رواية عم الدنيا 3 نغم ولعنه 8 الحلقه العاشره من تاليفي محمد منصور حصريه وجديده

رواية عم الدنيا 3 نغم ولعنه 8 الحلقه العاشره من تاليفي محمد منصور حصريه وجديده 
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
من جوة مكتب مفتش المباحث يقف احمد وسالم ومصطفي كانو قاعدين قصاد منه وسالم بيقول
ما تلخص يا شيخ وقولنا فين مراتك
احمد
يا باشا انا قولت اللي عندي وانت مش عايز تصدقني
سالم بص ل مصطفي وقال
شكل الشيخ هيتعبنا. وانا دماغي مصدعة ومش قادر اتكلم اتعامل انت بقي معه
مصطفي قام وقف وبص 
ل احمد وقال
عجبك كدة صدعته
احمد
ربنا يشفي ويبعد عنه المړض
مصطفي حط ايدة علي كتف احمد وقال
ما هو علشان يشفي لازم تقول كلام يدخل الدماغ مش نسالك عن مراتك تقول الجن خطڤها ونزل بيها لتحت الارض. 
احمد
هو دة اللي حصل وهقولها تاني مراتي ما قتلتش التهامي دة الجن اللي عليها هو السبب في دة
اتفزع احمد لما سمع صوت خبط علي سطح مكتب سالم وكان سالم هو سبب الخبط دة لانه اتعصب وقال
ما كفاية هري في كلام فاضي بقي واقول كلمة واحدة تدخل الدماغ ونقدر نصدقها
احمد
عارف اني اللي بقوله كلام صعب يتصدق لكن هي دي الحقيقية. ولو عايز حضرتك تتاكد تقدر تعمل تحرياتك وتعرف ان مراتي ملهاش اي صلة بالتهامي يبقي هتقتله لية
سالم بص لمصطفي وقال
ابعت العسكري ياخدو علي الحجز يمكن لما يدخل الحجز يغير كلامه
وخرج احمد من مكتب سالم والعسكري كان بيسحبة للحجز وبص ل فؤاد اللي كان واقف برة مع الراوي وقال احمد
مراتي برئية من ډم ابوك دة الجن وراء اللي حصل
فؤاد كان باصص له بصة كلها شړ وقال
كلامك مش هيغير اللي انا ناوي اعمله.
احمد
ما تخليش الشيطان يضحك عليك و زي ما رحمت مراتك اللي قټلت ابنك ارحم مراتي
فؤاد ما ردتش وفضل باصص ل احمد اللي العسكري كان بيسحبة للحجز وقال الراوي
شايف في عيونك غدر مش وقته مش عايزك تحسبها غلط وتعقد الدنيا احنا محتاجين احمد علشان الحفر
وبعد ما نخلص اللي احنا بنعمله انا بنفسي هربطة وارمي تحت رجلك هو ومراته تعمل فيهم اللي انت عايزه
هنا العسكري ندهه علي فؤاد بص له فؤاد فقال له العسكري
سالم باشا عايزك
لسة هيدخل فؤاد لمكتب سالم قال له الراوي
اوعي تقول اللي يخليها تتعقد احنا عايزين نخلص واحمد هو الوحيد اللي يقدر يخلصها
بص له فؤاد وماردتش ودخل مكتب سالم ووقف قصاد منه وقال سالم
هو سؤال يا فؤاد علشان ما طولش عليك كفاية الظرف اللي انت في.
فؤاد
قول اللي عندك ياباشا
سالم
عائشة مرات احمد تعرف ابوك
فؤاد
لا يا باشا
سالم
ولما هي ما تعرفهوش قټلته لية
فؤاد
ما عرفش
سالم
فؤاد لو تعرف حاجة ياريت تقولي علشان اقدر اجيب حق ابوك من اللي عمل في كدة
فؤاد
اللي انا اعرفه قولته وما عنديش كلام تاني يتقال
ويجي الليل وفؤاد كان واقف قصاد الراوي وجرجس وكان بيقول لهم
هنكمل حفر يعني هنكمل حفر
جرجس
ازاي من غير احمد لازم روحاني معانا علشان احنا رايحين برجلينا ل عشائر من الجن عايشة تحت الارض
فؤاد
نشوف روحاني غيرة
الراوي
ما ينفعش وانا قايل لك كدة ولازم تصدق انها من غير احمد هتبوظ
فؤاد
انا ما اعرفش