حكايات هاجر_نورالدين الحكايه الثانيه إتفاق سلسلة_حكايات_حسن_وهايا سلسلة_حكايات_رمضان

حكايات هاجر_نورالدين
الحكايه الثانيه إتفاق
سلسلة_حكايات_حسن_وهايا
سلسلة_حكايات_رمضان
قابليني بكرا بعد الجامعة وهقولك كل حاجة.
كنت في تردد وحيرة من أمري أروح أقابله فعلا وأشوف إي اللي ماسكه على حسن ولا دي إشتغالة منه رديت بتردد ورفض وقولت
طيب ما تقول دلوقتي ولا إنت بتستغلها فرصة أنا مش بخرج بعد الجامعة مع حد.
ضحك بسخرية وقال بمنتهى البرود
_ خلاص تمام إنت حرة بس لما المحروس يتفضح متجيش تتكلمي معايا في حاجة.
خۏفت بصراحة على حسن جدا وأنا في حيرة فظيعة وتوتر كان قلبي مقبوض بس قولت بهدوء وتردد
إقفل دلوقتي يا فارس وهشوف وأرد عليك بكرا.
قفلت معاه المكالمة وأنا عقلي وقلبي في توتر وقلق على حسن عقلي مهديش عن الأفكار طول الليل غير لما نمت ڠصب عني بسبب التفكير.
تاني يوم نزلت وروحت الجامعة كان حسن سبقني لإن محاضراته بدري كنت أنا وفاري في نفس المدرج كان بيبصلي طول المحاضرة وأنا الحقيقة مش طيقاه وبحاول أتلاشى نظراته ليا بالتركيز مع الدكتور.
بعد المحاضرة ما خلصت جه وقف قدامي وقال بتساؤل
_ ها قولتي إي يا حلوة
ربعت إيدي وقولت بتساؤل وعدم قبول من ناحيتي ليه
هو إنت عايز إي بالظبط
يعني بعد ما توريني وتقولي إي المطلوب عشان أبقى فاهمة اللعبة على المكشوف
إبتسم وقال بمكر
_ ما كل دا هنتكلم فيه بعد الجامعة يا توافقي وتعرفي وترضي فضولك يا ترفضي وإفضلي مع حيرتك دي لحد ما تعرفي كل حاجة زيك زي الناس كلها.
فضلت ساكتة شوية بفكر وخاېفة من كل حاجة سواء من فارس عشان هو فعلا مش سهل ومش بيتكلم من فراغ أو من قعادي معاه اللي لو وصل ل حسن حقيقي ممكن أخسره فيها.
إتنهدت وقولت وأنا ببص ل فارس بقرف
تمام يا فارس بس هما 5 دقايق بس وفي الكافيه اللي قدام الجامعة مش هنروح حتة تانية لو عملت إي.
إبتسم وقال بلا مبالاة
_ هو تمام على المكان ولكن 5 دقايق دي إنت اللي مش هتوافقي عليها لإن الموضوع عايز قاعدة وخد وهات وحاجات كتير بس المهم إنك وافقتي أشوفك بعد المحاضرات يا حلوة.
خرج من قدامي وأنا كنت ڠضبانة من نفسي ومن كل حاجة حواليا كنت خاېفة على حسن ومن حسن أكتر من نفسي كان فاضلي محاضرتين تانيين خلصتهم وخرجت وكان فارس واقف على باب الكافيه الناحية التانية من الطريق وباصصلي وهو مبتسم.
بصيتله بقرف حقيقي وأنا بتقدم ورايحاله ومتغصبة ولكن حصل اللي مكنش متوقع ولقيت فارس في وشي وقف قدامي وقال بتساؤل وإستغراب
_ إنت رايحة فين يا هايا
بصيتله بتوتر وأنا بحاول أبان طبيعية وقولت بإبتسامة
ولا حاجة.
بصلي بشك وتعجب وقال بتساؤل
_ ولا حاجة إزاي يعني طريقك يمين يا هايا مش الناحية التانية!
بص الناحية التانية وشاف فارس واقف ومكتف إيديه الإتنين جز على سنانه