رواية رضوخ للعشق الفصل الرابع بعد العشرين بقلم الكاتبه قسمة الشبيني حصريه وجديده

وبين صراعات تانية ممكن نخسر والخسارة هنا مش هتقتصر علينا للاسف ولادنا ممكن يروحوا في الرجلين
_ انا مقدر مخاوفك يا جمال بس ماتقلقش إحنا صحيح هنأسس شركة جديدة بس ده على الورق مش اكتر أما الواقع فالشركة موجودة وليها اعمال بس متعسرة واحنا هنشتريها وده يفرق كتير اوى.
بالفعل الفارق كبير فى هذا الوضع فوجود شركة قائمة لها اعمال معروفة يجعل منافسة الشركات لهم محدودة وأما عن أبيه فسوف يحتاط للأمر
_ بس نخلى كل حاجة بينا لحد ما جواز الولاد يتم الأول انا شايف دى اهم حاجة نكسبها
_ من الناحية دى اطمن هلال بيعمل كل ما فى وسعه علشان يقرب معاد الجواز هو كمان قلقان وخاېف على أمينة طول ما هى بعيد عنه مش هيرتاح
_ والله يا عرفة خوفه ده بيطمنى بحس أنه ضهر أمينة وسندها وانا مش عاوز لها اكتر من كده
_ يبقى هنمشى فى الأوراق ومش هنعلن حاجة غير بعد ما نطمن على الولاد واهى أمينة بعد ما تفوق من دوشة الفرح يبقى ليها شغل مضمون انا صراحة مش عاجبني شغلها عند حد .
ابتسم جمال فالمهمة التى عاد من أجلها وظنها فشلت نجحت نجاحا مبهرا فها هي ابنته تحصل على أسرة محبة قوية وفى أفرادها أكثر من أسرتها الأصلية لقد حصل لها اكثر مما تمنى لاينقصه سوى أن يأمن جانب أبيه وابن أخيه الأرعن ليشعر بالسلام الكامل .
.............................
بعد يومين جلست أمينة خلف مكتبها لإنهاء بعض الأعمال العالقة لكنها منذ جلست ترتسم فوق شفتيها ابتسامة هادئة وتمر أمام عينيها ذكريات ذلك اليوم الذى قضته بمنزل هلال كل النظرات الشغوفة التى يحيطها بها كل محاولاته للبقاء بالقرب منها أطول مدة ممكنة كلماته الناعمة التى تخدر حواسها والتى لا يتوقف عن الترنم بها لمساته وانفاسه ضحكاته ولحظات غضبه التى تتحول للمزيد من الضحكات.
لقد أصبحت لا تفكر فى سواه ولا يمر يوم دون مشاكسات ونوبات ڠضب وهمية منها.
جلست بالقرب منها صديقتها مها تعمل لدقائق وتشرد لدقائق أمينة لم تخبرها شيئا عنه بل لم تذكره كأنه لم يكن جزء من هذه الزيارة التى تخلفت عنها عمدا لتشعره بالرفض مجددا.
طرقة خفيفة تبعها صوت مألوف يلقى التحية لتتجه نحوه الأعين
_ مهيب! بتعمل ايه هنا
_ ازيك يا بنت عمى انا هنا في شغل
شعر أن عينيها متعلقة به لكنه تعمد تجاهلها وصب كل اهتمامه على أمينة التى سعدت بتلك الخطوة منه
_ شغل ازاى يعنى 
_اخدت شقة فى شارع الحلو وعاوز اعمل لها ديكورات اصلى هتجوز فيها
يقسم أنه يسمع صوت أنفاسها المنفعلة التى تحترق لتجاهله لها بينما بهتت أمينة پصدمة
_ تجوز هو انت قررت تجوز
_ ايوه قريب إن شاء الله تقابلى عروستى
ظهرت الحدة غير المبررة بصوت أمينة ليبدى عدم