خطايا واقعية تالا عباس خيرية الفصل الثاني حصريه وجديده
عارض لأنو بيعرف إذا ضليت ببيت حماي وهنن عم يجهزو لحفلتن بموووت بس قلي..
تيم إصحك تفكري وتجني وتجي ب يوم كتب الكتاب..
رجعت ع بيت أهلي وخبرتن كلشي أمي اڼهارت علي بس مو طالع بايديهن يعملو شي مرقوو هاليومين متل السم علي وأجا يوم الموعود والصبح بيندق الباب وبتطلع قدامي صبية ومعا ظرف
الصبية تفضلي حبيبتي هي كرت العرس بعتقد مالك حابة تفوتي عليكي هيك يوم مميز
زتتلي الكرت بخلقتي وراحت عرفت بعدين أنو بتكون رفيقتا لعروستنا وهي بعتتا لتوصلي هالكملتين
كمية الحقارة والندالة بهيك موقف مابتنوصف
ما بعرف ليش كان عندي رغبة قوية اني روح وشوفهن يمكن كنت حابة عذب حالي أكتر أو يمكن كنت حابة أثبت للكل اني مو فرقانة معي واني ما ضعفت ابدا ومالي بحاجة حدا يشفق علي بعد ما أجاني أكتر من اتصال بنفس اليوم يستفسرو شو صار ويعملو حالهن مهتمين
بعد ما كسرني وتجوز علي والكل كان بيعرف أديش كنت بحبو أكتر من حالي حتى..
بهاليوم بالذات ماما ما تركتني أبدا كانت دايما فوق راسي يمكن كانت خاېفة اني أنتحر أو ساوي بحالي شي هههه
حاولت اقنعا انو تخليني رووح وقعدنا نتجادل ساعات وما كانت توافق
أم جنى أنتي مچنونة شي .. شو بدك ب هالروحة بدك تروحي تحضري عرس جوزك لټعذبي حالك أكتر كأنك عم ټنتقمي من حالك بدون سبب
وبعد جدال ساعات ما خلتني روح مرت علي هالليلة متل السم كنت بمجرد ما أتخيلن مع بعض هستررر عالساعة ١٢ تمام بتوصلني صور من رقم مجهول لعروستنا وجوزي طبعا ما بتتخيلو حالتي بهديك اللحظة مافي كلام ممكن يوصف شعوري بهديك اللحظة
مافي قلبي لاتحمله الجبال لاكلام يصفه ولا شيء يخمده ..
عالفجر قمت اتوضيت وصليت يمكن أكتر مره ببكي فيها بحياتي ومن قلب هي بهاليوم وانا عم صلي دعيت ربي يخفف عني ويطفي هالنار يلي بقلبي..
باليوم التاني سمعت أنو حماتي المصونة باعتن شهر عسل أسبوع ههه وطبعا جوزي بهديك الفترة كان شو ما تقول أمه يسمعلا بدون ما ينطق ولا حرف كانت تستعطفه بقصة مرضا ..
كان يدقلي ألف مره باليوم بس ما كنت رد عليه شو بدي قلو مبرووك يا عريس!
بأول يوم بالأسبوع التاني من الصبح بكير كان قدام بيت أهلي استقبلو أهلي.. صح كانو من جهة زعلانين ومنهارين علي بس من جهة تانية كمان كان يشوفو معو حق وانو لازمو ولد يحمل اسمو وأمه تشوف حفيدا ع ايديها ..
قويت حالي ونزلت لعندو واهلي تركونا لحالنا بتعرفو شعور أنك تكوني مشتاقة لشخص لدرجة عليه وبنفس الوقت كرهانتي كره الدني ومو طايقة تشوفيه شعور متناقض كتير وصعب أكتر ..
تيم مالي متزحزح من مكاني لحتى تقومي تجي معي
بعد نقاش طويل رجعت معه بس رجعت وأنا شخص تاني
تماما شخص مالي قلبه الحقد والكره ...
استقبلتني حماتي بوجه مبتسم كانت منورة كانت أول مرة بتستقبلني هيك هههه
بادلتا بابتسامة وطلعت ع غرفتي كنت مو طايقة شوف حدا... مرت الساعات واجتمعنا ع الغدا هون شفت ضرتي كانت مزهزة وعم تضوي هههه ما احتكينا كتير وما أخدنا وعطينا أبدا أكلت لقمتين وقمت ..
بهداك اليوم زوجي نام عندي بلش نظام ليلة عندي وليلة عندها ..
دكتور حماتي كل يومين يجي يفحصا ويردد ذات الكلام أنه جسما ضعيف ومابيتحمل الكيماوي وبقيت ع حالتها دائما يغمى عليها
_________ يتبع
