رواية جعلني ملتزمة الفصل الاول بقلم الكاتبه اسماء جمال حصريه وجديده

السيارة تاركة خلفها الڠضب والضيق يسيطران على شذى.
في الجهة الأخرى من المدينة دخل عبد الرحمن منزله يشعر بضيق شديد من تلك الفتاة المغرورة المتعجرفة وكلماتها السامة التي ألقتها في وجهه واتهاماتها الباطلة التي لا أساس لها من الصحة. ظل يتمتم بصوت مسموع يستعيذ بالله أستغفر الله العظيم يا رب هي كانت ناقصاها دي كمان ربنا يهديها.
سمعت شقيقته حياة كلماته غير المفهومة فاقتربت منه بمرحها المعتاد وقالت بابتسامة واسعة مالك يا عبدو أنت بتكلم نفسك ولا إيه يا دكتور هما الطلبة اللي في الكلية خلوك تهلوس للدرجة دي
نظر عبد الرحمن إليها بابتسامة حانية وقال حياتي أنت هنا من إمتى
غمزت حياة بمشاغبة وقالت من ساعة هي كانت ناقصاها دي كمان. هي مين دي كمان ها مين دي ها مين
ارتفعت ضحكات عبد الرحمن عاليا على فضول شقيقته الذي لا ينتهي وقال لها ما هتتغيريش أبدا طول عمرك هتفضلي فضولية وزنانة كده.
تظاهرت حياة بالزعل المصطنع وقالت أنا زنانة وفضولية يا أبيه طيب أنا زعلانة منك ها بقى.
احتضنها عبد الرحمن بحنان وقال طيب يا ستي ما تزعليش ده موضوع كده هبقى أحكيلك عليه بعدين. المهم دلوقت صليتي العشا ولا لسه
ردت عليه حياة بابتسامة واسعة وقد نسيت زعلها صليتها من بدري وجهزت العشا كمان ومستنياك علشان نتعشى سوا.
قال عبد الرحمن طيب يلا يا ستي نتعشى وأحكيلك على اللي حصل معايا.
توجه عبد الرحمن وحياة إلى طاولة الطعام ليتناولا طعامهما سويا. وأثناء تناولهم للطعام بدأ عبد الرحمن يقص على حياة ما حدث معه منذ قليل. اشمأزت حياة من تلك الفتاة ونطقت بغيظ أما قليلة الذوق بصحيح ومعندهاش بربع جنيه رباية.
رد عبد الرحمن يزجرها بحدة حياااة! عيب كده مينفعش نسيء لحد مش موجود. دي اسمها نميمة وغيبة والدين نهانا عن كده. أهي هي دلوقت أخدت حسنات وأنت أخدت سيئات ويوم القيامة بتيجي تاخد من حسناتك وتديكي سيئاتها.
ابتلعت حياة ريقها پخوف وقالت لا لا خلاص مش هعمل كده تاني أبدا مش هغتاب ولا هنم على حد أبدا أبدا...
أردف عبد الرحمن بمرح وهو يرى أثر كلماته عليها شطورة يا حياتي. ثم أكمل بنبرة تشجيع يلا بقى روحي نامي عشان لما أجي أصحيكي لصلاة الفجر تبقي فايقة وكمان تلحقي تجهزي نفسك قبل ما تروحي جامعتك بدل ما كل يوم بننزل متأخرين أنا وأنت كده بسبب نومك للساعة 10 يا أستاذة.
ردت حياة بلماضة الله ما كل يوم بصحى أصلي الفجر وأقولك هنام شوية صغننين وأبقى صحيني قبل ما تلبس عشان أجهز وما أأخركش وأنت تقول لي نامي وبعدها تنسى تصحيني تاني غير أما تلبس وتدخل تلاقيني نايمة. قولتلك قبل ما تلبس صحيني عشان نجهز إحنا الاثنين في نفس الوقت وما أأخركش.
ابتسم عبد الرحمن