رواية البارت الثالث عشر و الاخير بقلم الكاتبه إسراء ابراهيم حصريه وجديده
رعد ضربه في بطنه وقاله هروحلها يا اخويا اومال اقعد ابص في سحنتك خليك كدة واقف بطولك
ابتسم حسام وقاله لا انا هروح اناكف في سهير شوية وسابه ومشي راحلها وباس ايديها فابتسمت وطبطبت عليه بحب وحنان كانها بتعوضه عن السنين اللي كان فيها بعيد عنهم وهو قاعد جمبها لفت نظره روفيدا صحبة رهف داخلة من باب البيت وهيا محرجة جدا ومش عارفة حد وبدور بعينها علي رقية ومش شايفاها بصلها حسام وابتسم ولقي نفسه بيقرب منها وبيقؤلها بتدوري علي حد
بصتله روفيدا بخجل واتوترت لما بصت في عينه فنزلت راسها بخجل وقالتله رهف صحبتي لو سمحت هيا فين وهيا بتسأله شافت رقية وقالتله طيب متشكرة ليك رقية اهي انا رايحالها ومستنتش رده و مشيت من قدامه بسرعة وهو ضحك علي كسوفها وكان
مبتسم وهو متابعها بعينه
كانت رهف في المطبخ بتحضر كاسات العصير فاجئة اتخضت وشهقت لما لقت رعد بيحضنها من ضهرها وبيقؤلها
القمر غايب عني ليه
رهف لفت بسرعة وقالتله بزعل طفولي
اخس عليك يا رعد خضتني
رعد قرب منها وباس خدها وقالها بحب
بعد الشړ عنك يا روحي بس انتي غبتي عليا فجيت اشوفك
ابتسمت رهف وقالتله وحشتك
رعد قرب منها اوي وهو باصص في عنيها وقالها انتي وحشاني من زمان اووي يا رهف
بعد ما قابلتك ندمت علي كل لحظة من عمري عشتها وانا بعيد عنك وخدها في حضنه وقال وهو بيتنهد ياريتني كنت قابلتك من زمان كانت كل حاجة هتتغير
خرجت رهف من حضنه ومحبتش تجيب سيرة امه بس وعدت نفسها انها تخليه يسامحها واحدة واحدة وقالتله بحب
بجد يا رعد يعني انا غالية عندك اوي كدة
رعد حضڼ وشها بايديه وقالها بهمس
انتي مش غالية عندي بس انتي اهم حد في حياتي كلها انا بعشقك يا رهف بحبك قد عمري اللي فات واللي جاي
ابتسمت رهف وعنيها دمعت من كلامه وحضنته اوي وقالتله بنفس الهمس وهيا قريبة من ودنه
وانا كمان بحبك يا رعد
رعد قلبه دق جامد وحضنها ورفعها من الارض وهو بيقؤلها بهيام مش اكتر مني يا فريسة الرعد
اتمني تكون الرواية عجبتكم وانتظرو روايتي الصعيدية الجديدة ان شاء الله تعجبكم
ياريت تتفاعلو عالبارت الاخير عالاقل برأيكم في الرواية
فريسة_الرعد
بقلمي_اسراء_ابراهيم
