رواية حطمت أسوار قلبي البارت الثالث عشر والرابع عشر بقلم الكاتبه بسمله حسن حصريه وجديده

رواية حطمت أسوار قلبي البارت الثالث عشر والرابع عشر بقلم الكاتبه بسمله حسن حصريه وجديده
بعد مرور عشر دقائق خرج ادم وقاسم 
ليقول قاسم ل حنين معلش ياحنين خلي ادم معاكي عقبال ما اخلص الاجتماع 
حنين ماشي يامستر قاسم مفيش مشكله
ونظرت لادم وقالت بابتسامه تعالي ياحبيبي اقعد 
قاسم روح يلا ياادم وانا مش هطول ياحبيبي ماشي 
ادم ماشي 
جلس ادم بالقرب من حنين 
لتقول حنين بلطف ازيك ياادم 
ادم الحمدلله 
حنين انت عندك كام سنه ياادم
ادم عندي 10 سنين 
حنين امم وانت تقرب ايه بقا لمستر قاسم 
ادم يبقي بابا 
لتنظر له حنين پصدمه وقالت ف نفسها ايه مستر قاسم متجوز 
واكملت لادم احم طيب ومامتك بقي مجتش معاكم ليه انهاردا 
ادم ماما عند ربنا 
لتترقرق الدموع ف عين حنين وقامت باحتضان ادم وقالت له ياروحي انا اسفه انا مكنتش اعرف والله 
خرج ادم من احضانه وقال ببرود لا عادي 
نظرت له حنين وقالت بدموع تعرف ياادم انا كمان مامتي مېته ومش مامتي بس ماما وبابا كمان ماتوا وانا صغيره خاالص
قال لها ادم بساؤل استغربته حنين ومامتك كانت بتحبك 
حنين بلطف وهو في ام مش بتحب ولادها بردو ياحبيبي 
ادم اه فيه 
حنين وقد اخذته ف حضنها مره اخري لا معتقدتش كده كل ام بتحب ولادها دول اكتر من اي حاجه في الدنيا هي ممكن مثلا تتعصب علينا او تزعقلنا بس كل ده خوف علينا وعمر ما كان الزعيق او العصبيه قله حب ياحبيبي 
ادم وقد استقر ف حضانها ما ممكن بردو يكون ابنها ده وحش خالص عشان كده پتكره 
حنين بحنان ورفق وهي ف اطفال وحشه بردو ده كل الاطفال ملايكه ياحبيبي زيك انت كده عارف ياادم انا كان نفسي اووي اجيب طفل صغير كده واكبره ويكون جميل اووي زيك كده بس ربنا ماردش 
وقالت بابتسامه جميله وقد اخرجته من احضانه ده يابختها ال تكون مامتك ياحبيبي انت جميل جداا جدا 
ادم بابتسامه بسيطه شكرا 
حنين طب ايه ممكن تقبل اننا نكون اصحاب 
وبعدها مدت يدها
نظر لها ادم قليلا ثم مد يده ليدها اصحاب 
حنين ليا الشرف ان ليا صاحب جميل اوي زي كده 
تعرف انا معنديش صحاب خالص خالص وانت اول واحد اصحابه 
واكملت بمشاكسه عشان تعرف بس انا حبيبتك ازاي 
ادم انا كمان معنديش اصحاب 
حنين معندكش اصحاب خالص خالص 
هز راسه ادم نافيا وقد اعجبه الحديث مع حنين بشده واندمج معاها
حنين اممم يعني حتي مفيش حد عايز يتصاحب عليك ويجي يكلمك مثلا او حد بيبصلك كتير كده 
هز راسه نافيا ولكن تراجع وقال ااه فيه واحد اسمه فارس تقريبا كل شويه يجي يقعد جمبي ويحاول يتكلم معايا بس انا بسيبه وبمشي
حنان برفق وحنيه وليه تعمل كده ياحبيبي كده بقا هيقولوا عليك متكبر ووحش وربنا مش بيحب الناس المتكبره والتكبر ده اصلا صفه من صفات الشيطان وبعدين ياحبيبي حد يلاقي حد يتصاحب عليه وهو ميرضاش تعرف انا طول الدراسه كنت بتمني ان حد يجي يتكلم معايا ويصاحبني بس محصلش ده وبعدين تخيل كده يكون ليك صاحب تذاكروا مع بعض وتلعبوا مع بعض ولما تبكروا شويه تخرجوا مع بعض وتكونوا سند لبعض
ابتسم ادم فجاه 
لتقول حنين بشهقه ومشاكسه انت بتضخك عليا ياادم لا انا زعلت منك انهت كلامها ونظرت للارض بحزن مصطنع 
ليقول ادم بسرعه لا متزعليش قصدي يعني انا بس ضحكت عشان بابا لسه قايلي نفس الكلام ده اول امبارح ف ضحكت عشان كده 
حنين بابتسامه طيب خلاص سماح بس ها بقا توعديني ان لما فارس يجي يقعد جمبك ويكلمك تكلمه وتكونوا صحاب