رواية عم الدنيا 3 نغم ولعنه 8 الفصل الاول حتى الفصل السابع بقلم الكاتب محمد منصور حصريه وجديده

يقعد راجل كبير في السن اسمه رضا وقصاد منه يقعد جرجس والراوي. 
والراوي حكي له كل اللي حصل مع بنته واول لما خلص قال رضا
بنتك ممسوسة من حارس مقپرة
الراوي 
اني مقپرة م احنا اشتغلنا اربع شهور وما طلعناش جرام ذهب
رضا
مش في بيت حلوان
جرجس
اومال فين
رضا بص للراوي وقال
لما اشوف بنته واحط ايدي علي القرين بتاعها هعرف الكلام علي اية
في نفس الوقت كان احمد عم الدنيا ماسك المقبض بتاع شنطة السفر بتاعته وواقف مع مراته عائشة وبيقول لها
وهو انا يعني اللي عايز اسافر بس هي ظروف الشغل بتحكم
عائشة
ظروف اية بس دة انت في ايدك انك تفضل هنا وتعالج بالروحانيات اي حد محتاج مساعدتك
احمد
وانا من امتي كنت بساعد حد وباخد منه فلوس
عائشة
وفيها اية لما تساعد اللي محتاج مساعدتك وتاخد منه فلوس
احمد
ربنا وهبني وخلاني اقدر اساعد الناس اللي شياطين الجن بيأذوهم وانا في المقابل استغل الهبة دي واخد فلوس. دة وقتها استاهل اللي يحصل فيا
عائشة
احمد تفكيرك غريب ما الدكتور اللي بيعالج المړضي بياخد فلوس والمدرس اللي الاطفال بيستفادو من علمه بياخد فلوس لية انت تقول لا. واحنا محتاجين فلوس
احمد
علشان الدكتور والمدرس علشان يوصلو للي هما في اهاليهم صرفو عليهم كتير لكن انا وصلت للي انا في بهبة من ربنا وجني كبر جوة جسمي بقي اخ ليا وقوته بتجري في عروقي. عرفتي لية بقي اني انا مش من حقي اخد اي جنية من اي حد ربنا كتب لي اني اساعده وبالنسبة للفلوس انا هسافر وهعمل فلوس اكتر من اللي باخدها هنا. علشان نعيش انا وانتي وابننا احسن من الاول
وباسها احمد في راسها وقال
اشوف وشك بخير
عائشة عيطت وقالت
سنة بحالها مش هشوفك 
يا احمد
احمد
سنة هتعدي بسرعة. لا اله الا الله
عائشة
محمد رسول الله
واترمت اوي في حضڼ احمد
ونرجع تاني ل نغم اللي كان قاعد قصاد منها رضا وبيقراء عليها تعويذة تخص جلب القرين والسيطرة عليه ودة كان سبب استغراب فؤاد اللي قال ل الراوي
عمي هو مين دة وبيعمل اية مع نغم
الراوي بص لفؤاد وقال
دة الشيخ رضا اللي في ايدة الشفاء ل مراتك
فؤاد
انت لسة بتصدق الكلام دة
الراوي
يا ابني انا عارف انا بقول لك اية وانت هتشوف بنف
مكملش الراوي الجملة اول لما شاف رضا بيمسك بيمسك بدبوس معدن كان في تحجيبة نغم وبدا يذبح نفسه ودة اثار الړعب في كل الموجودين والاستغراب ازاي دبوس يذبح راجل والدم نزل علي الارض وانكتب علي ارضية المستشفي
لعڼة 8. و العلاج عند عم الدنيا. احمد فايز ابو الواد اللي كان في بطن نغم
الكلام صدم كل اللي كانو واقفين 
ح
مكملش الراوي الجملة اول لما شاف رضا بيمسك بيمسك بدبوس معدن كان في تحجيبة نغم وبدا يذبح نفسه ودة اثار الړعب في كل الموجودين والاستغراب ازاي دبوس يذبح راجل والدم نزل علي الارض وانكتب علي ارضية المستشفي
لعڼة 8. و العلاج عند عم الدنيا. احمد فايز ابو الواد اللي كان في بطن نغم
الكلام صدم كل اللي كانو واقفين
عم الدنيا 3 
نغم ولعنه 8
من تاليفي 
محمد منصور 
منص
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
فؤاد خرج من الاوضة وماكنش مصدق اللي مكتوب علي الارض دة وخرج وراء منه الراوي وكان فؤاد بيقول
مستحيل احمد صاحبي يعمل كدة. دة شيخ وحافظ كتاب ربنا
الراوي هنا قال
انت تعرف احمد. دة منين
فؤاد
دة عشرة العمر كنا زي الاخوات في المنطقة اللي كان فيها بيتنا القديم ومكناش بنسيب بعض.
الراوي
واحمد دة شاف بنتي نغم في فرحك عليها مش كدة
فؤاد
احمد ما بيحضرش افراح دة جالي البيت وبارك لي وما شفش نغم. يبقي ازاي بقيت حامل منه
الراوي
الجن كذاب ودة كلام جن كافر وانا عارف بنتي كويس
فؤاد
جن اية يا عمي
الراوي
مراتك ممسوسة والشيخ رضا كان هنا النهاردة علشان علاجها لكن الجن بعت لنا رساله واضحة وصريحة وهو ان علاج نغم عند احمد فايز وانت لازم تجيب احمد دة لغاية هنا وبسرعة
فؤاد
ادفن ابني وبعد كدة ابقي اشوف هوصل ل احمد ازاي
الراوي
خلاص روح خلص اجراءت خروج ابنك من الثلاجة خلينا ڼدفنه
فؤاد
يعني انت شايف ان في حد دلوقتي في المستشفي هيخلصنا ورقة بعد اللي عمله الشيخ رضا في نفسه
في نفس الوقت يلاقي فؤاد والراوي ممرض قصاد منهم باصص لهم وبيقول
خد مراتك وچثة ابنك وامشو من هنا حالا
فؤاد كان يعرف الممرض اللي اسمه سالم فقال له
لية يا سالم في اية
سالم
البوليس جاي علشان اللي عمله الراجل المچنون دة في نفسه
فؤاد
ومراتي ذنبها اية
سالم
ما هو كان عندها قبل ما يذبح نفسه والبوليس مش هيسكت الا لما يعرف من مراتك هو لية الراجل دة عمل كدة في نفسه
الراوي
اسمع يا ابني انا هديك اللي انت عايزه بس تخرجنا من هنا من غير وش
سالم
من غير ما تقول دة فؤاد اخويا 
في نفس الوقت ومن قدام المطار ووقت ما احمد كان بيستعد للنزول من التاكسي حصلت حاجة غريبة جدا اصله جه يفتح الباب لقي الباب عبارة عن مية ذهب استغرب ورفع ايدة عن الباب رجع الباب زي الاول مد ايدة تاني علشان يفتح الباب وينزل الباب اتحول تاني 
ل مية ذهب و انكتب علي ايد احمد رقم 8. وتحت الرقم نغم ما بقاش فاهم في اية ومين نغم اصلا وهنا سواق التاكسي قال له
هو في اية يا استاذ هتنزل ولا. ناوي ترجع معايا
احمد بص للسواق وقال
لا هنزل باذن الله.
وهنا بص في مرايا التاكسي وشاف صافر الجن اللي كبر وعاش جوة منه.
تقدرو تعرفو حكاية احمد مع صافر في الجزء الاول من الحكاية اللي بعنوان عم الدنيا
وقال احمد ل صافر
انت اللي بتعمل فيا كدة علشان ما سافرش
صافر
وانا هعمل لية كدة
سواق التاكسي استغرب وبص ل احمد اللي شايفة بيكلم نفسه وقال
هو انت بتكلم نفسك يا استاذ
احمد
لا يا رئيس
وحاول احمد انه يفتح باب التاكسي تاني لكن نفس اللي حصل اول مرة حصل تاني يمسك مقبض الباب يتحول ل مية ذهب وقال
صافر اية اللي بيحصل
صافر
دي رساله جاي لك من الجن
احمد
من مين
صافر
نارمالك
احمد
ودة عايز مني اية
صافر
الرسالة ما فيهاش الا رقم 8 ونغم
احمد
طيب انا عايز انزل من التاكسي
هنا السواق بص قدام منه ودور العربية وقال بصوت غير صوته
ما بقاش ينفع
وبص السواق في مرايا العربية الداخلية بصة بعيون حمراء واتحرك التاكسي وبمنتهي السرعة واحمد حاول انه يوقف التاكسي لكنه ما قدرش وبدا يقراء
أعوذ بكلمات الله التامات من شړ ما خلق
أعوذ بك من الشيطان الرجيم وهمزه ونفخه ونفثه
أعوذ بالله السميع العليم من الشيطان الرجيم
لكن السواق بص له وابتسم وبانت سنانه السوداء وقال بصوت من جهنم
مش هتقدر عليه لان جواك اللي خلاك اضعف من المړضي
احمد
انت مين
السواق بدا وشه يتحرق والڼار تخرج منه عيون وقال
انا نارمالك. موجود هنا لمساعدتك والبداية عند نغم الغلبانه اللي صافر خلاها تحمل منه في عيل ابن حرام
احمد بص في المرايا وشاف صافر متسلسل وحوالين رقبته ابن نغم وماكنش قادر يتكلم لان السلاسل ملفوفه حوالين بوقه وقال احمد
مين اللي عامل في