سلسلة حكايات رمضان٣٠ حكاية وحكاية الجزء الثاني من الحلقة الأولى خالتي سوسو والدفتر الأسود بقلم منار الشريف حصريه وجديده

ليه أمك خبتك عننا؟.

أنت كنت في إسكندرية فعلًا ولا دي قصة من قصصها المتألفة؟.

وسوسن بتسأل  
طيب أنت عارف اسم خالتي سوسو قبل الجواز؟.

آدم اتنحنح وقالهم بملل
لحظة يا جماعة. أنا جيت أتعرف عليكم مش أتحاكم.
بصراحة أنا كنت عارف، وكنت بزور أمي  كل شهر، بس هي كانت خاېفة تقول لكم علشان محدش يعايرها ويفضل يقرف فيها!

سميحة الحيزبونة
لا حول ولا قوة إلا بالله. إحنا ما بنعايرش حد، إحنا بس بنحب نعرف كل حاجة!.

القنبلة الجديدة

هنا بقى خالتي سهير قررت تحط اللمسة الختامية لليوم فتعدلت في قعدتها وسندت بدراعها على الكرسي وبصتلهم بستخفاف 
وأنا بقى قررت أكتب مذاكرتي، وأوزعها كتاب لكل العيلة!.

الكل بصوا لبعض بذهول
إيه؟!.

سهير بابتسامة خبيثة
آه وماله مش عيب ههههههه. كتاب بعنوان (اعترافات خالة مچنونة) وكل أسراري فيه!.

عبد الجواد اخوها رمى عليها مفرش السفرة وصړخ
ده مش كتاب. ده وصلة فضايح عائلية!..

البيت بيتشقلب للمرة التانية

أم مصطفى فضلت تقلب كباية الشاي في أيديها من الصدمة ده هيتحول لمسلسل٣٠ حلقة وهنقعد والناس تتفرج علينا.

خالتي سميحة وهي بتبص لخالتي سوسو بغيظ
خليكي مچنونة براحتك، بس تكتبي سطر واحد عني في الكتاب ده هاوديكي في داهية!.

سهير بلؤم
بالعكس يا حبيبتي ده أنا هكتب أنك الوحيدة إللي كنت عارفة من الأول!.

سميحة وقعت في الأرض على ركبتها وهي بتنوح وتلطم زي الولايه بشكل مبالغ فيه
يالهوي. ياخرابي... أنا يا سهير؟! ده أنا كنت آخر من يعلم!.

خالتي سهير قالتلها بشماته
فاكرة لما لقيتي شهادة الميلاد بتاعت أبني وقولتيلي هاتيها أخليها معايا؟ كنتِ فاكرة شهادة ميلاد بتاعت مين هتستهبلي يا وليه؟!.

ختام مفاجئ

آدم وهو بيضحك وفرحان فيهم وقال بسماجة
أنا مش زعلان منكم بالعكس. أنا سعيد إني بقيت وسط عيلتي، حتى لو عيلة مچنونة!

آخر لقطة

بعد الخناقة الكبيرة خالتي سهير كانت قاعدة في البلكونة بتشرب شاي بالنعناع، وبتكتب في الدفتر الجديد إللي جابته
"اليوم كان جميل بس حسيت إني محتاجة أقولهم نص الحقيقة، وأخبي النص التاني أصل لو عرفوا إني عندي حساب في البنك باسم (شاكيرا بتاعت المرج) مش هيلحقوا يتسحروا!"

يتبع 
الجزء الثالث....