الحلقه الثانيه انت حبيبي بقلم عبير سليم حصريه وجديده

يشكروها على اللي بتعمله مع بنتهم و حبها لبنتهم اللي باين عليها جدا و كانت طول ما هي قاعده في البيت تحكي لمامتها عنها و عن حركاتها و تصورها و توريها الصور بتاعتها و فيديوهات ليها و مامتها كانت مبسوطه انها شايفه ان بنتها بتحب بنت يوسف بالشكل ده لكن في نفس الوقت خاېفه يكون حب بنتها للبنت سببه انها لا بنت الراجل اللي بتحبه فحبها ليها راجع لحبها لابوها
انتهت اجازة سوزان و يوسف كتبلها اجازة لمدة سنتين بدون مرتب عشان تراعي البنت كويس و وعد بدأت تلاغي و تعمل حركات جميله خلت الكل يحبها جدا
و فيوم الدنيا كانت بتمطر جامد و يوسف في السنتر و بيتصل على سوزان عشان يشوفها لو محتاجبن حاجه ياخدها معاه و هو مروح عشان مش حيقدر يطلع و يىجع بنزل تاني في الجو ده اتصل بيها كتير لكن للاسف مفيش اي رد منها بدأ يقول لنفسه يمكن تكون نامت جنب وعد يمكن تكون بتاخد دش يمكن تكون يمكن تكون و في الآخر قرر ياخد عربيته و يرجع البيت و بعد كده يبقى ينزل تاني و امره لله 
وصل العماره و ركب الاسانسير و اول ما وصل الدور عندهم سمع صوت وعد و هي بټعيط جامد فتح باب الشقه و دخل و بينادي على سوزان لكن هيا مش بترد عليه دخل بسرعه اوضة النوم لقى وعد بټعيط جامد و مش قادره تاخد نفسها من كتر العياط
شالها يوسف بسرعه و فضل يبوس فيها و يهدهدها عشان تسكت و بينادي على سوزان هيا ماما راحت فين يا قلب بابا 
تعالي نروح نشوفها سوزان يا سوزي انتي فين لا ما هو مش معقوله تكون خرجت و سابتك لوحدك يا قمري
يفتح باب الحمام فيتفاجئ بيها و هي مرميه بالبشكير عالأرض 
يوسف اټرعب اول ما شافها كده و بقى عمال يحاول يفوقها من غير اي فايده البنت على ايده بټعيط و مراته مرمية عالأرض و هو مش عارف يتصرف 
حط البنت عالأرض و البنت رجعت تص.. رخ جامد و ټعيط بشكل يقطع القلب و هو قلبه بدا يترعب على مراته مش عارف مالها فيها ايه 
شالها و دخل بيها أوضة النوم و نيمها عالسرير و جاب برفان و بيحاول يفوقها سوزان فوقي يا حبيبتي مالك يا سوزان انتي اغمى عليكي سوزان ردي علية الله يخليكي متقلقنيش عليكي سوزان بنتك بټعيط قومي يا سوزان بقى 
محاولات كتير منه لكن للأسف مفيش فايده نهائي
سمع خبط عالباب جرى و فتحه بسرعه لقى واحده جارته قدامه في ايه يا يوسف
يوسف الحقيني يا طنط الله يخليكي وعد بټعيط و سوزان مغمى عليها و انا مش عارف في ايه 
تدخل الست معاه انا و الله سامعه صوت عياط البنت من بدري لكن لما لقيت الصوت زاد اوي قلقت و قلت لتكونوا محتاجين حاجه
تشيل البنت و تحاول تهديها و يوسف بيتصل الدكتور عشان ييجي يشوف سوزان مالها 
لبسها هدوم و غطاها كويس و قلبه بتنقص و مش عارف مالها و بيدعي ربنا يارب يارب جيب العواقب سليمه يارب
ييجي الدكتور و يدخل و يكشف عليها كشف دقيق جدا و يوسف بيفرك في ايده و مستني رده خير يا دكتور مالها مراتي 
الدكتور يمسح عرقه ومش عارف يقولله ايه و لا ازاي يبلغه بالخبر ده