الحلقه الثانيه انت حبيبي بقلم عبير سليم حصريه وجديده
الحلقه الثانيه انت حبيبي بقلم عبير سليم حصريه وجديده
تمر الأيام بسرعه و ييجي امتحان آخر السنه
يدخل اللجنه صباح الخير يا نسمه
نسمه زميلته صباح النور يا يوسف عامل ايه
يوسف منمتش طول الليل و الله سوزان كانت تعبانه و فضلت سهران معاها لحد ما بقت كويسه
نسمه ربنا يكملها على خير يارب و تقوملنا هي و النونه بالف سلامه
يوسف يارب يا نسمه متعرفيش انا بحلم باليوم اللي اشيل فيه بنتي على أيدي ازاي
نسمه ياااه يا يوسف فكرتني بعلاء لما كنت حامل في تسنيم كان بيقول زيك كده و لما ولدتها مكنش بيرضى يقوم من جمبها كان بياكل و هو شايلها و ينام و هي فحضنه ده مرة اشتغل درس و هي على كتفه
و اول ما جه مازن قاللي امك في العشه و اللا طارت خدي عيالك و روحوا ناموا في اي حته حرام عليكم عندي شغل الصبح عاوز انام
يوسف هههههههه عسل وربنا يا نسمه
نسمه مانا شايفاك واخداك الجلاله قلت افوقك عالحقيقه اللي حتعيشها بعد كده المهم بقى انت معندكش لجنه و اللا إيه
يوسف لاء احتياطي
رنا و ريم شفتي ورقتهم
نسمه أيوة بصيت عليهم حلين كويس اطمن و لو عاوز تبص عليهم انت كمان بس بسرعه الله يخليك أحسن أم أربعه و أربعين تمر و تطين عيشتنا
يوسف قصدك المديره هههههه اطمني الوضع تحت السيطرة
يدخل اللجنه و يسلم على زميله اللي كان قاعد على كرسي في آخر اللجنه
صباح الخير يا بنات
البنات صباح النور يا مستر
يوسف الامتحان كويس
البنات تمام يا مستر
يروح عند رنا و يقلب بسرعه في ورقتها و يطمن انها مجاوبه كويس و بعد كده يروح لريم اللي كانت آخر واحده في اللجنه و قاعده جمب الحيطه و يمسك ورقتها و يطمن عليها و يبصلها و يضحكلها و يشكر زمايله و يخرج من غير ما يقوللهم حرف هو بس كان عاوز يطمن انهم مجاوبين كويس مش اكتر
ينتهي الامتحان و كل البنات يجروا على يوسف عشان يطمنوا منه و يراجعوا معاه الامتحان راجع يوسف معاهم كلهم و كل واحده عرفت عملت ايه
شطوره يا ريم برافو عليكي يا حبيبتي انا لما لقيت الامتحان صعب قلقت عليكم يا تحف و عليكي انتي بالذات يا تاعباني
رنا عشان كده جيتلنا اللجنه بس انت مقلتلناش حاجه يا ابيه بصيت و مشيت
يوسف انتي عاوزاني اغششك يا رنا انتي تعرفي عني كده بردو من غشنا فليس منا انا كنت عاوز اطمن بس عليكم مش اكتر و الحمد لله اطمنت يبقى خلاص
ريم شكرا يا مستر يوسف ربنا ميحرمنيش منك
يوسف حبيبتي يا ريما ربنا يفرحني بنجاحكم يا بنات يارب المهم عاوزكم بقى تركزوا في المواد اللي فاضله عاوزين نخلص بقى عشان مش حتلحقوا حسيبكم اسبوعين تستريحوا و ندخل بقى عالكبير اوي
رنا حاضر يا ابيه
يوسف طب ياللا روحوا افطروا اللجنه فاضل عليها خمس دقايق الحقوا كلوا اي حاجه عشان تعرفوا تركزوا في الماده الجايه
رنا تاخد ريم و يمشوا
و يدخل يوسف حجرة المدرسين و يسالوه عن صحة سوزان و يقوللهم انه جابلها اسبوع مرضي عشان ترتاح ايام الامتحانات
يحس ان واحد زميله عاوز يقولله حاجه مالك يا كمال في حاجه
كمال لا مفيش
يوسف مفيش ازاي انا حاسس ان في كلام على وشك عاوز تقوله ماتنطق يا بني حصل حاجه
كمال طب تعالى برة مش عاوز حد يسمعنا
يوسف يا للا بينا
كمال و هو بيشرب السېجاره يوسف قللي هو ايه مدى العلاقه بينك
