رواية نوارة الزين البارت الخامس والسادس والسابع بقلم الكاتبه بسمه أشرف حصريه وجديده

لبتي يازين.
زين على خيرت الله .
غريب خلاص طالما اتفجنا يبجى خير بر عاجله الجمعة اللى بعد الجايه كتب الكتاب والډخلة. 
حازم بهمس لزين البس ابوي لبسك عشان تبجى تجيبه.
مصطفى پصدمة مش جريب يعني لسه بدري جوي .
احمد ياحج طالما كل جاهز خلاص لاحنا لسه هنجهز بيت ولا انتم هتشوروهه يبجى بلاش تأخير الحاجات دي لازم ترمح فيها.
مصطفى بس الوجت النهارده الخميس يعني سبع تيام على الفرح بس .
زين بإذن الله كل حاجة هتكون جاهزة. 
صابر يبجى على خيرت الله انا معاهم يابوي بلاها تأخير .
مصطفى اللى فيه الخير ربنا هيجدمه. 
غريب يبجى على بركة الله مبروك يازين .
اومأ زين لمباركاتهم واستأذنوا للذهاب.
_____________________________________
كريمة بقلق ها ياولدي عملت ايه 
احمد بفرحة كتب الكتاب والډخلة يوم الجمعة .
كريمة بفرحة جد يازين الكلام اللى اخوك بيجوله دا .
وين بإبتسامه ايوه ياحجه. 
كريمة زغرطي يا سيدة وتجولي لمنصور الفجر احسن عازبه وتدبح وتتوزع على أهل البلد كلها .
احمد مالوش لزوم يامه الفرح بعد يومين .
كريمة والله ابدا دي غير بتوع الفرح ومن يوم الحد هنكلم الطباخ وهنبتدي وكل من يوم الحد .
عمرو پحقد لييه هتوكلي الناس ست ايام .
كريمة دا فرح زين حسن علام مش اي حد عجبالك ياعمرو انت وملك والحج افرح بيكم .
انحنى زين طابع قبله على راحت كريمة ربنا يطول في عمرك ياحجة وتحضري فرح احفاد احفادك.
كريمة وه هعيش كل السنين دي
زين واكتر بإذن الله امال فين ملك 
مريم نامت كيف البجرة تاكل وتنام مبتعملش حاجة تاني في حياتها غير كده .
زين طب انا هطلع ارتاح تصبحوا على خير .
صعد زين الدرج واتجه الى غرفته وماكاد ان يفتح الباب اللى ان اتاه صوت اوقفه. 
هبه بحزن العروسه حلوة .
زفر زين بملل والټفت لهبه عايزة ايه ياهبه
هبه فيها ايه احسن مني يازين 
زين روحي اوضتك عيب تجفي كده يلا.
هبه زي....
زين پغضب يلا .
_______________________________________
يوم الخميس
سعاد الحجني ياحج انا فاض بيا من بتك خلاص.
مصطفى بضجر من حديثها مالها نواره 
سعاد بصوت منخفض مليئ بالڠضب بتك مش عايزة حد يجرب منها الماشطة معاها جوه وليلى وصباح محدش جادر عليها كل محد يجربلها تصرخ والنهارده الخميس عايزين نخلص كل حاجة جبل بكرا يادوب تبجى واجفه على التزيين بس.
شعر مصطفى بالډماء تتصاعد الى رأسه لمجرد تخيله ابنته تتزين لرجل حتى لو كان زوجها لكنه تمالك نفسه.
مصطفى خرجي كل الحريم اللى جوه عايز اتكلم معاها.
سعاد يلا يامره انتي وهى الحج عايز يتكلم مع بته.
دلف مصطفى لغرفة ابنته واغلق الباب خلفة .
مصطفى نواره.
ما ان سمعته نواره اجهشت في البكاء وخارت قواها لتجلس على الارض .
نواره مش عايزة اتجوزه ٠
امسك مصطفى بيد نواره واوقفها .
مصطفى وهو يعانقها دموعك بتحش جلبي ياجلبي .
نواره وهى تتشبث به مش عايزة خاېفة جوي خاېفة والنبي وجف الجوازة لو بتحبني والنبي.
مصطفى مش هجدر ياحبه عيني كل حاجة حصلت خلاص عايز اجولك كلمتين يانواره اجعدي .
نواره كلمتين ايه خلاص كل حاجة انتهت .
مصطفى عمري ماحكتلك انا كيف حبيت امك طول عمري بحكيلك عن جمالها طيبه جلبها اخلاجها بس عمري ماحكيتلك عن حبي ليها مش عايزة تعرفي انا هعتبر السكوت علامة الرضا جدك أمرني اني اتجوز سعاد بت عمي صابر عمي كان لسه مېت جدك مستكفاش بالي ورثه لا كان عايز كل حاجة وبردوا كان خاېف لو اتجوزت حد غريب يدخل في شغلنا وارضينا المشتركة بينا وبين عمي اتجوزت سعاد وخلفت صابر وسالم