روايه جعلني ملتزمة الكاتبه الجميله اسراء جمال الفصل التاسع حصريه وجديده

روايه جعلني ملتزمة الكاتبه الجميله اسراء جمال الفصل التاسع حصريه وجديده 
حين عادو من الخارج ذهب الفتيات لغرفتهم فارتدت شذى الفستان الذي اختارته بعناية لحفل زفاف حياة وابتسمت بسعاده وهى تراه على جسدها
بينما تسللت نظرة إعجاب من عيني الأخيرة ثم خرجت منها صيحة مليئة بالبهجة
اش اش إيه الجمال ده كلو!
ضحكت شذى وهي تتأمل نفسها في المرآة ثم همست
حلو عليا
ردت حياة بغمزة خفيفة
هياكل منك حتة!
فى تلك الاثناء كانت شذى تلتقط الحجاب من على السرير وقالت بمرح
طيب استني أما أجربه بالطرحة كده 
ابتسمت حياة بفرحة غامرةووتساءلت 
إيه نويتي خلاص تلبسيها!
أومأت شذى برأسها وترددت كلماتها في خجل
أممم أها نويت بس أول مرة هلبسها فيها يوم فرحك 
اقتربت منها حياة واحتضنتها بحنان وقد غمرتها مشاعر الأمومة والصداقة في آن واحد
ألف مبارك يا جميلة ربنا يثبتك يا حبيبتي ويجعل حجابك ساتر ليكي من الڼار يوم القيامة 
أجابت شذى مبتسمة تغمرها السکينة
الله يا حياة دعوتك حلوة أوي!
قالت حياة بمكر محبب
طيب إيه رأيك بقى ما تلبسيهاش دلوقتي وفاجئيني بشكلك وانتي لابساها لأول مرة وكمان تخليها مفاجأة ل عبدو أظن هيفرح بيها أوي 
نظرت شذى إليها بعينين دامعتين خجلا
بجد تفتكري هيفرح لما يشوفني بيها
أومأت حياة بخبث واضح
أمممم لا مفتكرش!
تراجعت ملامح شذى للحزن
عندك حق أنا أصلا بالنسباله زي أخته 
قهقهت حياة بصوت عال واردفت
بس يا هبلة! ده أنا شايفة إنه هيطير من الفرحة لما يشوفك وانتي لابسة الحجاب!
تهلل وجه شذى فرحا
بجد بجد يا حياة يعني هيتبسط مني
ربتت حياة على يدها بمودة
بجد يا ستي ويلا بقى عشان ألحق أرتب هدومي في الشنط ماذن جاي هو ونهلة ياخدوهم يودوهم شقتنا 
تغير وجه شذى فجأة وظهرت الغيرة في ملامحها وقالت
ونهلة دي جاية ليه وعبدو موجود هنا!
قهقهت حياة وهي تتهكم
يا سلام على عبدو دي وهي طالعة من بقك! لو أخويا سمعها هيغمن عليه! الواد يا قلب أخته عمره ما سمع أنثى بدلعه غيري لا ومش أي دلع! ده طالع من ملكة الأنوثة والرقة كلها! أنا واثقة إنه لو سمعها منك هيروح في عالم تاني 
توارت شذى خلف ضحكتها ثم أردفت
حياة بطلي بقى عشان بكسف بجد! ويلا يا أختي نلملك شوية الهلهيل بتوعك عشان المحروس وأخته ييجوا يلاقوهم جاهزين ياخدوهم ويمشوا على طول من غير مايأنسونا 
ردت حياة ضاحكة
طول عمرك واطية يا مان!
حين وصل ماذن ونهلة فتح لهم عبد الرحمن الباب وقالت بلباقة وهو مبتسم 
أهلا إزيك يا ماذن اتفضل ادخل ثم وجهة حديثة لنهلة دون ان ينظر لها وقال
إزيك يا آنسة نهلة اتفضلي ادخلي للبنات جوه 
ردت نهلة بخفوت وهي تخطو للداخل
طيب عن إذنك يا ماذن هخشلهم
دلقت للداخل ثم طرقت الباب وما إن سمعت حياة صوت دق فاظنتة اخيها فردت تقول بصوت عال
ادخل يا عبدو!
فتحت نهله الباب وقالت ببسمة 
لا أنا نهلة يا ست حياة!
صړخت حياة في سعادة
نهلة! تعالي يا قلبي عاملة إيه
احتضنتها نهلة بحرارة
إزيك يا أحلى مرات أخ في الكون!
ردت حياة بحب
تمام الحمد لله انت عاملة ايه وماجتيش ليه معانا واحنا بنشترى فساتين الفرح ماذن كان قايلى انك هتيجى واتفاجئت انك مجتيش
ردت عليها نهلة تقول بختصار
كنت هاجى والله بس بابا احتاجنى اعمله حاجة فاقولت لماذن يروح ونا هبقي انزل وقت تانى اجيب فستانى
وبعد ان انهت حديثها نظرت لشذى
التي وقفت أمامها متصلبة الملامح ذراعاها معقودتان على خصرها وقالت بصوت هادى
إزيك يا شذى ما أخدتش بالي إنك موجودة والله 
لترد شذى بلهجة باردة
أهلا 
ثم تابعت