نوفيلا أرض بور البارت الثالث حصريه وجديده

ترجع يبقى مش في البيت ده لكن لو رفضت الرجوع اسبوع وساعة ح تكون مطلقها عجبك على كده ماشي الحال مش عجبك اطلع على المأذون دلوقتي وطلقها لينظر له حازم پألم
حاضر ياعمي وانا تحت أمرها ياريتها توافق ترجع ولو عايزة تمشي من البلد ح اخدها وامشي وح اعملها اللي هي عايزاه بس ترجع لي ياعمي انا عارف انها صعب ترجع عارف اني هنتها ودوست عليها علشان كده عارف انها مستحيل ترجع بس بتمنى من ربنا ترجع ارجوك ياعمي ساعدني ترجع لي وانا ح اعملها كل اللي عايزاه لېصرخ له والده
انت مچنون عايز تسيب البيت علشانها والله لو خرجت من البيت لا انت ابني ولا اعرفك فاهم وح تتجوز وتخلف الولد اللي يشيل اسمي بدل اخوك اللي خلفته عار وكلهم بنات
ليقف رأفت ينظر له بذهول ودموعه تترقرق في عينه
من ساعة ما اتجوزت وانا مستحمل كلامك واھانتك ليا ولمراتي وانت عارف ومتاكد اننا السبب في خلفة البنات ولا الاولاد لكن ازاي لازم تهين وټجرح ومش مهم اللي ادامك مش انا خلفتي عار اديني سبتها لك ومشيت اشبع ببيتك اللي ساكنه ياوالدي دور وشوف ناوي تدمر حياة مين تاني لكن انا ح انفد بجلدي انا ومراتى واميراتي اللي ح يدخلوني الجنة عن اذنك ياحاج
ليتحرك رأفت ولكن يستمع لوالدته تصرخ باسمه فيتوقف ويلتف ينظر لها انجري عليه
ح تروح فين يابني ح تبعد عني انت وحبيباتي طيب اعيش ازاي وانت وهما ورهف ح تبعدوا ح اعيش مع مين لېصرخ بها زوجها
سيبيه خليه يمشي ويشوف ح يعيش ازاي مش خرجت من هنا مالكش حاجة عندي لا انت ولا هما ولا حتى هدومكم
لينظر له ولده على كم جحوده ولكن يتدخل عبدالله للمرة الثانية وكان يتميز بقوة بنيانه ووجهه الذي يتحول عندنا يغضب الي وجهه يحمل الكثير من القسۏة ليقف بقوه أمام اسماعيل وينظر لرأفت
روح يارأفت هات عربية وحمل كل حاجتك من الشقة حالا ويبقى يفرجني الحاج اسماعيل ح يقدر يعمل ايه لأن قسما بجلال الله انا لما بتقفل مابشوفش ادامي ويستحسن ياحاج تقعد مكانك كده وماتتحركش علشان منظرك أدام نفسك مايبقاش وحش روح يارؤوف معاه ولو عايز تمشي ياعمي انا كفيل اسد في الليلة السوداء دي خلينا نخلص لينظر له عبد الرحمن 
انا معاك يابني روح يارؤوف مع رأفت ليقف حازم أمام اخوه
ح تسيبني وتمشي يا رأفت ليبتسم رأفت بحزن 
استحملت كتير ياخويا ومراتى استحملت سم بدن كتير وعلى رأي رهف كان بيدوس عليها بقوة علشان عارف انها وحيدة وانا كنت قادر اصبرها لكن مش ح استحمل يدوس على بناتي لما يكبروا لا ياحازم مش ح استنى خليني امشي من هنا احسن وح ادعي لك رهف تقدر تسامحك لتصرخ والدته 
استنى يا رأفت انا جاية معاك يابني انا ماليش مكان في البيت ده انا غلط لما استمريت مع ابوك وكل اللي في دماغه ان حد منكم يجيب الولد خليك قاعد بقى مع بنتك اللي خلتها اتمرعت على الاكل واديك فضلت وراء ابنك لما خربت بيته
انصرف الجميع بعد أن حمل رأفت كل شئ في شقته وذهب بها إلى المنزل الذي قام بتأجيره وذهبت شوقية مع ابنها وصعد حازم للأعلى وظل اسماعيل يجلس مكانه وبجواره ابنته التي اخذت تزيد من غضبه على رأفت وتحدث والدها انه يجب عليه أن يضغط على حازم