حياه فيما يرضي الله الحلقه المائه وواحد حتى الحلقه المائه وعشره حصريه وجديده

نقتل الروتين بديت اول حاجة لغداء وقلت خلي ندير عشاء ونعرض لفامي كامل اصلا توحشت بابا وباغية نشوفو ومنها ندير صدقة على ماما ربي يرحمها ويجعل قپرها روضة من رياض الجنة رفدت تلفون باه نعيطلو ليه ليه رفد عليا قتلو الو رد علي وي واش تحتاجي قتلو صوالح خاصيني للدار اصلا تلعثمت كي لقيتو ردلي بالفاسو هديك قالي واش تحتاجي ابعتيهملي ميساج وكوبا ديراكث بلاما يقلي صحا ولا في أمان الله ولا اي حاجة غضتني هدي الجاسث منو مي فوتها يقلك اقرء لاخيك ستين عدرا يعني الاعدار تخلاص درت بيتزا للغداء اونك يجي ولا يلقا غداه مي مجاش باينة راح لعند مرتو اصلا هي اقرب مني مسافة متلهيتش بالامر رانا في زوج كيف كيف ولازم العدل بيناتنا هادي حاجة ميقبلها ربي منقبلها انا مدام مرضيتهاش لنفسي أكيد مراحش نرضاها لغيري بديت نفرز في الحالة وفتحت التيق باه نهويها كلش كان فيها يبرق محتاجتش لوقت بززاف باه رتبتها شوي وسمعت الباب يدقدق فتحتو لقيتو خالي سلمت عليها مدلي القضيان قالي وصاني اويس اني جبتهملك في طريقي قتلو كتر خيرك وعزمتو
الجزء 109
على قهوة فالاول مبغاش مي دخلتو سيف حطيتلو قاطو وجي وطيبت قهوة حطيتهم فسنيوة ومديتهملو جمعت شوي معاه قالي هداك هو الوقت لازم نروح قتلو معليهش كي خرج صليت الظهر وقريت شوي في المصحف وتوجهت لكوزينة ديراكث فرزت القضيان هداك كامل في بلاصتو ليتحط في الفيجيدار حطيتو وجمعت الفاكهة مع بعض وغسلتها المهم نطمت كامل واش كاين وبديت قررت ندير كسكس المنطقة لنسكنو فيها حنا الاكلة الرءيسية هي الكسكسي وكاين ليقولها بربوشة وبركوكس كل ولاية كيفاتقلو يقلك لم نختلف الا لنتوافق بديت بيه خصوصا لقيتو كتر اللحم الله يبارك زدت درت لعجين نتاع البوراك ووجدت الخليط باه منتعطلش معاه ويكفيني الوقت كي خلصت درت مسيتون ودرت السلاطة باه منلقاش اشكال يعني كل واحد يلقا واش يحب درت شربة فريك وشطيطحة دجاج وزيتون مع التحليات والمملحات مخلصت كان قريب مغرب عيطتلو مرفدش عليا قلت والله نبعتلو ميساج بعتلو قتلو اعزم دراكم وبابا وخممت مع راسي قلت والله لنكملها قتلوا ماام مرتك عيطلها توضيت وصليت المغرب وبديت نوجد في البوراك من وراء المغرب بدوا يجو بالوحدة حتى حماتتي عرضتهم وسلافاتي ورجلتهم عيطلهم هو في تلفون المهم لافامي كامل عرضتو انا نقلي في
الجزء 110
البوراك وهو دخل رد السلام تبسمت معاه ماام هو عاود رجعلي التبسيمة لقيتو رفد لقمجة على كفوف يديه وبدا يعاون فيا ويوجد وجدت كلش بالطبع والشان وحتى هوما كامل جاووز ولمحيرني مرتو جات وتضحك مي يقلك الانسان وجوه متدري واش مخبيلك تحت الضحكة حسبنا الله ونعم الوكيل في كل انسان حب يأدي انسان ولا يدير ليه حاجة نتاع شړ تجمعنا الرجال على جيهة والنساء على جيهة كامل شكروني كي ادن العشاء صلينا وكل واحد تفرق للدارو بالنسبة لبابا قعد معاي شوي وراح اويس مزدش شفتو انا كي راحو كامل وبلعت البيبان قلبي تزير ومقدرتش نتنفش حسيت بروحي راح نتغم مقدرتش حتى نزيد نمشي خطوة ولا زوج مفقتش كيفاه غبت عن الوعي وشحال فات الوقت اتصور حتى بزوغ الشمس باه فطنت لقيت الحالة كيما راهي مرونة قلت بلاك اويس جا مي حسو ميبانش نضت بالعقل وراسي نحسو ثقيل صليت بسيف وتقول حاجة شدتني كي نروح باه نتوضا ولا نصلي ولا حتى نقرا
في المصحف حاجة تشدني ونعاود نرجع حتى نستغفر كدا مرة باه نقدر ندير هديك الحاجة كي خلصت حسيت روحي خفافت شوي غسلت الماعن ونشفت الكوزينة زدت درت ميناج خفيف للدار ودوشتودرت شوي مسك البركة على خاطر كاينة ريحة تجي الخشمي تقول نتاع انسان مېت مقدرتش نحملها حتى درت قطن في خشمي فاتوا ايام واويس يجي نهار يبات عندي ويومين عندها ولا العكس حالتي من العاصر لعاصر نرجع تقول...
يتبع