رواية سجينة المنتقم الفصل الثامن بقلم الكاتبه فيروز أحمد حصريه وجديده
رواية سجينة المنتقم الفصل الثامن بقلم الكاتبه فيروز أحمد حصريه وجديده
في منزل عم نجمة .. كانت سمية زوجته جالسه بيدها بعض النقود تعدهم بينما تسأله ببرود
_ الي اسمه أيهم ده مبعتش باقي المهر بتاع نجمة
_ لا لسه
_ طب كلمه قوله يبعته .. و لا هو خد البت يتبسط بيها و نسانا و لا اي
_ خلاص هبقي اكلمه
قالها صلاح بينما اتت احدي الخادمات تخبره بهدوء
_ في واحده بره بتقول انها صاحبه نجمة هانم و عايزه تقابلها
نظرت لها سمية بتعجب بينما تتساءل بسخريه
_ و هي نجمة دي حد يعرفها خليها تدخل اما نشوف شكلها اي دي و عايزه اي
ذهبت الخادمة و سمحت لنور صديقه نجمة بالدخول .. دخلت نور پغضب و هي تدب الارض بقدميها.. استقبلتها سمية هاتفه بسخريه
_ مين القمر
_ انا نور صاحبة نجمة .. كانت اخر مره معايا في النادي قبل ما يتكتب كتابها و كانت قايلالي انها هتتجوز و بعد كده مش عارفه اوصلها خاالص .. لا معاها تلفون و لا اعرف عنوان بيت جوزها
ابتسمت سمية ساخره و هي تهتف لها
_و انتي عايزاها تديكي عنوانها علشان كل شوية تقعدي تنطي عليها و تقرفيها هي و جوزها و لا ايه .. دول لسه عرسان جداد ... عقبالك
زفرت نور بحنق و هي تخبرها
_ لا مش هنطلها كل شويه و لا حاجه .. بس عايزه اعرفلها عنوان بس اطمن عليها
_ و انا مش هديكي عنوانها انتي عايزه تخربي ليها الجوازة و لا اي .. و يلا بره بقي من غير مطرود
نظرت نور لسمية پغضب و حنق قبل ان تلتفت بغيظ و تغادر المنزل .. طلبت سيارة اجري و قررت الذهاب لمقر عمل زوج نجمة .. فهي صديقتها المقربه او الوحيده تقريبا و قد اخبرتها نجمة انها ستتزوج دون ارادتها من رجل اعمال مشهور و اخبرتها ان اسمه أيهم البكري .. و ظلت هي اليومين السابقين تبحث عنه و عن شركته لتطمئن علي صديقتها فهي تشعر بالقلق اتجاهها
دخلت الي شركه أيهم فاوقفها الامن الخاص بشركته نظرت لهم پغضب قبل ان تهتف
_ انا عاايزه اقابل صاحب الشركه دي
ابتسم فرد الامن بسخريه و هو يقول لها
_ انتي فكراها سهله تقابلي أيهم باشا كده من غير مواعيد و لا حجز قبلها و لا ايه
_ طب خلوني اعدي و اخد معاد علشان اقابله
قالتها بجدية فسمحا لها بالدخول دخلت الي الاستقبال تخرج هويتها الشخصيه للموظف في الاستقبال هاتفه
_ انا نور المالكي .. عاوزه اقابل أيهم باشا
_ثانية يا فندم من فضلك .. في معاد سابق
_ لا بس قوليلو نور المالكي محتاجاه ضروري
شكت الموظف في امر
