روايه زوجي معاق الفصل العاشر والأخير الكاتبه شيماء طارق حصريه وجديده

دي واول طعنه كانت منك انت هستنى ايه من الغريب
أحمد (بيتكلم بالراحه وبندم ) ما كانش قصدي.. كنت تايه وكنت غبي وسمحت للڠضب يعميني.. بس مش معنى كده إني مش مقدرك مش معنى كده إني مش بحبك .
مراد (ساكت للحظات وبعدين رد عليه بكل هدوء) "وأنا سامحتك يا أحمد.. بس خليك فاكر الچرح ما بيخفش بسهولة والعلاقة اللي بتنكسر صعب ترجع زي الأول بس هديك فرصه تقدر تغير فيه اللي انت عملته.
احمد اخذ نفسه وحس اللي هو ارتياح بجد وكان حاسس اكنه كان شايل جبل على كتفه واخيرا نزله بعد ما مراد مد له دي بالصلح وافق ان هو يدي له فرصه ثانيه .
أحمد (بابتسامة خفيفة) وانا كنت متوقع منك كده يا مراد لانك ابو الكرم كله وانا مستعد اعمل اي حاجه علشان ارجع ثقتك فيا تاني واصلح كل اللي باظ ما بينا
بص بص مراد لايده احمد اللي ممدوده وقرر انه يدي له فرصه وحس من احمد اللي هو فعلا اتغير وكلام ايمن كان صح
مراد (بابتسامة صغيرة) "أنا مش هخسر أخويا بسبب لحظة طيش.. بس يا أحمد خليك دايما فاكر الصديق الحقيقي ان الواحد يكون جنب صديقه في كل اوقاته وعيلتي تبقى هي عيلتك واخواتي تعتبرهم اخواتك وما ينفعش ان انت تبص اللي مرات صاحبك لانها يعتبر اختك !
أحمد (بصدق) ووعد إن ده مش هيحصل تاني أبدا!"
مراد فتح ايده لاحمد وقال له تعالى يا احمد وحشتني يا غبي
احمد وهو بيهزر مع مراد وبيقول له خش في لحم اخوك يا فواز
ايمن وهو عامل نفسه زعلان وبيقول لهم ينفع اللمه دي من غيري
احمد راح فاتح له ايديه وقال له تعالى يا صاحبي نط ياض
ايمن نفسي اعرف انت ازاي دخلت كليه هندسه ازاي ده بيزنس مان الواد ده بيئه قوي انا مش قادر اقتنع اللي انت لفيت العالم
احمد ما هو الحقد بتاعك ده اللي موديني في داهيه
مراد ربنا يهديك يا احمد ويخليك لينا يا ايمن وربنا يدوم علينا النعمه اللي احنا فيها وعلى فكره فرحي انا ومنى ان شاء الله اول الشهر
احمد التنظيم كله عليا انا اللي هعمل كل حاجه
ايمن وانا هقعد اتفرج انا هشغلك مرمطون
احمد هو انا هتمرمط لحد غريب ده انا هتمرمط
لاخويا واختي يعني على قلبي زي العسل يا عم
فرح مراد ومنى وبدايه جديده لحياتهم
اليوم المنتظر أخيرا جه وفرح مراد ومنى بقى على الأبواب.
منى (بقلق وهي بتتفرج على فستانها الأبيض) أنا مش مصدقة إن اليوم اللي انا كنت مستنياه من زمان اخيرا جه يا ماما!"
ام منى (بابتسامة ) يا بنتي بقت عروسة لثاني مره وعريسك هو مراد عارفه انا لو عشت حياتي كلها بحلم اللي انا احضر فرحك مرتين ما كانش هيحصل.. يا رب أيامك كلها سعادة يا حبيبتي."
منى (بعينين لامعة) يارب يا ماما يارب يكون كل ده حقيق مش حلم ولو حلم يبقى مش عايزاه يخلص خالص افضل عايشه فيه.
ام منى ربنا يا بنتي يجعل حياتك كلها سعاده وفرحه!
منى راحت على امها وحضنتها وقالتلها ربنا يخليكي ليا يا ماما وما يحرمنيش منك ابدا!
في نفس اللحظة في بيت مراد كان أحمد واقف جنب مراد وهو بيساعده يجهز.. كانت العلاقة بينهم رجعت زي الاول واحسن ونسيوا كل حاجه لان الوقت بينسي اي الم او چرح.
أحمد (بهزار وهو بيعدل الببيونه لمراد ) أنا عمري ما توقعت إني هشوفك بعينيا دي وانت لابس بدلة