رواية نوارة الزين البارت الخامس والسادس والسابع بقلم الكاتبه بسمه أشرف حصريه وجديده

وعلي وفي يوم جدك بعتني انا و عمك ابنوب اسكندريه عشان نستلم بضاعه من المينا كان في واحد مستنينا هناك اول ماخلصنا اللى ورانا جالنا تعالوا ناكل في مطعم على الشط وافجنا و روحنا وانا بابص على البحر لجيت ..
نواره لجيت ايه
مصطفى بلهفة لجيت حورية ملاك ماشي ع الشط .
نواره بإندماج دي امي 
مصطفى ايوه امك اللى هزت جلبي .
نواره كمل وبعد مالجيتها ماشيه ع الشط عملت ايه
مصطفى زي مجولت لجيت واحدة ماشيه ع الشط لابسه فستان ابيض وشعرها بلون الصخر طويل زي شعرك ولمعته تسحرك طاير وراها وشمس الغروب جايه على عنيها العسلي منوراها فضلت متنح مش مصدج اللى انا شايفة في كده روحتلها وضربتني كف .
نواره پصدمة كف!
مصطفى ابوي عاش وماټ مارفعش ايده عليا وامك ادتني كف لا وايه كف مخبرين .
نواره وانت سكت
مصطفى بإبتسامه واعمل ايه دا كلوا عشان بصتلها وجولتلها انتي جميلة جوي اه ياعزيزة فضلت وراها اسبوع التاني التالت لحد ماتعبت بس موجفتش لحد ماوافجت تتكلم معايا اتجابلنا واتكلمنا كل يومين اتحجج لجدك عشان اروح اسكندريه وجيه يوم وجولتلها انا رايدك وعايز اتجوزك 
فرحت جوي هى كانت وحيدة مكنش ليها غير امها.
نواره كلهم بيجولوا انها اتجوزتك عشان فلوسك.
مصطفى امك اتجوزتني وهى متعرفش اني غني انا كنت نفهمها اني عامل غلبان من العمال اللى بيجوا من الصعيد يدوروا على شغل .
نواره بس انت كده كدبت عليها.
مصطفى كنت عايز اتأكد من مشاعرها غير اني كنت خاېف لو عرفت اني متجوز تسيبني اتجوزتها مكنش يعرف غير ابنوب ٣ شهور احلى ٣ شهور في حياتي بس الحلو ما بيكملش جدك عرف وخيرني بين فلوسه وولادي وسعاد وجبليهم رضاه وعزيزة .
نواره وسيبتها
مصطفى كيف تسيبها حد يسيب روحه بس في كل اللى جدك جالهولي مفرجش معايا غير ولادي علي كان لسه اربع سنين امك كانت جلبي بس ولادي كنت هبجى اناني لو اخترت فرحتي على حزنهم وافجت ڠصب عني وكنت رايح اجولها اني مش هجدر اكمل معاها اول مدخلت الشجه جريت عليا زي الاطفال وهى مبسوطة وجالتلي انا حامل اكني اول مره اسمعها جايز عشان مصدجت لجيت سبب عشان ارتبط بيها اكتر جدك كان بيحب العيال جوي كان عايز العيله تكبر روحت لجدك وجولتله انها حامل جالي هاتها اتصلت بأبنوب وخليته يجيبهاو.. 
نواره ثانيه انت ازاي جنعتها بموضوع كذبك عليها وجوازك ده.
حك مصطفى مؤخرة عنقة جنعتها بطريجتي. 
تصاعدت الډماء في وجنتي نواره ما ان استوعبت.
اكمل مصطفى مغير الحديث ٧ شهور ونورتي دنيتي بصيت على امك وبصيتلك سبحان الله عملت ايه ف دنيتي عشان ربنا يرزجني بحوريتين من الجنه عمك ابنوب كان هيتجنن ويسميكي مريم بس انا جولت لا نواره زي مانورت حياتي بدر كان ف أيدي وجمر نايم على فرشتي بس جدك منبسطش بخلفة البت و...خلاص اتكلمنا كتير .
نواره بطفوله لا انا عايزة اعرف الباجي.
مصطفى هه ماشي في سبوعك عملت حاجات معملتهاش لخواتك دبايح و..وناس بتجول مواويل عملت مولد مش سبوع مع ان مكنش فيه حد بيفرح بالبنات بس انا كنت فرحان جوي جدك كان مستكتر الفرحة عليا خالى الدايه تديها حجنه هوا بعد ماجدك ماټ جت الست كانت مريضة بالكبد تجريبا و ھتموت حكيتلي على كل حاجة ااااه اه سعتها اخواتك كانوا كبروا جوي مجدرتش اعمل حاجة لسعاد وجدك ماټ ماتبكيش عاد مبجولش كده عشان تبكي اسمعيني يانواره لو لفيتي الدنيا كلها