رواية الاختيار البارت الخامس بقلم الكاتبه لبني طارق حصريه وجديده

رواية الاختيار البارت الخامس بقلم الكاتبه لبني طارق حصريه وجديده 
يوسف أول ما فتح الباب .. راجل قرب عليه كبير فى السن وپخوف ولهفه إلحقنى يا بنى .. إلحقنى أنا اسف إنى جايلك دلوجتى 
يوسف فيك ايه يا حج عبدالله جرا حاجه للحاجه سميره .. 
عبدالله لا يا يوسف .. لاء .. بس الواد براهيم اټجنن وها ېموت مراته مش قادرين عليه .. مشى معايا يا شيخ نلحقه .. تعالى عقله ينوبك ثواب فى البنيه 
يوسف قفل الباب وسبق الحج عبدالله على بيته .. خبط والحاجه سميره فتحت الباب .. بتخبط على صدرها وبرعشه 
سميره شيخ يوسف جيت فى وجتك الواد براهيم اتجن .. الحقه البنيه ها ټموت فى ايده فوج لا انا ولا عبدالله جادرين عليه 
يوسف إطلعى يا خاله اسبقينى عشان تفتحيلى الطريق وتسترى مراته وتعرفيه انى طالع .. 
سميره طلعت وهى بتنهج وبتقول حاضر .. 
عبدالله دخل على يوسف وطلع معاه .. 
إبراهيم بزعيق وصوت عالى سيبينى يا أما خلينى اخلص منها ومسك مراته من شعرها .. وولاده متكومين فى جمب بيعيطو وبيترعشوو .. 
سميره سيب البنيه يا يبنى حرام عليك ترضى جوز اختك يعمل فيها كدا .. معلش يا منى معلش يا بنتى وسلكتها بالعافيه من إيده .. ومنى اترمت فى حضنها وبتعيط بحرقه وصوت مسموع .. 
منى بصوت عالى منك لله يا براهيم .. منك لله
يوسف بيتنحنح وسقف بايده وسميره خدت منى ودخلت بيها جوا لانها بهدوم البيت .. 
عبدالله اتفضل يابنى .. اتفضل .. وزق إبنه وسع من جدام وشى 
إبراهيم بصوت عالى بقيت الشيطان الرجيم دلوجت 
يوسف حط ايده على كتف إبراهيم إستهدى بالله يا إبراهيم وأقعد .. اقعد يا حج عبدالله .. وبيشاور لإبراهيم .. اتفضل والا أمشى يا إبراهيم 
إبراهيم بينفخ اتفضل يا شيخ يوسف .. 
يوسف فى إيه مالك ياعم كدا لا طايق بيتك ولا طايق كلمه حتى من أبوك .. كبرت عليهم خلاص وشنبك خط وبتثبت وجودك 
إبراهيم لا كبرت ولا حاجه .. أبويا مش حقانى يا شيخ .. وبينصر عليا واحده زى دى اخرتها بنت أبو .... ها تتنطط عليا بسبب ابويا 
عبدالله اخص عليك وعلى تربيتك .. والله أنا جصرت .. مش عارف ها أقول ايه لربنا لما يسألنى انا أهملت فى تربيتك وجوزتك بنت ناس زيها زيك تبيع وتشترى فيها وكل يوم والتانى تضربها وكأنها عبد عندك وعايزنا نسكت على قلة الحيا إلا أنت فيها 
إبراهيم بعصبيه بيشاور على ابوه سامع .. دا كلام واحد بيحب ابنه 
يوسف والله ما شفت حب أكتر من كدا .. إلا ينصر الضعيف والمظلوم يبقى تشيله فوق راسك يا إبراهيم لانه خاېف عليك من عقاپ ربنا .. ياخى أحترم إنه أبوك وأتكلم بأدب معاه .. وبص لعبدالله .. استسمحك تسيبنى شويه معاه يا حج عبدالله 
عبدالله قام وبيخبط على رجله لله الأمر من قبل ومن بعد .. لله الأمر .. وخبط على سميره ودخل يسكت العيال وياخدهم فى حضنه .. 
يوسف بص لأبراهيم عندك تلت عيال زى الورد .. تطفيهم بهمجيتك وضړبك لأمهم وإھانتها كل يوم والتانى قدامهم .. وكمان إهانتك لابوك .. لما يكبرو ها يحبوك ازاى والا يعاملوك بما يرضى الله ويبقو بارين بيك ازاى .. إفعل ما شئت كما تدين تدان .. عايزه يتردلك 
إبراهيم بعصبيه ماهما إلا بيعصبونى وزهقونى فى عيشتى زهقت منهم كلهتهم 
يوسف زقه فى ايده بعشم أستغفر ربك .. خلينى أعرف اتكلم معاك .. واستعياذ بالله من الشيطان إطرده من دارك وبيضرب على إيده .. مهمة الشيطان يفرق الشمل وېخرب البيوت ويكفرك بالنعمه 
إبرهيم وطى راسه أستغفر الله .. اعوذ بالله من الشيطان الرجيم ..
يوسف ليه كدا يا إبراهيم كل يوم والتانى خناق وضړب فى عمود بيتك .. لو كسرتها ها يتهد البيت ويبقى خرابه ... اتقى ربنا 
إبراهيم يرضيك أجى من برا ألاقيها نايمه أقومها واقولها حضريلى لقمه أكلها تقولى الأكل عندك انا تعبانه مش قادره أقوم وبتبجح فيا .. يا قاعدلى ضربه بوذ لما خنقتنى وكل شويه رايح فين .. كنت فين .. راجع منين وخناق .. خناق مابتزهقش الا زى دى لازم تتربى وتقف انتباه لما ادخل البيت جايبه ليه هنا عشان تتخمد وتقولى تعبانه كل ما اكلمها متنيله تعبانه 
يوسف اتنهد حد فهمك إن الست جاريه عندك .. حتى لو جاريه المعامله تبقى برحمه .. يأخى دا زمن الجوارى انتهى مين قالك ان جزاء تعبها وشيلها حمل بيتك وولادك وأبوك وأمك انك تضربها عشان تعبانه .. دا بدال ما تسخن الأكل وتقومها تأكلها لقمه معاك .. تجبر بخاطرها عشان ربنا يجبر بخاطرك ويكرمك .. جبرت بخاطر مراتك كام مره عشان تفرد بوذها وتحبك وتدلعك وتضحك 
إبراهيم ساكت ما بيردش 
يوسف ايه مفيش مره جبرت بخاطرها بكلمه حلوه ولا لقمه ولا قرشين تشترى حاجه نفسها فيها تدخل السعاده على قلبها .. إمال هى متجوزه ليه تنتضرب وتتهان وتعيش خدامه فى بيتها إلا ربنا ذكره كا تكريم لها ولمكانتها 
إبراهيم ايه شيخ .. دا القرأن بيقول الراجله قوامه .. يعنى انا ما بعملش حاجه غلط واضړبها واعمل ما يحللى انا الراجل انا الكل فى الكل هى ها تتساوى بيا ها تعمل راسها براسى يبقى اكسرها 
يوسف عندك يا إبراهيم .. أوعى سامع أوعى تفسر وتنفذ على هواك إلا انك تفسر القرأن الكريم وتنفذ على هواك وتعمل زى الا ضل سعيهم فى الدنيا ياخدو من الدين إلا على هواهم وياريتهم يعرفو المعنى الحقيقى والمضمون له لو يعرفو ما ضل سعيهم .. مش عارف أسئل أهل العلم مش أى حد نجرى عليه نسئله ونقول أصله تقى أصلها ملتزمه فا نروح فى داهيه فى فكرنا وفهمنا الخطأ فى ناس متخصصه دى مهمتها ... شاور على إبراهيم .. انت تقدر تقوم بمهمة الدكتور من غير ما تدرس 
ابراهيم لاء 
يوسف مهمة المهندس 
ابراهيم لاء 
يوسف أى مهمه يلزمها دراسه عشان تفهمها صح .. مسك مصحف جمبه دا كنز ربنا وجده فى حياتنا بينور بصيرتنا بيه بس لما بنسوء أستخدام أى شئ مش هانرتاح أبدا فى حياتنا حتى الدين .. .. عندك الازهر مش لاقى حد يفهمك ربنا يفرجها علينا هنا وكل حاجه تشتغل .. وأنت فى إيدك التليفون 24 ساعه افتح صفحة الازهر وأسالهم كما تشاء على رسايلهم هايردو عليك بس ماتسمعش لراجل زيك قاعدين على قهوه والا باسطه قدام الدار .. يهد حياتك وبيتك عشان بيفتى فسألوا أهل الذكر إن كنتم لا تعلمون 43 
إبراهيم يعنى ها اقعدلك كل نفس اجى أسالك 
يوسف وماله مش بدال ما تضيع نفسك دنيا واخره وتعيش فى نكد عشان بتقلد دا وإلا دا .. ولازم تبقى معتدل ربنا ميزك بالعقل .. وبدء يكلمه على مراته ..... مفيش حاجه أسمها تعمل راسها براسى وانا الراجل وهى الست وقطع راقبه على طول الخط وكأنها إهانه إنها ست .. الرجاله والستات فى الأسلام سواء .. زى بعض مفيش