رواية ظلمها عشقاً الفصل السادس بقلم إيمي نور حصريه وجديده

رواية ظلمها عشقا الفصل السادس بقلم إيمي نور حصريه وجديده
جلست سماح تضغط شفتيها معا فى محاولة منها لمنع نفسها عن الانفجار بالضحك وهى ترى شقيقتها تقف امام الخزانة الخاصة بملابسها تعبث بمحتوياتها تتفحص هذا وترمى ذاك وهى تتحدث بعصبية وتوتر
لااا بس برضه انا مكنش ينفع اوافق على كلامه كده على طول..علشان ميقولش يعنى انى هتجنن عليه وماصدقت انه خلاص هيتجوزنى
وافقتها سماح بصوت مخټنق بالضحك
عندك حق كان لازم برضه
رفعت فرح احدى الفساتين امام نظريها تتطلع له بتركيز واهتمام قائلة 
ااه طبعا اومال ايه ..هو انا فعلا ھموت عليه وهتجنن من الفرحة بس مش لازم يعرف ده يعنى وكمان ....
هنا لم تستطع سماح المقاومة طويلا لټنفجر ضحكاتها بصوت عالى صاخب حتى اصبحت تستلقى بظهرها فوق الفراش تمسك بمعدتها وجسدها كله يهتز وبشدة بسببها لتلتفت اليها فرح تضيق عينيها وهى تضغط فوق اسنانها غيظا هاتفة 
تصدقى انك عيلة رخمة ..بقى بتاخدينى على دا عقلى يا سماح
جاهدت سماح حتى تتمالك نفسها تنهض بصعوبة وتقف على قدميها متجهة اليها وصوتها اجش من اثر ضحكاتها تهتف بمرح ساخر
هو انا بس اللى باخدك على اد عقلك ياقلب اختك ..ده كله بقى عارف انه ده الحل الوحيد معاكى 
اتسعت بسمتها تكمل بخبث
ده حتى صالح بقى عارف علاجك ايه .. عينى عليه ده هيشوف ايام سودا معاكى
صړخت بها فرح مستنكرة وهى ترميها بقطعة الملابس التى بيدها لتصيبها فى وجهها بقوة هاتفة 
ليه ياختى بقى..والله مافى حد فى عقلى ..ولا عمره هيلاقى واحدة تحبه زى مانا بحبه
تغيرت ملامح سماح فورا تشع بالحنان تبتسم لها برقة وهى تمد اناملها ترجع خصلات شعرها الى خلف اذنيها قائلة بجد 
طبعا يابت ..ده صالح ده امه دعياله علشان كده رزقه بواحدة زيك تعوضه خير عن جوازته الاولنية وتحطه جوا عينيها
خيم فورا على اجواء الغرفة التوتر بعد كلماتها تلك يفسح لنفسه المجال بها بعد الجو المرح ومزاحهم يعكر صفحة وجهه فرح الحزن عند لحظة ذكر شقيقتها لزواجه السابق ترفع عينيها وقد غشاها القلق والخشية الى شقيقتها هامسة بكل مخاۏف قلبها اليها بصوت مرتعش خائڤ
بس انا خاېفة ياسماح خاېفة يكون لسه بيحبها.. خاېفة اكون جوازة اضطر ليها علشان الظروف و اللى حصل
اسرعت سماح تمسك بكفيها بين يديها مؤكدة بصوت حازم قوى
بطلى عبط.. تفتكرى صالح من اللى ممكن يعملوا حاجة مش عوزنها ..ولا ظروف تتحكم فيه.. بعدين ماهو بقاله شهر وزيادة سايب مراته مرجعش ليها ليه! ..ده لو كان عاوز يرجع
حدقت فرح فى عينى شقيقتها تنشد الطمأنية منها لتهز لها سماح رأسها قائلة بهدوء
ارمى كل حاجة ورا ضهرك.. وافرحى بحلمك اللى كلها كام ساعة ويتحقق ..متخليش حاجة تعكر عليكى فرحتك بيه ..وكفاية انك هتبقى مراته وانتى وشطارتك بقى تخليه يحبك زى ما بتحبيه واكتر كمان
ابتسمت بحنان تكمل بتأكيد والحب يشع من نظراتها
وانا متأكدة انه مش هيحبك بس ..لا ده هيعشق التراب اللى هتمشى عليه لما يفهمك ويعرفك كويس
شع الحب والامتنان لها على وجه فرح تسرع وترتمى فى احضانها تهتف بحب وسعادة
ربنا يخليكى ليا .. مش عارفة من غيرك انا كنت هعمل ايه
احتضنتها سماح هى الاخرى هاتفة نبرات مخټنقة بالبكاء والعاطفة
ويخليكى ليا ..هتوحشينى يابت و هيوحشنى الخناق معاك.
ظلا بين احضان بعضهما بصمت كان ابلغ من اى حديث وكلمات.. تستمد كلا منهما الامان والحب من الاخرى حتى ابتعدت سماح تمسح عبراتها قائلة متصنعة الحزم والجدية 
كفاية كلام بقى ويلا تعالى نشوف هتلبسى ايه ..الناس زمانها