رواية عرض جواز من الفصل السادس إلى الفصل العاشر بقلم أسماء صلاح حصريه وجديده

يا حبيبي اطلع.
ومشي مروان.
كريم استغرب.
والدته لقيته لسه قاعد وانت
كريم ها أيوه يا ماما.
والدته قعد كده ليه ما تطلع تنام.
كريم طيب يا ماما وقام. تصبحي على خير.
والدته وأنت من أهله.
ومشي كريم.
والدته لنفسها أما أروح أجيب الأكل لمروان. ومشت.
وراح مروان على غرفته ولنفسه الحمد لله إني عرفت أتصرف وألاقي طريقة ما قلتلهمش على اللي حصل معايا. لو ماما كانت عرفت كانت هتقلق أكتر ممكن يجرى لها حاجة ودي حاجة عمري ما هسمح تحصل. ودخل غرفته.
ونظر كريم لمروان وهو داخل غرفته ولنفسيه مش عارف ليه حاسس إن مروان مخبي حاجة. بس هيكون مخبي إيه يا ترى أما أروح أكلمه وأعرف إيه اللي مخبيه. ورح على غرفة مروان وخبط على الباب.
وطلع مروان هدومه من الدولاب والټفت للباب ادخلي يا ماما.
كريم ده أنا ماينفعش أدخل ولا ماينفعش
مروان أنت لسه ما نمتش
كريم انت شايف ايه
مروان هز راسه طيب ادخل وبطل لماضه.
ودخل كريم الغرفة انت لسه مغيرتش.
مروان انت شايف ايه
كريم بابتسامة ماشي يا عم بتردها لي.
مروان قل لي عايز حاجه.
كريم هو انا يعني ما اجيش اتكلم معاك غير لما يكون عايز حاجه انت شكلك واخد فكره عني وحشه خالص وراح وقعد على السرير.
مروان لا مش واخد فكره عنك وحشه بس بما انك مش رحت تنام يبقى اكيد في حاجه.
كريم يعجبني ذكائك يا منظم.
مروان طيب يا ظريف قول بقى عايز ايه علشان انا تعبان وعايز انام.
كريم لا روح غير وبعدين تعالى نتكلم.
مروان ده شكل موضوع مهم بقى بما انك عايزنا نقعد.
كريم هو انا بتكلم غير في المهم حتى رجلي على رجلي.
نظر مروان لرجل كريم بضيق والټفت له والټفت كريم لرجله ونظر لمروان ونزلها.
مروان لا قولي دلوقتي انت عايز ايه علشان انا تعبان ومش قادر اتكلم.
وراح له كريم ووقف قدامه ايه يا منظم مستخسر فيا ان احنا نقعد مع بعض شويه نتكلم انا بقى لي كتير ما قعدتش معاك.
مروان بتنهيد طيب انا هروح اغير واجيب لك.
كريم بابتسامة هو ده الكلام وحط ايده على كتفه.
مروان طيب شيل ايدك.
كريم ليه يا عم هو انت مش اخويا ولا ايه
مروان لا اخوك هو انا قلت حاجه بس عشان اروح اغير.
كريم اه اذا كان كده ماشي وشال ايده.
مروان هز راسه وراح عند الدولاب وأخذ هدومه وقفله وماشي.
كريم ما تتاخرش علشان انا ما بحبش انتظر كثير.
ووقف مروان والټفت له انا اتاخر زي ما انا عايز. بقول لك ايه بقى انا رجعت في كلامي ويلا اتفضل على غرفتك.
كريم لا لا خلاص اتاخر زي ما انت عايز انا هستناك برده.
مروان ايوه كده وراح دخل الحمام.
وبينظر له كريم وراح ونط على السرير وقعد.
ودخلت والدته الغرفة معه بصينية الاكل امسك يا مروان.
نظر لها كريم.
ورفعت والدته راسها لقيت كريم قاعد على السرير وباستغراب انت لسه منمتش
كريم لا لسه يا ماما.
وبتنظر والدته حواليها والټفت له امال فين مروان
كريم في الحمام يا ماما بيغير هدومه.
والدته طيب وراحت عند الترابيزة وحطت الصينية عليها. انما انت مانمتش لسه ليه
كريم هقعد شويه مع مروان وبعدين ابقى انام.
والدته بس اخوك تعبان يا كريم ولازم يرتاح لازم يعني تقعد معه دلوقتي.
كريم هو انا بشوفه يا ماما علشان اقعد معه في وقت تاني وبعدين انا مش هتعبه انا هقعد معه شويه واسيبه يرتاح.
والدته بس.
وخرج مروان من الحمام لقى والدته ماما انت لسه مانمتيش
والدته لا لسه انا جبت لك الاكل اهوه.
ونظر مروان للأكل والټفت لها.
والدته لازم تاكل ماشي.
كريم مټخافيش يا ماما انا هخليه ياكله كله.
والدته لا انت هتيجي معايا علشان تسيبه ياكل ويرتاح.
كريم لا يا ماما انا هقعد معه شويه وبعدين هو كمان عاوز يتكلم معايا مش كده يا مروان
مروان باستغراب انا
والدته استغربت.
كريم اه مش انت قولت انك عاوز تكلم معايا في موضوع مهم انت نسيت ولا ايه
والدته موضوع مهم
كريم ايوه يا ماما.
والدته موضوع ايه المهم ده يا مروان
مروان ها
كريم وهز راسه بنعم.
مروان اه صح افتكرت انا فعلا عاوز اتكلم مع كريم في موضوع مهم.
والدته موضوع ايه ده
مروان موضوع بخصوص الشغل يا ماما.
والدته الشغل تاني يا ابني رايح نفسك شويه انت كده هتعب حاول ترتاح راسك شويه من الشغل.
مروان صعب يا ماما وراح لها ووقف قدامها بس هحاول علشان خاطر عيونك انت يا ست الكل وباس راسها.
والدته لا وتحاول علشان روحك كمان ماشي.
مروان بابتسامة ما انتي روحي يا ماما وانا بحاول علشانها.
والدته بابتسامة ربنا يخليك لي يا حبيبي وحطت ايده على كتفها.
مروان ويخليكي لي يا ست الكل.
كريم على فكرة كده ظلم.
مروان والدته استغربوا.
مروان ظلم
كريم ايوه انتي يا ماما ربنا يخليه لك وانت يا مروان ربنا يخليك لي وانا ولا اديني موجود ايه انتم نسوني
والدته هنساك ازاي يا هبل انت حد برده ينسه ابنه
مروان قولي له يا ماما حد يقدر ينسه اخوه
كريم امال اما انتم مش نسيني ماشوفتش يعني جبتم سيرتي وانتم بتكلموا
وراح له مروان وقعد قصاده على السرير تعرف ليه ماجنش سيرتك انا وماما
كريم باستغراب ليه بقي
مروان علشان انت معانا دايما ومش محتاجين نجيب سيرتك علشان نفتكرك فهمت بقي
كريم اه وحط ايده على ايد مروان وشده ناحيته.
ونام مروان على السرير جانبه.
وراحت لهم والدتهم بقلق حاسب على اخوك ده مجروح.
كريم مټخافيش يا ماما انا واخد بالي.
مروان سيبه يا ماما ده اخويا وعمره ما ياذيني روحي انتي نامي علشان انتي شكلك تعبان.
والدته طيب بس كل الاكل كله.
تكمله البارت السابع من عرض جواز 
مروان طيب
والدته ماتسهروش ماشي
كريم ماشي ماما
والدته تصبحوا على خير
كريم ومروان وانت من أهله يا ماما
وخرجت من الغرفة وقفلت الباب وراها
مروان ليه خلتني أكذب على ماما وأقول إن عندي موضوع مهم
كريم علشان لو ماعملتش كده كانت هتخليني أروح أنام وأنا عاوز أقعد معاك
مروان اها
كريم رايح فين
مروان هروح فين يعني هقعد علشان أسمعك
كريم لا خليك زي ما انت وأنا هتكلم كده
مروان لا هقعد أحسن علشان أسمعك كويس
كريم طيب وأنا كمان هقعد
مروان طيب 
قعد كريم قدامه على السرير
مروان قولي بقى إيه الموضوع اللي عاوز تتكلم فيه
كريم طيب هنتكلم بصراحة ولا هنلف وندور
مروان نلف وندور
كريم أيوه لو هنلف وندور يبقى بلاش نتكلم أحسن وأسيبك ترتاح وروح أنام
مروان وأنا من امتى بلف وأدور عليك يا كريم هوإيه الموضوع بالضبط
كريم يعني لو قلتلك إيه الموضوع هتكلم معايا بصراحة
مروان هو أنا عمري كذبت عليك يا ابني
كريم بصراحة لا بس أنا حاسس إنك كذبت علي
مروان باستغراب حاسس ان كذبت عليك .
كريم ايوه .
مروان وايه اللي خالك تحس بكده بقي 
كريم طبعا تصرفاتك يا مروان.
مروان باستغراب تصرفاتي 
كريم ايوه.
مروان تصرفات إيه وبعدين إيه الموضوع اللي أنت حاسس إني كذبت فيه ده 
كريم الموضوع إنك انحرجت وانت بتلعب كاراتيه
مروان بارتباك ها ولف وشه الناحيه الثانيه بس أنا ما كذبتش يا كريم.
كريم بدأنا نلف وندور بقى
مروان وأنا هلف وأدور عليك ليه
كريم معرفش اسأل نفسك قولي يا مروان إيه اللي چرحك كده
مروان أنا قلتلك يا كريم وقام انجرحت وأنا بلعب كاراتيه
وكريم قام وراه لا يا مروان دي مش الحقيقة أنا كنت حاسس إن فيه حاجة إنت مخبيها علينا واتأكدت دلوقتي
مروان باستغراب اتأكدت
كريم أيوه اتأكدت لما فتحت معاك الموضوع لفيت وشك وتوترت ومعرفتش تبص في وشي ده أكد لي إن فيه حاجة وبعدين أنا مرضتش أتكلم قدام ماما علشان ما تقلقش أكثر من كده قولي يا مروان في إيه أنا مش أخوك إنت مش واثق فيا
مروان بتعجب إيه الكلام الفارغ ده طبعا بثق فيك وأكثر من نفسي كمان
كريم يبقى خلاص قولي إيه اللي حصل وأنا بوعدك وعد الأخوة إن ماما مش هتعرف حاجة
مروان من غير ما توعدني يا كريم أنا متأكد من كده
كريم طيب قولي في إيه واللي چرحك كده
مروان طيب هقولك
في شقة نجمة 
في السفرة 
جمال بحص الاكل على السفرة و بصوت مرتفع يلا نجمة علشان تاكلي
نجمة خرجت من الغرفة حاضر يا بابا أنا جيت اهو
والدها طيب يلا تعالي اقعدي
نجمة طيب
وقعد والدها على الكرسي
نظرت نجمة للأكل إيه ده كله يا بابا 
والدها قولي ما شاء الله
نجمة أنا ما حستش يا بابا وقعدت قصده
والدها أنا عارف بس برضه قولي ما شاء الله
نجمة حاضر يا سيدي بابا ما شاء الله إنما قولي عملت الأكل ده كله إمتى
والدها رجعت من المدرسة وعملته يلا كولي بقى
نجمة حاضر بسم الله الرحمن الرحيم وبدأت تأكل
والدها بسم الله وبدأ يأكل وقال صحيح إنت خلصتي الرواية
نجمة لا يا بابا لسه أنا كتبت فيها شوية لما أخلص أكل هاروح أخلصها
والدها طيب كويس خلصيها واديه لي أقرها ماشي
نجمة ماشي يا بابا بس بشرط
والدها شرط إيه
نجمة إنك تقولي رأيك بصراحة
والدها طبعا هقولك بكل صراحة إنت بنتي وأكيد مش هغشك هقوله بمنتهى الصراحة والمصداقية
نجمة إذا كان كده يبقى ماشي أول ما أخلصها هدهالك تقراها
والدها طيب يلا بقى كولي
نجمة حاضر وبدأت تأكل
في فيلا الشناوي 
مروان هو ده كل اللي حصل يا كريم
كريم شال إيده من على كتف مروان بدهشة معقول يا مروان اللي إنت قلته ده
مروان معقول إنت مش مصدقني ولا إيه
كريم لا طبعا مصدقك يا مروان بس مصډوم من اللي حصل ده
مروان وأنا كمان مصډوم بس الحمد لله جات سليمة
كريم أيوه الحمد لله إنك بخير وحط إيده على كتفه وقال إنما قولي مين البنت اللي دفعت عنها دي
مروان بنبرة زفر معرفش هي مين
كريم معقول يعني هي ملقتكش على اسمها
مروان بضيق لا ملقتش. وبعدين هتقولي ليه أنا مالي ومالها
كريم مالك ومالها إزاي مش أنت دفعت عنها وحاميتها من الحرامية دول
مروان أنا مدفعتش عن حد. أنا كنت بدافع عن نفسي والرجل صاحب المحل وبس وقفل على الموضوع ده بقى.
كريم باستغراب مالك يا مروان اتنرفزت كده ليه هو أنت تعرف البنت دي قبل كده
مروان وهعرف منين يعني وراح قعد على الكرسي.
وبينظر له كريم بتركيز.
مروان بضيق إنت بتبصلي كده ليه
كريم مش عارف حاسس كده إنك تعرف البنت دي قبل كده.
مروان كريم بقولك إيه ما تروح تنام بقى.
كريم أنام إيه وراح له وقعد جنبه على الكرسي. قولي بس أنت تعرفها قبل كده متخبيش علي يا أنا أخوك.
مروان تصدق أنا غلطان علشان قلتلك.
كريم ليه بس
مروان علشان أنا عارفك هتفضل تكلم في الموضوع وتضايقني.
كريم لا أنا مش هضايقك متقلقش.
مروان أما إنت مش هضيقني أمال إيه اللي بتعمله ده
كريم هو أنا كده بضيقك
مروان لا سمح الله.
كريم طيب بقى بس إنت مقولتليش برده أنت تعرف البنت دي قبل كده
مروان تاني يا كريم