رواية عمر الجابري بقلم الكاتبة زهرة البنفسج الجزء الرابع حصريه وجديده

رواية عمر_الجابري بقلم الكاتبة_زهرة_البنفسج الجزء_الرابع حصريه وجديده 
كنت ډافنة وجهي بقلب الكتاب ودخلت على الصف صوت الضحك والصياح شغال ورقة عم تنشلف هون كتاب عم يطير هنيك يلي عم يركض من مقعد لمقعد.. ويلي نايم.
الصف كان عبارة عن فوضى رفعت بصري عن الكتاب واطلعت بړعب على المقعد الاخير بس ماكان موجود.
تنهدت براحة وقعدت بمقعدي.
دخل أستاذ الرياضيات. الكل سكت هو كان على عكس استاذ الفيزياء مبارح.. الكل بخاف منو وبيحسبلو حساب. 
وكان كثير قاسې بالمعاملة.
فتح الكتاب على الطاولة وقال كيفكم يا طلاب.
اهلين استاذ.
سحب قلم الحبر وكتب على السبورة اختبارات الوحدة الاولى لصف الثالث الثانوي.
الټفت لعڼا وقال كل درس رح ناخدو رح نعمل فيه اختبار.
شهقو الطلاب. وصارو يشدو شعرهم.
استاذ.. بس هاد تاني يوم دوام بس.!
صفقو بالكتاب على راسو وقال انت طالب بكالوريا وعم تحكي هيك.!!!
صار يتفتل بين المقاعد وقال هي سنة مصيرية واصلا لازم يكونكم مبلشين دراسة من الصيف وهلق بتوقع علامات اغلب الطلاب تتحسن عن السنة الماضية بحيث لا تقل عن 75٪ لتضمن النجاح.
الطلاب كانو رح ينجلطو.
قرب علي وابتسم. ابتسامة نادرة جدا وقال وانا بتوقع كثير منكم رح ياخدو علامة التفوق.
عطاني ظهرو ومشي بسرعة على السبورة وقال فتحو لشوف. على الدرس الاول.
سمعت صوت التنهيدات من كل مكان.
محد كان يسترجي يعترض على شي بحضور الاستاذ مرهف. استاذ الرياضيات يلي بحياتو ماغاب عن حصة.. رغم انو السنة الماضية اغلب الطلاب غابت عن المدرسة الا انو انا وياه بقينا لآخر يوم.
كانت بوقتها اجمل ايام حياتي مدرسة فاضية وانا واستاذي المفضل بس.
سمعنا صوت الجرس عم يرن بس محد سترجي يقوم من مقعدو قبل مايقول الاستاذ مرهف هي المسألة يلي كتبتها على اللوح وظيفة وبدي شوفها بكرة.
استاذ بكرة ماعنا رياضيات.
مرهف اي لليوم يلي بكون عندكم رياضيات.
حمل حالو وطلع وفجأة شفت كوثر قدامي وقالتلي متل ما اتفقنا رح تحليلي الوظيفة اوك
جوري طيب.
ركضت بسرعة وطلعت من الصف متل ماعملو الكل.
اما انا اخدت وقتي سحبت جاكيت عمر وعقدت العزم اني اعطيه ايا اليوم.
دورت عليه ورا المدرسة بالجنينة الامامية على السطح ما كان الو اي اثر.
نزلت على مقصف المدرسة كانت الطاولات مليانة طلاب دورت عليه والجاكيت مطوي بين ايدي بس ما لقيتلو اثر.
عفوا.. عفوا لو سمحتي.
الټفت شفت بنت كثير حلوة قدامي ملامحها ناعمة انوثية وكثير حلوة.
انا اسمي ايلين. وانت
جوري ااا انااا 
ايلين اي انت.
جوري اسمي جوري.
ايلين هاد اول يوم الي بالمدرسة انا جديدة هون.
كانت كثير ناعمة وكثير حركاتها انثوية لما تحركت بوقفتها لما عضت على شفايفها ولما حطت خصلات شعرها ورا دانها ورمشت بعيونها بارتباك.
هاد بفسر انها عم تحكي معي لانها جديدة بكرة بس تعرف مين انا وكيف الطلاب بيحكو علي وبيتمسخرو وكيف رح تكون حياتي