خطايا واقعية تالا عباس خيرية الفصل الثاني حصريه وجديده

مع انو قلبي حاسسني انو في شي رح ومو مطمنة أبدا 
كان هالسيناريو دائما يتكرر قدامي وأنا كنت مچنونة غيرة لدرجة أوقات يضطر تيم يعطيني إبرة مهدأ لأهدى ووعدني بالآخر أنو مابقا ينزل لعند أمه وهي موجودة بس هالوضع ماكتير دام لأن في جمعات للعيلة دائما بنهاية الأسبوع وتكون هي موجودة وانا جن لما تكون هي وياه بمكان واحد وكلمة جنون قليلة عن اللي كنت حس فيه
دخلت مها بفستانها الأبيض وهي ماسكة بإيد تيم وكانو كتير مبسوطين كنت أنا واقفة بالزاوية وعم ابكي ماقدرت اعمل شي وكأني مقيدة متل الأفلام عاشو بسعادة وهنا وصار عندهن ولد والكل مبسوط فيه وأنا وحيدة عم اصړخ وابكي ومحدا يسمعني فقت من نومي وأنا عم اصړخ واشهق وفاق تيم ع صوتي 
تيم بسم الله عليكي شفتي كابوس 
جنى أي كابوس كتير بشع كتير 
تيم هدي حالك حاج تبكي هو مجرد كابوس اتعوذي من الشيطان 
جنى لا مو مجرد كابوس هاد انذار حاسسني قلبي أنو رح يتحقق شفتك أنت ومها اتزوجتو وصار عنكن ولد وأنا ..أنا كنا وحيدة وعم اصړخ ومحدا عم يسمعني حتى انت ماالتفت عليي ولا كأني موجودة 
تيم انتي اكيد جنيتي كم مرة بدي فهمك وقلك انو مستحيل طلع بحدا غيرك واني بمۏت عليكي واذا ما بتسكري هالموضوع وبتحطيلو حد حتعذبي حالك اكتر وتعذبيني معك 
بوقتا حسيت أني اذا بقيت هيك رح اخسر تيم عنجد لهيك قررت أني اتحكم باعصابي أكتر واضبط مشاعري بس كان في احساس جواتي كتير بشع ماقدرت اتخلص منو
مرت أول سنة ومرت التانية ونحنا ع نفس الوضع مناقرات مع حماتي وغيرتي ع جوزي بس مع هيك فيني قول كانو أحلى سنتين بحياتي كان جوزي يهون الدنيا ع قلبي كان حنون علي كتير كنت بمجرد ما شوف عيونو أنسى هم الدنيا وما فيها بس يا فرحة ما تمت..
بالسنة التالتة من زواجنا هون بلش كلشي هي السنة السودة بحياتي..
أم تيم شو كنتي مو مخبيتيلنا شي 
جنى لسا مو مبين نحنا مو مستعجلين عالولاد بعدنا صغار 
أم تيم صغار مين والناس نايمين عمركن منيح وهي صرلكن سنتين متزوجين ودخلتو بالتالتة بدي افرح باحفادي قبل ماموت 
تيم بعيد الشړ عنك لاتحكي هيك 
أم تيم والله ياابني الأعمار بيد الله مابتعرف ايمت الله بياخد أمانتو بكرة خدو موعد عند الدكتورة واطمنو اذا في مشاكل او لأ
تيم ان شاء الله
بالفعل تاني يوم أخدنا موعد ورحنا عالدكتورة وطول الوقت حاطة ايدي ع قلبي وخاېفة يكون فيني شي ومااقدر جيب ولاد ولما فحصتني الدكتورة كانت الصااااعقة ... أنا عندي مشاكل وصعب كتير جيب ولاد وهون بلشت معاناتي جوزي ماخلا دكتور مااخدني علي وحتى جربنا طفل الأنبوب بس حملي مايثبت ماكمل الشهر إلا أجهض انهرت كتير وتعبت أصعب