نوفيلا منطقة الحب محظورة الفصل العاشر النهـاية بقلم ساره عاصم حصريه وجديده

نفسك فرصة كمان .. إنت مش شايفة أنك كده بتنهي كل حاجة بسهولة .. غلطت .. أيوة وبعترف بغلطي بس مش كل عقاپ يبقى نهاية كل حاجة .. 
أكمل بابتسامة ساحرة يراقب قسمات وجهها التي لانت بعض الشيء
يمكن إحنا منعرفش بعض سنين بس الشهور دي كافية إنها تخليني أحبك ..أنا شفت بنات كتير بس إنت غيرهم إنت مختلفة في كل حاجة في طريقتك .. ضحكتك ..اللون الأزرق محدش جميل فيه غيرك !! .. وده لوني المفضل فتخيلي إنت بالنسبالي إيه 
كادت أن تبكي من فرط عاطفته الجياشة نحوها .. يهتف بانفعال ثم قهر إلي أن همس بالأخر بما دغدغ مشاعرها للتو !
استعادت رباط جأشها ورغم اشتعال وجنتيها بالحمرة إثر كلامه الصريح إلا أنها أردفت بازدراء وقد سبقته للسيارة
هديك فرصة تانية .. والأخيرة يا فهد باشا
استدار ناحية السيارة هاتفا بمرح متوعدا بقضاء يوم معها
ده إنت اللي باشا والله 
هتفردي وشك إمتى يا مدام مريم 
هتف حانقا يجلس بجانبها على الأريكة بمنزلهم وهى مديرة وجهها للناحية الأخرى .. غاضبة !
أكمل من بين أسنانه وهو على وشك أن يفلت منه زمام الأمور فالمدللة تخاصمه بسبب طريقته أخر مرة !
طب بصيلي عشان نتكلم بالراحة .. أنا غلطان وإنت غلطتي صح 
التفتت إليه مضيقه عينيها وأردفت بضيق جلي متخصره
غلطت في إيه بقى إن شاء الله ... مش أنا شرشوحة إيه اللي مخليك متمسك بيا بقى .. روح لواحدة من مستواك ومتخافش على اسمك معاها
أمسك يديها جاذبا إياها لتجلس بجانبه ثم طبع قبله علي ظهر يدها بحنان وأردف بابتسامة هادئة .. فمن أقبلت على مشارف الثلاثين مازالت طفلة تحتاج لمن يحايلها حتى تصفى !!
بصي يا روما إنت غلطتي لما وقفتي قدامها في يوم المفروض إنه بتاعك ومش بس كده صوتكو كان جايب أخر الشارع وإحنا واقفين .. 
كادت أن تتحدث لتقاطعه لكنه أكمل بحزم
وفوق كل ده مسمعتيش كلامي لما قولتلك اسكت .. والله لو حد تاني كان زمانه ضړبك بالقلم علي خدودك دي عشان تحرمي 
بتلقائية وضعت يديها على وجنتيها الممتلئتين ونظرت إليه پخوف طفولي جعله يحدجها بملامح مبتسمة
بس أنا مكنتش هعمل كده متقلقيش .. بس عايزك تسمعي الكلام أنا كنت هاخدلك حقك متقلقيش طول منا عايش مفيش حاجة وحشة هتحصلك 
احتضنته بلهفة مغمضة عينيها
ربنا ميحرمنيش منك أبدا 
صمتت لوهله تفكر في حديثه بجدية لتدرك أنه على حق لكن لا ضير من التدلل عليه .. تعرف أنه سيستقبلها بصدر رحب
خلاص متزعلش أنا مكنش ينفع فعلا أعمل الڤضيحة دي ... بس أنا زعلانة منك إنك زعقلتي اليوم ده!!
متزعليش مكنش قصدي أنا كنت متعصب ..
أحنت شفتيها كالأطفال وأردفت مرة أخرى بعدما انتزعت قربها منه وابتعدت