نوفيلا من فضلكِ فرصة أخيرة بقلم زهرة عصام الفصل الخامس حصريه وجديده

نوفيلا من_فضلك_فرصة_أخيرة بقلم_زهرة_عصام الفصل الخامس حصريه وجديده 
تاخد مراتك و أمك و مش فكاش قدامي يا حليتها تاني اطلعوا برة بيتي
بصلي و هو مش مصدق كلامي ضحك بسخرية و قال 
اتمسي و قولي يمسا و شوفي بتعملي اية بدل ما أقوم اهين أهلك دلوقتي
رجعت خطوتين لورا و جبت كرسي و قعدت قدامه و حطيت رجل على رجل و قولت ببرود 
بهدوء كدا يا حلو تنفذ كلامي بدل ما أخلي اللي ما يشتري يتفرج عليك
وقف قدامي و سحبني من ايدي بقوة بس المرة دي مسكتلوش سحبت ايدي منه بقوة و بكل ذرة قهر و حزن و زل عشتها معاه نزلت على وشة بكف إنما اية طرقع من كتر قوته
كان كايلا قاعدة بتتفرج على اللي بيحصل لكن لما لقتني مديت ايدي عليه وقفت و شهقت پخوف و حماتي برقت أوي و بصت ليا بغل 
قربت كرسيها المتحرك مني و حاولت تمد اديها عليا لكن المرة دي مسكتلهاش
حتي مراعتش فرق السن بينا مهي لو كانت إنسانة محترمة و المړض هاددها كنت احترمتها لكن هي مشافتش بربع جنيه رباية
قربت منها و زقيتها من على الكرسي وقعت على الأرض و هي بتصوت و بتبص ل منير اللي لسة لحد دلوقتي مصډوم من الكف اللي اخده
رجعت خطوتين لورا و قعدت على الكنبه و شيفاهم كلهم مصدمين و متنحين لبعض 
ابتسمت بسخرية و وقفت مرة تانية و أنا ماشية ناحية الباب و بقول ليهم 
نص ساعة و تكونوا بره البيت
وفقت لحظة و بصيت لحماتي بسخرية و اتعدت إني اهينها زي ما هانتني و للأسف مكنتش حاسة بندم كونها ست كبيرة ولا بذرة شفقة نجاها 
أنا هسيب ليكي الكرسي دا شفقي مني لكن إنتي كان اخرك معايا تخرجي بهدومك اللي لبساها إنتي و جوز التيران دول
رجلي خطت خطوة واحدة بس بره البيت و لقيت نفسي مجرورة من شعري زي البقرة لجوه و منير نازل فيا ضړب بإيده الاتنين 
إنت شكلك اتهفيتي في عقلك و أنا هرجعه ليكي تاني و حيات أمك ما هتباتي