رواية بين أحضانه زهرة سيف الدين بقلم إدمان سيما حصريه وجديده

مع اهلو وهذي فرحت بيها خاطر مام انا حبيت نعيش وحدي ونستقل كرا دار قبل العرس شهريتو نص للكرا ونص للماكلة كيما كان الحال تزوجناوعشنا اجمل ايام حياتنا بلقليلة وحتى كان دار الدين بصح معليش كنت نحلم نكمل قرايتي ونعاونو حتى هو ماكانش ضد الخدمة في عامي اللخر تاع تخرج يعني سنة الثالثة هزيت بلحمل فرحنا بيه بزاف خاصة انا استبشرت بيه خير قلت الذرية دخل خير للدار كانو عايلتو نفس الولاية بصح بعاد شوية كنا نروحو عندهم كي مايخدمش متفاهمة معاهم والحمدلله مشاو شهور دخل الصيف وتخرجت الحمدلله واجمل فرحة كي عرفت عندي توأم بنات كنت نروح لدارنا وماما تتهلا فيا ربي يحفظها كان متعبني الحمل بزاف كي لحقت لشهر الثامن جاتو خدمة في ولاية بعيدة ولازم يبدل لانو الخلصة مليحة وزيد لكرا ماشي غالي بزاف تقبلت لفكرة كنت حابة تتحسن معيشتنا حتى وخفت نبعد على اهلي بصح وعدني يولي يجيبني كل مانتوحشهم وهذاك لي كان روحت وقلبي عند دارنا والدمعة في عيني وكرشي لي واصلة لفمي دارنا حزنو صح عليا بصح واش يديرو بابا قالي هذا مستقبل راجلك وين يكون تكوني معاه وماما غضتها كي مراحش نولد عندها كيما كنا متفاهمين بصح لمكتوب الله غالب نحن نشاء والله يفعل ما يشاء روحلنا كانت رحلة طويلة نظريت منها بزاف كنت انا معاه فطوموبيلتو وكاميو هاز قشنا بلجهد باه وصلنا نضت فرزت قشي غير بلعقل حتى بانت الدار شوية ماكانتش مصبوغة مليح وحتى ماشي نقية بسك كانو ساكنين ناس قبلنا وماتهلاوش فيها بصح معليش هذي هي دار الناس هو بدا الخدمة وانا نوجد للولادة تاعي حتى جا نهار لي حسيت لما يسيل عليا بصح السطر ماكاش مافهمتش ماكنتش نعرف ممبعد بدا سطر شغل تاع ليغاڨل عيطت لماما سقسيتها قاټلي خفي روحي هذي هي الزيادة عيطتلو جا يجري داني للسبيطار نهار كامل وانا نتعذب حتى لليل قالك تاع عملية دخلوني سيزاريان والحمدلله سلكت وجبت زوج بنوتات بصحة وعافية غدوة من ذاك جاو خاوتي وبابا وماما زدت ليلة خرجت مسبيطار هوما راحو وقعدت هي معايا تهلات فيا كي شافتني ريحت رجعها راجلي خاطر عندي ختي صغيرة عليا تقرا فسيام ماتتكلش عليها عندي 3خاوتي 2ذكورة كبار عليا وواحد تحتي وتجي هادي اختي هي صغيرة فدار ... فاتو شهور بداو يكبرو بناتي وبديت نتعلم لمسؤولية تاع تربية شريت بوسات تاع توام نخرجهم معايا ونقضي يضيق خاطري فدار حتى لحقو عام وزيادة ولاو يمشو حبيت نخدم بصح هو رفض الفكرة بعد نقاش كبير قتلو ياك تفاهمنا فلول نخدم هو قالي راني نخدم عليكم تكفي وزيد ربي بناتك وشدي دارك ماعندك وين تخليهم مانضمنش فناس جاتني