رواية رحلة قدر البارت الثالث بقلم آيه طه حصريه وجديده

رواية رحلة قدر البارت الثالث بقلم آيه طه حصريه وجديده 
ينظر إليهم دكتور أحمد باستغراب
إنتو تعرفوا بعض
علي پغضب
دكتور أحمد بالله عليك ما تقوليش إن دي الطالبة اللي هتساعدني! ليه ملقيتش غيرها دي آخر واحدة أتعامل معاها.
سلمى تقاطعه پغضب وعصبية
أنا مسمحلكش نهائي تهني أو تقلل من كرامتي! وبالمناسبة أنا أصلا اللي مش عايزة أشتغل معاك علشان ميشرفنيش أتعامل مع واحد مغرور وسطحي زيك! إنت فاكر نفسك مين علشان تحكم على الناس كدا
تلتفت ناحية دكتور أحمد
أنا آسفة يا دكتور واستأذن.
وخرجت بسرعة من المكتب.
جلس دكتور أحمد على كرسيه وأشار لعلي كي يجلس هو الآخر قائلا بهدوء
طيب خلينا نفهم إيه اللي حصل دا وإنت تعرفها منين
علي بحدة يبدأ يحكي له عن اللي حصل بينه وبين سلمى وكيف يعرفها.
فيرد عليه دكتور أحمد باستنكار
مستحيل يا علي! سلمى عمرها ما تعمل كدا. أكيد في سوء تفاهم. أنا أعرفها كويس دي من أنبه وأشطر طالباتي وعلى خلق عالي ومستحيل تعمل حاجة بالشكل دا.
علي بعصبية
تعمل أو ما تعملش مش فارق معايا. اللي فارق دلوقتي إنك تلاقيلي حد تاني يساعدني. أنا كل اللي يهمني أحقق حلم أبويا الله يرحمه يبقى معيد في الكلية ويبقى دكتور زي حضرتك. وإنت عارف كان بيقدرك قد إيه.
دكتور أحمد بتأثر
الله يرحمه دا كان عشرة عمري يا ابني. بس أنا شايف إن مفيش حد مناسب غير سلمى هي الوحيدة اللي أقدر أثق فيها وتشرحلك مناهجنا. على العموم روح إنت دلوقتي وارتاح وأنا هحاول أشوف إيه الحل وأكلمك.
استأذن علي وخرج.
وعلى الجانب الآخر كانت إيمان تنتظر سلمى رأت وجهها محمرا من شدة العصبية فركضت إليها قائلة بقلق
إيه يا بنتي مالك الدكتور كان عايزك ليه حصل حاجة اتكلمي!
سلمى تنهدت بقوة والدموع تملأ عينيها
أنا مش فاهمة هو عايز مني إيه ولا أنا عملت له إيه علشان يعاملني كدا! أنا تعبت يا إيمان والله تعبت. ليه بيحصل معايا كل دا
احتضنتها إيمان وربتت على كتفها قائلة