خطايا تالا عباس خوخة خيرية الحاج_ رابي المقدمة والفصل الأول حصريه وجديده

خطايا تالا_عباس خوخة خيرية_الحاج_عرابي المقدمة والفصل الأول حصريه وجديده 
مين مننا مابيغلط 
مين مننا مو عامل شي ندمان عليه
كلنا ملائكة  
لا بس غلط عن غلط بيفرق... الغيرة والحقد والتعصب للرأي الغلط حصرا كلها صفات بټأذي الشخص اللي حاملها وبتمشي بطريق الأخطاء نفسو بتأمرو بشغلات بيتخيلها صح بس هي العكس تماما .............
القصة_واقعية مع تغيير الاسماء وزيادة بعض التفاصيل الصغيرة جدا من عندي بس الاحداث حقيقة وحدثت بالواقع
خطايا واقعية
تالا_عباس خيرية
الجزء_الآۆل
متل كل يوم واقفة بحديقة الكلية عم استنا تيم حب حياتي الأول والوحيد مع أني كتير بكره الانتظار بس انتظار تيم كان عندي من أروع الشغلات اللي بعملها بروتين اليومي وأنا واقفة ناطرة في حدا اجا من ورايي وحط ايدو على عيوني وغمضلي ياهن
جنى ههههه يعني خلص تعودت عليك وعلى عادتك 
تيم اممم وبلكي مو انا شو اللي بخليكي متأكدة هيك 
جنى مسكت ايديه وفتلت لعندو لأنو هالحركة انت بتفاجأني فيها عطول صرت حفظانتها بعدين ايديك مستحيل خربط فيهن 
تيم اي دخليها حبيبتي الفهيمة كيف كانو محاضراتها 
جنى ممتازين كتير كتير ومتحمسة للامتحانات 
تيم لحقانة عالهم والتعب 
جنى اصلا مابقي شي خليني اتخرج مشان نتزوج بسرعة 
تيم هيك لكن يازعرة مستعجلة لتتزوجيني 
جنى تييييييم 
تيم هههه خلص مابقا احكي مشي عازمك ع بوظة
جنى
أيام الجامعة كانو من أحلى أيام حياتي بوجود تيم قصة حبنا كانو يحكو فيها كل الطلاب وينضرب فينا المتل ..لا لا مو متل المسلسلات أحلى بكتير مابقارن حبنا فيهن أصلا كنت غار عليه غيرة جنونة مجرد ماشوف بنت عم تطلع عليه كنت مستعدة أقتلها
كنا بالكافيتريا كالعادة عم نشرب قهوة انا وتيم ف بيندهلو رفيقو شوي ليحكي معو 
تيم رح شوف شو بدو منو وبرجع مابطول عليكي 
جنى اوك ناطرتك 
لاحظت انو في بنت قاعدة عالطاولة مقابيل تيم وعم تعمل حركات بايخة وتتقصد تضحك وتتغمالو كان فيني عقل وطار شفت الكرسون ماشي باتجاه طاولتا ح يمر من جنبا او الطلب لالهن مابعرف بس بهي اللحظة خطرتلي فكرة رائعة استنيت اللحظة المناسبة اللي قرب فيها الكرسون لعند الطاولة وعملت حالي اتفركشت ووقعت كل كاسات العصير على البنت المايعة مابتتخيلو كيف صار شكلها متل الصوص اللي مغرقينو بالمي وبلشت تصرخ 
البنت لك شو انتو عميان مابتشوفو قدامكن شوفو شو عملتو بتيابي 
جنى مابدا هالقد كنت ماشية وتفركشت اعصابك بيبي 
الكرسون بعتذر منك ياانسة ماكان بقصدي 
البنت شو بفيد الاعتذار بعد اللي عملتو فيني 
كل هالحكي كان تيم عم يتفرج عليها من بعيد وهو حافظ حركاتها لما بتغار قرب منها وهمسلها 
تيم اذا خلصتي شو رأيك نمشي هلأ
جنى لا بعد في شي اخير 
قربت من البنت وهمستلا بادنها 
جنى لما بدك تتمايعي اختاري الشخص الصح لانو اختيارك للاشخاص الغلط بغرقك بالعصير 
ومشيت لعند تيم مسكت بايدو وطلعنا 
تيم وبعدين معك انتي بدك تضلي هيك تعملي مشاكل 
جنى اي