رواية عم الدنيا 3 نغم ولعنه 8 الحلقه العاشره من تاليفي محمد منصور حصريه وجديده

الكلام دة واللي اعرفه ان احمد دة بقي بيني وبينه
الراوي
يا ابني قولت لك نخلص وهجيب لك حقك
فؤاد
انا اقدر اجيب حقي لوحدي
وبص فؤاد بحدة للراوي وجرجس وقال
ولو رجالتكم ما جوش النهاردة علشان يكملو حفر انا هردم الحفرة ودة اخر كلام عندي
وسابهم فؤاد ومشي
ونروح لمكتب سالم اللي كان قاعد قصاد منه مصطفي وكان بيقول
عملنا تحرياتنا و الكل بيشكر في عائشة واحمد و هي فعلا ما كانتش تعرف التهامي وطالما ما تعرفهوش يبقي هتقتله لية
سالم
يعني اية يا مصطفي ممكن يكون كلام احمد دة صح وانها وقتها كان لابسها جن
مصطفي
والله ما عارف بس الجن مذكور في القران وبسمع عنه حواديت كتير دة انا حتي كنت في مرة سهران وسمعت احمد يونس في الراديو وكان بيحكي عن
سالم قاطعه وقال
مصطفي انا عايز دليل اما ادانة ونعرف منه ليه عائشة عملت كدة دليل براءة علشان نقدمة للنيابة
وهنا سالم مسك اللاب توب تاني فقال مصطفي
بتعمل اية
سالم
هشغل الفيديو تاني اللي في عائشة عند بيت التهامي يمكن نشوف اي تفصيلة نستفيد منها في القضية دي
وفعلا بدا سالم يتفرج علي الفيديو بتركيز شديد ولاحظ شئ غريب في الفيديو وهو ان عائشة عديت بجسمها من البوابة الحديد بتاعت بيت التهامي وكانها شبح فرجع سالم الفيديو تاني علشان يتاكد من اللي شافته عيونه وفعلا اللي شافه اول مرة هو اللي شافة تاني وتالت ورابع مرة وبص ل مصطفي باستغراب شديد وقال
حضر العربية لاني لازم اروح بيت التهامي دلوقتي اشوف اية حكاية البوابة دي
مصطفي
هنروح دلوقتي. من الصبح احسن
سالم بمنتهي الصرامة
دلوقتي يا مصطفي 
في نفس الوقت كانت رجاله الراوي جم ودخلو بيت التهامي وبداو حفر ونغم كانت واقفة في شباك شقتها زي المجنونه وبتلف ايدها بشكل دائري وبتعمل نفس صوت سرينه البوليس وبتخبط دماغها في الشباك الازاز وفضلت علي الحال دة لغاية ما جت العربية اللي فيها سالم ومعه مصطفي واول ما نزلو من العربية بصت للقفل اللي حوالين البوابة الحديدة بصة خلت القفل يسيح وكانه اترمي في ڼار جهنم وشاورت بايدها ناحية البوابة وقت ما كان سالم بيفحص البوابة الحديد وبيقول لمصطفي
البوابة سليمة ما فيهاش اي عيب يسمح بان جسم عائشة يعدي من غير ما تفتح البوابة
مصطفي
شئ غريب فعلا دة احنا كاننا في عال
وسكت لما البوابة اتفتحت وسمعوا صوت في ودانهم بيقول
بيحفرو جوة. امنعوههم
بصو الاثنين ل بعض وسمعوا صوت الرجاله الشغالين فطلع سالم ومصطفي اسلحتهم وراحو ناحية باب شقة فؤاد بشويش في نفس الوقت كانت نغم لسة بتخبط دماغها في الشباك الازاز 
عملت اللي عليه ونزلت الحلقة اعملو اللي عليكم وعرفوني رايكم فيها سلام