رواية عرض جواز من الفصل السادس إلى الفصل العاشر بقلم أسماء صلاح حصريه وجديده

عم شفيق.
عم شفيق إزاي صاحبك عامل إيه كويس
جمال أيوه كويس الحمد لله مش عاوز حاجة أجيبه لك معايا
عم شفيق لا شكرا يا جمال ربنا يخليك.
جمال طيب عن إذنك.
عم شفيق اتفضل.
ومشي جمال.
في فيلا الشناوي 
خرجت عايشة الشغالة من غرفتها ونظرت حوليها باين لسه مفيش حد صاحي. وراحت على المطبخ لقيت صينية أكل على الترابيزة فاستغربت وقالت إيه الصينية دي مين اللي سيبها كده يمكن وجدان هانم أكلت تاني بس سبتها ليه مفرغتش الأكل الباقي ليه يمكن نسيت ولا حاجة. على العموم مش مشكلة هسخنها وآكلها بدل ما يترمي. وأخذت الأطباق علشان تسخنهم.
في غرفة مروان 
صحى مروان من النوم وقام وراح البلكونة وفتحها بياخد نفس ورح فتح الدولاب وأخذ هدوم وراح على الحمام.
في غرفة وجدان 
صحيت وجدان من النوم وقامت وخرجت من الغرفة ونزلت 
يا عايشة عايشة.
وجاءت عايشة وقالت صباح الخير يا هانم.
وجدان صباح الخير حضري الفطار.
عايشة حاضر يا هانم.
طلعت وجدان على غرفتها و لنفسها أما أروح أطمن على مروان أشوفه صحي ولا لسه. وراحت على غرفة مروان وخبطت على الباب ودخلت ما لقتش حد فاستغربت وقالت هو مروان راح فين لقيت البلكونة مفتوحة يمكن يكون في البلكونة. فاراحت البلكونة ما لقيتش حد. ده كمان مش في البلكونة معقول يكون خرج بس خرج إزاي وهو تعبان كده
خرج مروان من الحمام وبيتنشف شعره لقى والدته في البلكونة و باستغراب ماما
فاراح دخل البلكونة ماما.
التفتت له والدته إنت هنا
مروان أمال أكون فين يا ماما
والدته أصل افتكرتك خرجت.
مروان لا يا ماما أنا هنا وما خرجتش. وخرج من البلكونة وبيتنشف شعره.
وخرجت والدته وراه أمال كنت فين
مروان كنت في الحمام يا ماما.
والدته طيب و ازاي الچرح اللي في إيدك دلوقتي
مروان الحمد لله يا ماما أحسن.
والدته طيب الحمد لله. أنت أكلت إمبارح الأكل كله
مروان لا يا ماما أكلت على قد ما أقدر والله.
والدته طيب مش مشكلة المهم إنك أكلت.
مروان طيب. وراح عند المرايا وبدأ يمشط شعره.
والدته إنت رايح فين يا مروان خارج
مروان أيوه يا ماما خارج.
والدته خارج إزاي وأنت لسه تعبان كده
خلص مروان تمشيط شعره أنا بقيت كويس يا ماما قدامك وبعدين عندي شغل في الشركة ولازم أروح.
والدته ما يتحرق الشغل أنا الأهم عندي صحتك وإنت تعبان وما ينفعش تخرج اقعد ارتاح النهاردة في البيت وعلى الأقل ابقي انزل بكرة إن شاء الله تروح الشركة.
وراح لها مروان مش هينفع يا ماما والله عندي شغل مهم وما ينفعش يتأجل لبكرة ولازم أروح.
والدته بس يا مروان.
وقطع مروان كلامها مابيسش يا ماما لو كان ينفع كنت قعدت والله بس ما ينفعش الشغل هيبوظ وإنتي ما يرضكيش إن الشغل اللي تعب فيه بابا الله يرحمه السنين اللي فاتت دي كلها يبوظ.
والدته لا طبعا مايرضنيش بس برده مايرضنيش إنك تعبت وصحتك تتأثر.
مروان مټخافيش يا ماما أنا كويس والله وبعدين أنا يبقى جانبي أحسن أم في الدنيا وصحتي هترجع.
والدته بابتسامة إيوه كول بعقلي حلاوة بالكلام ده.
مروان بابتسامة هو أنا أقدر برده يا ست الكل أقول بعقلي حلاوة وبسها على خدها صباح الخير يا ست الكل.
والدته صباح الخير. طيب يلا علشان تفطر أنا خليت عايشة تحضر الفطار.
مروان طيب يا ماما اتفضلي إنتي وأنا هجي وراكي على طول.
والدته طيب وخرجت من الغرفة وراحت على غرفتها.
عايشة خرجت من المطبخ ونظرت حواليها ملقتش حد هي وجدان هانم راحت وفين تلقيها في غرفتها وطلعتها لقيت وجدان هانم.
وقفت وجدان لقيت عايشة إيوه يا عايشة في إيه
عايشة الفطار جاهز يا هانم.
وجدان طيب روحي إنتي وأنا جايه وراكي.
عايشة حاضر يا هانم. ومشت.
ومشت وجدان على غرفتها.
مروان خرج من غرفته ونزل على السفرة ملقاش حد. قعد هي ماما فين يا عايشة
عايشة جات صباح الخير.
مروان صباح الخير هي ماما
عايشة فوق يا فندم.
مروان طيب اطلعى قول لها إن الفطار جاهز.
عايشة أنا قلت لها يا فندم وهي قالت إنها جايه.
مروان طيب روحي إنتي.
عايشة حاضر. ومشت.
مروان استني لما ماما تيجي علشان أفطر معاها.
خرجت وجدان من الغرفة ونزلت على السفرة لقيت مروان قاعد ما تفطرش ليه يا مروان.
مروان مستنيكي يا ماما علشان نفطر مع بعض.
والدته طيب يلا أفطر وقعدت جنبه.
مروان طيب. وبياكل.
والدته مسكت براد الشاي أفرغ لك شاي يا مروان
مروان أه يا ماما لو سمحتي.
والدته طيب وفرغت الشاي في الفنجان طبعا نص معلقة سكر.
مروان إيوه يا ماما ما أنتي عارفه ما بحبش الحاجات اللي فيها سكريات كتير.
والدته إيوه عارف عابد الله يرحمه كان كده برده وإنت طلعت كده.
مروان الله يرحمه.
والدته اتفضل يا حبيبي وحطت الفنجان جانب مروان.
مروان شكرا يا ماما.
والدته العفو يا حبيبي.
مروان أمال فين كريم
والدته وهي بتاكل هيكون فين يعني نايم طبعا.
مروان ساب الشوكة والسکينة من إيده باستغراب نايم
والدته إيوه مالك استغربت كده ليه
مروان بضيق علشان النهاردة أول يوم لي في الشغل يا ماما. هيروح الشغل إمتى ده بعد ما الموظفين يروحوا.
والدته إنت رايح فين
مروان رايح أصحيه.
والدته بس هو مش هيصحى دلوقتي لو عملت إيه ده نايم متأخر وإنت عارف إنه لما بينام متأخر مش بيصحى إلا متأخر.
مروان ما هو لازم يصحى يا ماما علشان ده شغل مش هزر بما إنه وافق يبقى لازم يكون قده.
والدته استر يا رب ده شكله مضايق أوي أما أروح وراه أهديه
وراح مروان على غرفة كريم وخبط على الباب و دخل لقي الغرفة ضلمة هو مضلم الغرفة كده ليه وطلع تليفونه ينور لقي كريم نايم راح سرج الأبجورة. وطفى التليفون .
دخلت والدته الغرفة لقيت كريم نايم ومروان واقف جنبه. راحت لمروان سيبه وأنا هصحيه يا مروان روح أنت كمل فطارك.
مروان لا يا ماما اتفضلي إنتي انزلي كملي فطارك وسيبني معاه.
والدته بقلق بس.
مروان مټخافيش يا ماما ده أخويا برده.
والدته طيب بس براحه عليه يا مروان.
مروان مټخافيش يا ماما أنا هتكلم معاه مش هنتخانق يعني.
والدته ربنا ما يجيب خناق.
مروان يارب. يلا بقى روحي كملي فطار وأنا شوية وهجيلك وراكي.
والدته طيب ونظرت لكريم وهو نايم ومشت.
خرجت والدته من الغرفة والټفت مروان لكريم وقعد جنبه كريم! اصحي! وهزه في كتفه كريم! اصحي يا بني.
فاق كريم وفتح عنيه في إيه مروان بتصحيني ليه الټفت الناحية التانية وغمض عنيه.
مروان بضيق بصحيك ليه هو إنت مافيش وراك حاجة النهاردة ولا إيه
ونام كريم تاني.
مروان لقاه نام تاني ما تصحى يا بني واتكلم زي ما أنا بكلمك.
مروان كريم! وهزه. طيب. أخد المخدة من وراها وضربه بها على وشه جامد.
فاق كريم بۏجع آه! يا مروان! إيه اللي بتعمله ده على الصبح!
بيضربه مروان بضيق أمال عاوزني أعمل لك إيه ما إنت مش راضي تصحه .
كريم قعد وعاوزني أصحى ليه دلوقتي
مروان عاوزك تصحى ليه هو إنت مش فاكر وراك إيه
كريم لا مش فاكر وبعدين أساسا مفيش حاجة ورايا النهاردة علشان تصحيني.
مروان لا بجد مفيش وراك حاجة يعني مش النهاردة أول يوم شغل ليك في الشركة ولا حاجة
كريم آه صحيح يا أنا كنت ناسي.
مروان ناسي لا برافو عليك! وبقولك إيه كمان كمل نومك أحسن.
كريم بجد إنت أحسن أخ في الدنيا! كمل جميلك بقى واطفي النور والباب كمان اقفله وانت خارج وهينام.
مروان هو إيه اللي إنت بتعمله ده
كريم بعمل إيه يعني يا مروان هنام.
مروان بعصبية هتنام إيه وزفت إيه هو أنا جاي أصحيك علشان تنام إنت بتهزر يا كريم والله!
كريم في إيه يا مروان مالك على الصبح
مروان مالي إيه حضرتك نايم لغاية دلوقتي ولما أجي أصحيك تقول لي هنام تاني! ده اسمه كلام ما إنت مش قد الشغل! وافقت ليه من الأول إنك تشتغل في الشركة الموضوع مش لعب! إحنا بنلعبه مع بعض! ده شغل يا أستاذ!
كريم إيوه أنا عارف إن الشغل مش لعب.
مروان طيب إنت عارف إنه مش لعبة! نايم لغاية دلوقتي ليه ما رحتش الشغل ولا ناوي تروح لما الموظفين يروحوا
كريم إيه يا مروان مالك سخن علي قوي كده ليه على الصبح وبعدين إنت عارف إني نايم متأخر. ما حصلش حاجة يعني لو نمت كمان ساعة ولا ساعتين.
مروان لا! هيحصل! ده شغل! وما فيش هزار! ممكن الساعتين اللي إنت عايز تنامهم دول يحصل فيهم حاجة في الشغل وتخرب.
كريم يا سلام! علشان هنام ساعتين الدنيا هتخرب! إيه مروان ما تقول كلام يدخل العقل!
مروان لا! أنا بقول كلام يدخل العقل! وفي الشغل أي حاجة لازم تتوقعها فاهم وشوف بقى 10 دقائق بالكتير غير هدومك وروح على المطبعة. سامع
كريم باستغراب 10 دقائق
مروان إيوه! 10 دقائق! واتفضل بقى قوم غير هدومك.
كريم في إيه يا مروان إنت بتعاملني كده ليه على الصبح أنا أخوك مش موظف عندك! وبعدين إحنا أصحاب الشركة! مالك مستعجلني ليه علشان أروح الشغل! أنا مش فاهم! هو حد هيكلمنا إحنا أصحاب الشركة يا مروان مش موظفين! ما حدش هيحاسبنا إذا كنا جينا متأخرين أو بدري!
مروان لا! حد هيحاسبنا يا أستاذ!
كريم ومين ده بقي ان شاء الله اللي هيحاسبنا
مروان المسؤولية اللي احنا شايلينها يا أستاذ هي اللي هتحاسبني ومجهود بابا الله يرحمه اللي عمله طول السنين دي كلها علشان الشركة دي تفضل هو اللي هيحاسبني. وأنا مش ممكن اسمح أبدا إن الشركة تخرب ويضيع مجهود بابا طول السنين دي. سامع واتفضل بقى قومي البسي وروحي المطبعة.
كريم حاضر يا مروان هقوم بس هروح على المطبعة أعمل إيه هو أنا مش هشتغل في الشركة
مروان لا مش هتشتغل في الشركة ولما هتروح المطبعة هتعرف هتعمل إيه يلا اتفضل.
كريم حاضر.
وقام وحط إيده على كتفه مروان ما تزعلش يا مروان مني ماشي
شال مروان بضيق إيد كريم وسابها ومشى.
بينما كريم كان بينظر له وهو ماشي مروان استنى!
خرج مروان من الغرفة ونزل وكريم خرج وراءه مسرعا.
كريم بينادي مروان!
نزل مروان على السلم بضيق وكريم وراه بيقول استنى يا ابني أنا بنادي عليك على فكرة! بشاور له وهو نازل.
سمعته والدته وهي على السفرة والټفت وراها لقيت مروان ماشي وكريم نازل على السلم.
هو في إيه وقامت بسرعة وراحت لمروان.
في إيه يا مروان
نظر لها مروان ووقف ما فيش حاجة يا ماما أنا رايح الشركة.
والدته رايح الشركة طب مش هتفطر الأول
مروان لا يا ماما أنا فطرت الحمد لله وكمان أنا اتأخرت. سلام وماشي.
جاء كريم وحط إيده على كتفه مروان من وراها ووقفه.
والدته استغربت.
كريم أنا بنادي عليك على فكرة من ساعتها انت مش سامعني
والدته هو في إيه يا كريم هو انت زعلت أخوك ولا إيه
كريم لا يا ماما