولا درتلوا براسي ايه ديمارا طريق كامل واحنا ساكتين قارا بحدا دارنا مدلي المفتاح قالي عندي خدمة انت ادخلي انا نزلت ستناني دخلت وديمارا مخلي الغبار وراه قابلتني جدة و خالتي في الصالو رحت لعندهم قاټلي جدة يالمصفارة تحسابلي مفقتلكش زعما تغاشيت باه متخدميش ومتقيميش بالناس بقيت حالة في من الكلام لتهدر قاټلي ونحتاجك اليوم مدام فاتوا ثلثيام ترجعي لدارك نحتاج بني يدخل عليك اليوم قبل غدوة قاټلي وباه مننساش قالي 
الجزء 105
لباباك يمدلي لمفتاح ندخل لشمبرة بنتي دهبها كامل نحتاجو مينقص لبغيت قفلة منو ولا طمعم يبيعو ويتزوج مع مراة أخرى على ظهر المرحوم قصدها على جدي لانو هو لي شړا ليما الذهب انا مكنت قادرة نرد عليها مكنت قادرة نجوبها نضت ودخلت لبيت رميت روحي على السرير حسيت اني كنت نحلم وكون غير نوض ونلقاه منام مي لاسف كلش واقع واني نعيش فيه فاتوا ثلثيام وأنا في لوبيثال مجبت خبر نوض ونرجع نتغاشا يعني الچنازة لماما والناس لجاوو يعزو مشفتهم متلاقيت بيهم ودوك حياتي كيف راح تسير نخلي كلش عند ربي مدام ربي الحكيم والقدير لحاكم الكون هدا ماني خاېفة من حاجة مفقتش كيفاه نعست كي فطنت حسيت بواحد يملسلي على شعري فتحت عيني لقيتو بابا نضت تحضنتو ونبكي حتى هو نزلو دموعو نضت قتلوا ريح دوك نديرلك عشاك دخلت للكوزينة لقيتها مرتبة ونظيفة عرفتها خالتي ونساء عمومي وعماتي لقيت فوق الطابل سواشي فتحتهم لقيت دجاجة محمرة وفريت ومسيتوان عرفتو اويس لجابهم سربيت فالصحان وديت كلش لصالو بقينا ناكلو وكل واحد فينا يعبر عن اشتياقو انا نعبر لاشتياقي لماما وهو يعبر لاشتياقو لرفيقة عمرو في هديك الليلة منعسناش ل 12 لليل واحنا نتفكروا في الدكريات والمواقف و مدلي مواعض