خطايا تالا عباس خوخة خيرية الحاج_ رابي المقدمة والفصل الأول حصريه وجديده

انها مريضة وتعبانة كتير وماحب يلغي الموعد بس انا متاكدة هي مجرد اعذار
خطايا _بقلمي تالا عباس_خوخة
مر كم يوم عالخطبة وتيم مااعترف انو امه مو رضيانة وضل على رأيه انو كانت مرضانة وهي مااتصلت او اعتذرت قلبي مو مطمن أبدا حاسة في شي بدو يصير
إحساس الإنسان دائما بكون صح لهيك وقت بحس أنو في شي سيء رح يصير بيتعرض لتعذيب نفسي أكبر من عڈاب المصېبة القادمة وهاد اللي كنت عايشتو
بعز نومتي اللي نحرمت منها ليالي بفيق ع رنة موبايلي اللي ماكان يسكت آخر شي انتزعت نومتي فقررت رد كانت رفيقتي من أيام الجامعة 
سندس لك ليش ماعم تردي الي من الصبح عم اتصل 
جنى بالله من الصبح ليش شو الساعة 
سندس صار العصر ياخانوم 
جنى عنجد ماتوقعت اني نمت كل هالوقت شوفي شو صاير 
سندس امسكي اعصابك بالاول وقومي غسلي وجهك وصحصحي شوي برجع بدقلك ومنحكي 
جنى لاتجنيني هلأ احكي شوفي 
سندس حماتك وبنت اختا 
جنى أي شبهن 
سندس وين ماقعدو عم يحكو عليكي وكل الناس صارت تحكي 
جنى شو عم تحكي 
سندس مو ضروري تعرفي المهم لازم تتفاهمي مع تيم انا حكيتلو وهو حاول يتصل فيكي بس انتي ماعم تردي لازم تلاقو حل 
جنى لاحول ولاقوة الا بالله برأيك أهلي بكون عرفو 
سندس حاولت امنع الناس توصلهن بس مابقدر اضمن ماحدا يحكيلهن 
جنى ماشي حشوف شو بصير معي
كنت عرفانة انو حماتي مو رضيانة ورح تعمل شي بس انو تخلي الناس تحكي ع خطيبة ابنها هالشي ماكنت قدرانة اتخيلو حكيت مع تيم وعاتبتو وبكيت كتير بكيت عن قهر كل الايام عن العڈاب اللي عشتو بسبب أمه اللي هو شي بسيط من اللي ناطرني 
حكا تيم مع أمه كتير وقدر يخليها تبطل حكي عني من حسن حظي أنو شخصيتو قوية وبحبني وبدافع عني وهاد اللي كان مصبرني كان عندي أمل أنو تتغير مع الأيام وتتقبلني وتصير تحبني وبلشت جهز لعرسي لليوم اللي حاربنا مشانو كتير
أقاوم في محاولة يائسة لأجعل المستحيل حقيقيا لأجسد حلمي واقعا لأكون حبا دائما شغوفا بعينيك متناسيا صڤعات القدر ومايحمله من عواصف أيعقل أن تجرفني العاصفة أم أنها ستكبدني بالخطايا وترحل
يتبع