رواية بين أحضانه زهرة سيف الدين بقلم إدمان سيما حصريه وجديده

قنطة صراحة حتى وكانت قدامي كراش ويشدوهملي بصح مارضاش وليت نكره فدار قررت ندخل للرياضة حتى جسمي حسيتو بدا يفسد وهاد الشي ماتقبلتوش وليت نحطهم عند جارتي نروح ندير مانطولش وكل مرة نرمي عليها شوية مصروف هي ماتشرططتش شحال ....فاتو الاعوام ودخلو بناتي يقراو والسبور ماسمحتش فيه لقيت صحتي وراحتي وحتى لاطاي تسڨمت ولالي ادمان حتى ولعيشة قليلة بصح نحيها من كلش كي يعطيني نقضي نحي ملمصروف ونخلص كل شهر كي بناتي ولاو يقراو وليت مانروحش بزاف لدارنا ودارهم غير فلعطل ومرات مانروحش كي يكون خدام ومضغوط هنا تبدا معاناتي معاه تبدل معايا بزاف ميحكيش معايا كيما من قبل ولا يغيس بزاف كي نحكي معاه مايركزش واش نهدر حتى نعاود الهدرة درت معاه كلش كامل لحلول قلت بلاك لمشكل فيا لبست سڨمت زعفت شنفت طنشتو درتهم ڨاع كيفكيف نفس الشخص واجب وخلاص ولينا غرباء هو غير خدمتو وكي يجي غير تيليفون نحب نهدر معاه على مستقبل كاشما نجرو على السكنة كيما الناس هو والو يسكتني غير ندو واش كتبلنا ربي سبحانو وليت نتكرز منو حتى انا نقص حبي من جيهتو كامل نعرفو لمرا تجبد كامل واش عندها بصح نهار تعيا خلاص ماكاش لي يردها هكا صرالي انا خليت اهلي وولايتي بعت ذهبي حاربت معاه في كلش عمري لاقتلو اشريلي ولا حوس بيا ولا ديرلي فلخر وليت انا نحس روحي مانساعدوش واحساسي كان في محلو كنت نحوس على دليل مالقيتش کرهت لمعيشة هادي وتقلقت منها كل يوم نفس الروتين ندي لبنات نولي للدار نخدم الشغل نطيب نروح نرجعهم نفطرهم ولعشية نفس الشي نروح ندير السبور ونقريهم فدار وليل يجي هو يتعشا ويرقد كامل الايام كيفكيف... لحقت عمري 30 سنة بناتي عمرهم 9 سنوات يقراو سنة الرابعة دخلو سنة اولى فسن 6 سنين ماقبلوهمش 5سنين هذا العام كان صدمة ليا كنا فبداية الدخول المدرسي وحد الليلة جا ملخدمة وممبعد عيطولو خرج ونسا تيليفونو لي جامي يفارقو وسمعت برا كي ركب فطوموبيل وراح تسما نخلط فيه براحتي دخلت وكنت من قبل جبت لكود عن طريق بنتي قاټلو نلعب الجو مانعرف كيفاه قبل ونحالها لكود هي حفظاتو ووراتهولي تسما شحال وانا نخطط باش ندخل ليه وصرا لي كنت متوقعاتو دخلت ديراكت للمسنجر ونقرا في لميساج جمدت في بلاصتي ولات يدي ترجف ووذني تصفر منيش مأمنة واش راني نشوف كلام بينو وبينها فوطوات كلام عسلي هذا كامل مع مرا وباين عندو شحال وهو معاها وعلى حساب واش راني نقرا برومالها بزواج ايه بزواج وانا قاعدة على وذني يا حصراه هذاك الكلام لي كتبولها تاع الغزل مانصدقش هو يهدر هكا حبيبي وقلبي وعيني مايكتبش اسمها ولي
قهرتني لجملة لخرة كتبهالها ليلة من قبل تصبحي بخير مرتي وام ولادي وهي جاوباتو بونوي حبيبي ماعرفت واش ندير وليت نطلع ونهبط نقرا سطر ونسوطي سطر ويدي ترجف عاودت خرجت تاكدت اذا الفايس تاعو مام شفت هذا كامل مي قلت بلاك مش هو بلاك صاحبو حال عندو الفيس حبيت نعطيه فرصة مي خاب ضني وتكسرو احلامي وتكسر قلبي حطمني ... بقيت ساكتة واش راه صاري ياربي واش خلاه يخوني ويديرلي هكا وانا مع الصدمة حتى دخل عليا مخلوع كي شاف تلفونو في يدي مركزة ووجهي مقلوب فاقلي قريت كلش وعرفت واش كنت حابة نعرف شفت معاه پانكسار وقتلو وليت علاجال تيليفونك خاطر ماتسمحش فيه مايفارقكش دقيقة فيه اهم حاجة عندك لي هي حبيبتك وهو ساكت ويسمع مدهوش قتلو شحال من عام ونتا مستغبيني وتلعب ورا ظهري جا ينطق درتلو بصبعي صاي صاي مكلاه تهدر اسكت اسكت ماتهدرش راح تبررلي الخدع تاعك ولا راح تحكيلي كيفاه حبيتها وقررت تبدلني بيها علاه واش درتلك انا ياك اعطيتك كلش بدون مقابل ونتا واش درتلي رحت خڼتني اااه أمين هذا هو المقابل لي تردو ليماة بناتك
يتبع