رواية أحببت منقذي البارت الاول والثاني والثالث والرابع والخامس بقلم الكاتبه يارا إبراهيم حصريه وجديده
البارت الاول
علي البحر كانت قاعده بنت منقبة بتشاهد غروب الشمس كالعادة وهيا بتبص لسماء كانت بتفكر في الحاډثة اللي غيرت حياتها 180درجه من تلت شهور عملت حاډثة والغريب انها نسيت أخر سنة من حياتها كأنها مش عاشتها قبل كدا قاطع تفكرها صوت بيقول
الصوت مدام جوري يلا علشان نروح
جوري بضيق أستاذ مهاب شايف دبله في ايدي
مهاب بإستغراب لأ
جوري طيب شايفني ماشيه بطني قدامي مترين
مهاب لأ بردو
جوري امال ايه مدام اللي ماسك فيها دي
مهاب ببرود العتب علي الذاكرة
جوري مش عايزه اروح دلوقتي
مهاب الباشا رن وقال نرجع
جوري بضيق في نفسها يارب هلاقيها من بابا ولا من الزفت اللي واقفي ولا الحيطان اللي واقفه ساده الهواء عليا
جوري حاضر يلا
استووووب
جوري المحمدي
بنت منقبة عندها 23سنة في أخر سنه في كليه الهندسة جوري بنت جميله جدا بشرتها حنطيه مياله للبياض عندها غمازه في خدها الشمال وعيونها بني غامق
مهاب بص للحراس اللي واقفين ورا جوري وعاملين دايره حوليها وقال
مهاب لفوا علشان الهانم تعدل نقابها
جوري في سرها بيتحكم فيا كأنه جوزي يارب الصبر علشان مش اتهبل
مهاب آنسة جوري كفاية برطمة ويلا
جوري بصتله بضيق وركبت العربية
وقفت عربية جوري قدام قصر كبير باللون الابيض وشكله يجنن نزلت جوري من العربيه ودخلت القصر ونزل الحراس وراها فضلت تمشي شويه لحد ما وصلت قدام الباب الداخلي للقصر وبعدين لفت وقالت
جوري حضراتكم هتخشوا معايا
رد واحد من العشر حراس من غير ما يرفع راسه وقال
الحارس لأ يا هانم احنا بنفذ التعليمات
ردت جوري بهدوء لانه معاه حق هو مش في ايده حاجه
جوري تمام أسفه إني اتكلمت معاكم بالطريقة دي بس خلاص انا دخلت القصر مش لازم تفضلوا ورايا
الحارس حاضر يا هانم
مهاب هو انا مش قايل محدش يتكلم معها
الحارس اسفين بس هيا اللي كلمتنا ومكنش ينفع مش نرد
مهاب بتتكلمي معاهم ليه
جوري افندم !
مهاب ايه مش سامعه
جوري سبته ومشيت وهيا مش طيقاه
مهاب الدمنهوري
شاب عنده 27سنه وسيم عنده عضلات عيونه زرقه في صفاء البحر
باقي صفاته هتعرفوها من خلال الروايه
جوري كانت هتدخل القصر لقت عامله جريت عليها وهي بيقلعوها الكوتشي فقالت جوري وهي بتبعد
جوري في ايه يا إيمان
إيمان هقلعك الكوتشي يا هانم
جوري لا يا إيمان انا مش اتشليت انا هقلع الكوتشي بتاعي
إيمان بس يا هانم
جوري خلاص بقي روحي انت
مشيت جوري لقت مامتها بتضحك فقالت جوري
جوري السلام عليكم ورحمة الله وبركاته
الام وعليكم السلام ورحمة الله وبركاته يا حبيبتي
جوري مالك يا سوسو بتضحكي علي ايه
سعاد عليكي
جوري معاكي حق حالي يضحك
سعاد مالك يا حبيبتي مش طايقه حد ليه
جوري هسألك سؤال وجاوبي بصراحه
سعاد قولي يا اخرت صبري
جوري هو احنا بنشتغل في الماڤيا
سعاد اڼهارت من الضحك وقال وهيا بتكح من كتر الضحك
سعاد لأ بس ليه بتقولي كده
جوري اصل اللي بابا بيعمله مش طبيعي
سعاد ليه عمل ايه
جوري قولي ماعملش ايه يا ماما ده مخلي عشر حراس ماشين دايما ورايا انا بقيت بخاف ابص جنبي او ورايا
سعاد ههههه معلش بېخاف عليكي
جوري يا أمي عشره اوف اوي وبعدين هقولك وانا جايه وقفت اكلمهم انا كنت برفع راسي علشان اشوف كتافهم بس
سعاد ههههه ھموت مش قادره
جوري لا وكله كوم ومهاب ده كوم تاني انا اوقات بحسه جوزي مش حارسي الشخصي
سعاد ههههه ده طيب
جوري هو انا بقولك شرير وبعدين عرفتي منين انه طيب شوفته ده طول الوقت لابس الكاب الكمامه ونظاره الشمس
سعاد هو طيب انا متأكدة
جوري بتنهيده علي العموم كلمي بابا في الموضوع لانه مش بيسمع كلامي حتي عيالك الاتنين
